Johane 4:15 - Bhibhiliya Nya Guage

¹⁵ Nyamayi a di khuye: “Pfhumu, nyivbe mati yoyo, gasi nyi sipwi gambe lidora, nyi si bweleli gambe avba nyita rega.”

Johane 4:15 Iomraidhean Croise

Johane 6:34

Khavbo avbo, va di khavo: “Pfhumu, hivbe guhodza gogo gikhati gyatshavbo.”

Varoma 8:5

Kholu, ava va vbanyago khu tumbunugo nya wuthu va gu dzi garadza khu gu landra esi si rumwago khu gudogolela nya tumbunugo. Aholu ava va vbanyago khu Liphuvbo nya Guage va gu garadzega khu gu landrisa esi Liphuvbo li lombago.

Varoma 6:23

Handro nya gighoho khu gufa, aholu, giningwa hi gi manago ga Nungungulu khu guvbanya nya gupindruge, gumogo ni Jesu Kristo, Pfhumu yathu.

Johane 6:26

Jesu a di va hakha, khuye: “Khu lisine, nyi ngu mi embelani, kheni: Enu mwa gu nyi vbweta, nasiri khu kotani nya siliwugiso mu nga si wonago, aholu khu kotani mu nga hodzago sibaba mu khura.

Dzindzimo 4:6

Nya vangi vari, khavo: “Khu mani a na hi nonedzago gutsaka?” Pfhumu Nungungulu, hi wenengedze khu gungangamela nya khovbe yago.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.

Jakobe 4:3

Mwa gu lomba, kha mu ningwi, kholu, kha mu kodzi gu lomba. Enu mwa gu lombani silo nya gutsakise sivili sanu.

1 Vakorinto 2:14

Oyu a tumbago wugengeli waye, kha dzumeli gu hakha mahungu a tiviswago khu Liphuvbo la Nungungulu, a gu mapwa kha nga silo nya wupumbu. Kha dzi kodzi gu si pima, kholu mwalo a si pimago a gumba wenengedzwa khu Liphuvbo.

Johane 4:16

Jesu a di mu embela, khuye: “Indra rana mwama wago u wuya naye.”

Johane 6:35

Jesu, khuye: “Eni kheni guhodza nya womi. Uye atago gwangu gima kha napwa ndzala; ni uye a khodwago gwangu, gima kha napwa lidora.