Johane 3:6 - Bhibhiliya Nya Guage

⁶ Igyo gi velegidwego khu tshivba nya muthu, muthu kamwe, gasi igyo gi velegidwego khu Liphuvbo, Liphuvbo.

Johane 3:6 Iomraidhean Croise

Genesi 5:3

Avbo Adhamu a nga tshanganisago lizana ni magumararu (130) myaga, a di velega gyanana nya mwama, nya mufananiso ni giyemo nya idzosaye ni uye, a gi riya lina nya gupwani khu Seta.

Genesi 6:12

Nungungulu a gu khedza mafuni a di wona guvivba basi, kholu vathu vatshavbo va di gimbila khu dzindzila nya gunyenyeze.

Genesi 6:5

Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

Joba 14:4

Ina khu mani a dzi kodzago gu dusa gilo nya guage, ga gilo nyamba aga, na? Khu lisine mwalo!

Joba 25:4

Khu mani a lulamidego mbeli ga Nungungulu? A nga kodza kharini gululama muthu a velegidwego khu nyamayi?

Dzindzimo 51:10

Nungungulu, vega monyo nya wadi ndrani gwangu u wusedza liphuvbo nya gutiye monyoni gwangu;

Johane 1:13

sivangwa sesi kha sa velegwa khu tshivba nya novba mwendro, khu tumbunugo nya muthu, mwendro khu gu haladza nya muthu, aholu si velegidwe khu gugola ga Nungungulu.

Johane 3:7

U nga liwugi kholu nyi nga, kheni: Mwatshavbo gu vbwetega mu velegwani nyaluphye.

Varoma 7:18

Eni nyi ngu dziti gukheni wuwadi kha wa vbaha gwangu, guthula gukheni givilini gwangu, kholu ambari na nyi gu gola gu gira nya sadi, nyi ngu tandrega.

Varoma 7:25

A na rungudzwe Nungungulu a nyi vbulugisago khu Jesu Kristo, Pfhumu yathu! Kharati nyi womo nyi thumela Nungungulu khu mapimo yangu, aholu khu gumba tiya nya givili gyangu, nyi ngu thumela nayo nya gighoho.

Varoma 7:5

Gikhati hi nga bani hi nga gu vbanya khu tumbunugo nya wuthu, hi di gu fumwa khu gudogolela esi nya guvivbe, khu gu kutsedzedwa khu nayo, iso si di hi yisa gufani.

Varoma 8:13

Kholu mwa gu landrisela mavbanyelo nya gudogolele gogo, mwa gu bela khu ndzila yi mi yisago gufani. Aholu mwa gu songani mithumo nya wughohi khu tshivba nya Liphuvbo nya Guage, mu na vbanya.

1 Vakorinto 6:17

Gasi oyu a dzi tshanganisago ni Pfhumu a na khala muthu moyo ni Pfhumu khu liphuvbo.

2 Vakorinto 5:17

Kholu muthu a gu tshanganiswa ni Kristo a gu khala muthu muphya. Esi sa gale si vbindride, satshavbo sa gu wusedzwa si gu girwa siphya.

Vagalatiya 5:24

Ava va gu va Kristo Jesu va khokhothede vbagihambanotunu tumbunugo nya wuthu wawe ni gudogorela gwawe gwatshavbo.

Vaefeso 2:3

Ethu hatshavbo hi diri nethu kha nga avo, hi di gu vbanya khu nayo nya tumbunugo ni gu landrisa gunavela nya givili ni monyo. Khu tumbunugo nya makhalelo yathu, hi di gu fanela guya thethiswa khu Nungungulu gumogo ni vambe vathu.

Vakolosi 2:11

Khu gu tshanganiswa naye, enu mu hanide wugwera, nasiri wugwera wu hanwago milini, aholu wugwera wu tago khu ga Kristo, a gu gutshudwa givili nya gighoho.

1 Johane 3:9

Oyu a gu gyanana gya Nungungulu kha simami gu ghoha, kholu Nungungulu mbewu givilini gwaye. Khu guralo, kha dzi kodzi gu simama a ghoha, kholu velegedwe Nungungulu.