Johane 4:10 - Bhibhiliya Nya Guage

¹⁰ Jesu a di mu hakha, khuye: “Nari pwani u ngu wuti wuhigo wa Nungungulu ni oyu a gukhuye: ‘Nyivbe mati nyi sele’, uwe khuwe u nga vbweta gu mu lomba, uye na gu ninga mati nya guvbanye.”

Johane 4:10 Iomraidhean Croise

Dzindzimo 10:17

Pfhumu Nungungulu, yingisa nombelo wa gisiwana, va tiyise myonyo yawe, u va hakhe,

Dzindzimo 46:4

Womo tsongo, mati yaye ma tsakisago lidhoropa la Nungungulu, nyumba nya guage ya oyu a Khusegidego ngudzu.

Ekisodha 17:6

Eni nyi na gu thangela, nyi ya gu emela vbatshani nya giwindri gya Horebhi. Uwe u na veta giwindri, gu na duga mati va sela vathu.” Mosi a di gira kharato mbeli ga madhota ya na Israyeli.

Gizimba 4:15

U tsongo wu theledzelago marembweni, u nambo nya mati ma vbanyago, tsongo wu dugelago Libhanoni.

Isaya 12:3

Enu, na mu tade khu gutsaka, mu na ya rega mati sifefeni nya guvbanyise.

Isaya 35:6

Silima si na ndragandraga kha nga dzimangwa, ni malimi nya sidudu ma na kulungela khu gutsaka, kholu mati ma na goga giwulani ni gu buga mitsongo mafuni nya gihala.

Isaya 42:6

Eni, Pfhumu Nungungulu, nyi gu ranide guta thuma gululama, nyi na gu phara khu libogo, nyi gu sayisa, nyi na gu gira mutshanganisi nya vathu ni wenengedzo wa va nya mayigo;

Isaya 43:20

Sirengo sa khabini si na nyi dhumisa, masolwa ni sifondro nya dzimbowa; kholu nyi na vega mati giwulani ni mitsongo mafuni nya gihala, gasi gu ninga mati va sela vathu vangu, ni ga gihathwa gyangu,

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 49:10

Gima kha va na ngapwa ndzala ambari lidora, ambari gu furugedzwa khu phuvbo ni gu vbiswa khu lihani, kholu oyu a va pwelago wusiwana, a na thanga mbeli gwawe, a va yisa sifefeni nya mati.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Ezekiyeli 16:35

Khu guralo, uwe gibhayi wewe, yingisa magana ya Pfhumu Nungungulu!

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Zakariya 14:8

Litshigu lolo, gukhugela Jerusalema gu na goga mati nya guvbanye, gipandre nya mati yoyo gi na goga gi ndrindrela phwani ga Khugadambo, gimbe gipandre gi ndrindrela phwani ga Muhwadambo; isoso si na girega khu nango nya maronga ni nango nya girame.

Luka 11:13

Nga wonani: Ambari enu nya gukhenu mu vivbedwe khu myonyo mu kodzago gu ninga silo nya sadi sanana sanu, ahati Babe wanu a guromo Ndzadzini a na gira kharini? A na ninga Liphuvbo nya Guage ga vale va mu lombago!”

Johane 16:3

Va na gira kharato kholu kha va muti, Babe wangu ni eni.

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Johane 3:16

“Kholu Nungungulu haladzide ngudzu litigo gu kala a ningela Mwanaye wa moyo, gasi ni wevbi a khodwago gwaye a si mbembi, aholu a mane guvbanya nya gupindruge.

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

Johane 6:35

Jesu, khuye: “Eni kheni guhodza nya womi. Uye atago gwangu gima kha napwa ndzala; ni uye a khodwago gwangu, gima kha napwa lidora.

Johane 6:51

Eni nyi guhodza nya guvbanye gu tshigidego khu Ndzadzini. Uye a gu hodzago a na vbanya kala gupindruga; guhodza nyi na ningelago khu givili gyangu, gasi guvbanyisa litigo.”

Mithumo 9:11

Pfhumu a di engedza gambe, khuye: “Khuga u hongola ndrangani ga Judha yi manegago ndzilani yi ranwago pwani ‘Gululama’ u ya wudzisa khu lina la mwama moyo nya gupwani khu Sawule nya givelegwa gya Tarisu, kholu womo vbakari nya gulombelele.”

Varoma 8:32

Uye a ngamba felela Mwamana waye, a nga mu ningela khu kotani yathu, ginani gi na mu tandregisago gu hi ninga satshavbo simbe silo gumogo ni Mwanaye?

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

1 Vakorinto 10:4

va gu sela gambe mati ya mamowo nya liphuvbo ma nga pfhurugago khu mugiwindrini nya Liphuvbo gi nga bani gi gu va bangaladza, giwindri gyogyo khu Kristo.

2 Vakorinto 9:15

A na bongwe Nungungulu khu silo nya gusamadzise a hi girelago.

Vaefeso 2:8

Kholu mu vbanyisidwe khu wuhindzi khu kotani nya gukhodwe gwanu. Guvbanyiswa khandri mwa gu gu mana khu tshivba yanu, kholu giningwa gya Nungungulu.

Vahebheru 6:4

Va na dzi khodza kharini gu dzi laya nyaluphye ava va nga diga gukhodwa? Kholu avo va diri guwonegelani ga Nungungulu, va di hakhide giningwa gya ndzadzini, gambe va di hakhide Liphuvbo nya Guage.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.

Gutuledwa 21:6

A di nyi embela gambe, khuye: “Satshavbo si giregide! Eni kheni Guphela ni Mahegiso (Alfa ni Omega). Oyu a gu ni lidora nyi na mu ninga a sela mahala mati nya gifefe nya guvbanye.

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.

Gutuledwa 7:17

Kholu Nvutana yi guromo vbagikhalotunu nya wufumu khiyo yi va havisago, yi va yisa namboni nya mati nya womi. Nungungulu a na va bavbula marongo yawe yatshavbo.”