Johane 4:14 - Bhibhiliya Nya Guage

¹⁴ gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

Johane 4:14 Iomraidhean Croise

Isaya 49:10

Gima kha va na ngapwa ndzala ambari lidora, ambari gu furugedzwa khu phuvbo ni gu vbiswa khu lihani, kholu oyu a va pwelago wusiwana, a na thanga mbeli gwawe, a va yisa sifefeni nya mati.

Isaya 55:1

Enu mwatshavbo mu pwago lidora, deluni gibugani nya mati; ni enu mu gu mwalo dzitsapawu, deluni mu ta renga mu hodza; ina, deluni mu ta renga na muri mwalo dzitsapawu, mu na mana vbinyu ni mahwe mahala.

Isaya 58:11

Pfhumu Nungungulu a na gu thangela gikhati gyatshavbo, malangani nya gihala gu na ninga iso u si vbwetago, ni gu tiyisa marambo yago; u khala kha nga lithembwe nya senge li theledzedwago mati, ni gifefe nya mati ma gumba vbela.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 31:25

Kholu nyi na rudzisa mihefemulo yi garadego ni gu ninga tshivba iyo yi khuvegidego.

Ezekiyeli 47:9

Umo wu vbindrago khumo tsongo, gu na manega na ma romo mafumbo yatshavbo nya sirengo ni dzindzandzi. Kholu mati yaya ma gu goga guya iyoyo ma ya vbindrugedza mati nya yiphwa ma khala mati nya gutshambe. Gasi gwatshavbo umo wu vbindrago khumo tsongo, satshavbo si na mana womi.

Levhi 11:36

Aholu gifefe mwendro nambo wu gu ni mati nya mangi, wu na simama na wu agide; ambari ulo uye a kuhago girumbi nya esi si fudego a na nyenyeza.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Matewu 5:6

Va kategide vale va gu ni ndzala ni lidora nya ndruda, kholu va na khuriswa.

Johane 10:10

Mbafa kha yi teli gimbe gilo, ya gu tela gu taba, guta songa ni guta phanga. Eni nyi dzude, gasi dzinvuta dzangu dzi mane guvbanya; dzi gu mane khu gutala.

Johane 11:26

ni wevbi a vbanyago na gu khodwa gwangu gima kha nafa. U ngu khodwa khesi, gani?”

Johane 4:10

Jesu a di mu hakha, khuye: “Nari pwani u ngu wuti wuhigo wa Nungungulu ni oyu a gukhuye: ‘Nyivbe mati nyi sele’, uwe khuwe u nga vbweta gu mu lomba, uye na gu ninga mati nya guvbanye.”

Johane 4:11

Nyamayi a di khuye: “Pfhumu, u mwalo purumwa, nari gu nambo khongolo; ayo mati uma thulago nya guvbanye wa gu ma mana hayi?

Johane 4:13

Jesu a di hakha, khuye: “Oyu a selago mati yaya a napwa gambe lidora;

Johane 4:36

Muvbweri phede gu hakha, gambe a ngu havela mihandro nya guvbanye gu si vbeligo, gasi muyali a tsaka gumogo ni muvbweri.

Johane 6:27

Mu nga thumelini guhodza, gule gu dzi kodzago guvbela, aholu thumelani gule gu ningago guvbanya nya gupindruge, ugo mu na ningwago khu Mwamana wa Muthu; kholu khuye oyu a nga ningwago gifungo khuye mune Babe Nungungulu.”

Johane 6:35

Jesu, khuye: “Eni kheni guhodza nya womi. Uye atago gwangu gima kha napwa ndzala; ni uye a khodwago gwangu, gima kha napwa lidora.

Johane 6:58

Khugo ogu guhodza gu tshigidego khu Ndzadzini; kha gufanani ni gule gu nga hodzwago khu vababe vanu, va fudego; oyu a hodzago guhodza gogu a na vbanya kala gupindruga.”

Johane 7:37

Khu litshigu nya guhegise, a gu litshigu likhongolo nya buzo, Jesu, na emide, a di khusa lito, khuye: “Uye a gu ni lidora a nate gwangu ata sela!

Varoma 5:21

Kha nga olu gighoho gi yeyedzidego tshivba yaye khu gu resa gufa, kharati nuwo wuhigo wa Nungungulu wu ngu yeyedza tshivba yaye khu gu hi ninga gululama gu hi yisago guvbanyani nya gupindruge, khu Pfhumu yathu Jesu Kristo.

Varoma 6:23

Handro nya gighoho khu gufa, aholu, giningwa hi gi manago ga Nungungulu khu guvbanya nya gupindruge, gumogo ni Jesu Kristo, Pfhumu yathu.

2 Vakorinto 1:22

khuye a nga hi lova khu gifungo Gyaye a vega gitumbiso nya Liphuvbo myonyoni gwathu.

Vaefeso 4:30

Mu nga theli wusiwana Liphuvbo nya Guage la Nungungulu, kholu Liphuvbo khigyo gifungo mu lovidwego khu Nungungulu. Khigyo mu nata tidwago khigyo litshigu Nungungulu a natago a ta mi tshula wugumbini nya guvivbe gwatshavbo.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.

Gutuledwa 7:16

Gima kha va na pwa gambe ndzala ni lidora, lihani ni lithonga gima kha si na va sanisa gambe.

Gutuledwa 7:17

Kholu Nvutana yi guromo vbagikhalotunu nya wufumu khiyo yi va havisago, yi va yisa namboni nya mati nya womi. Nungungulu a na va bavbula marongo yawe yatshavbo.”