Johane 3:5 - Bhibhiliya Nya Guage

⁵ Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa khu mati ni Liphuvbo, kha na dzi kodza gubela Mufumoni wa Ndzadzini.

Johane 3:5 Iomraidhean Croise

Matewu 18:3

“Khu lisine nyi ngu mi embelani, kheni: Mwa gumba vbindrugedza mu khala nga sanana, gima kha mu na bela Mufumoni wa Ndzadzini.

Matewu 19:24

Nyi ngu engedza gambe, kheni: Gu vbevbugide guvbindra ngameriya khu vbahogotunu nya tshingano guvbindra gu dzega gitetema gi bela Mufumo wa Ndzadzini.”

Matewu 21:31

Khu wevbini nya ava va vavili a nga girago guhaladza ga babe wule?” Va di hakha, khavo: “Khuye nya guphele.” Jesu a di va embela, khuye: “Khu lisine nyi ngu mi embelani, kheni: Vakhuphisi ni maphuphulu va na mi thangela Mufumoni wa Ndzadzini.

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Matewu 3:11

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Matewu 5:20

Kholu nyi ngu mi embelani; gululama gwanu gwa mba vbindra ugo nya vahevbudzi nya Nayo ni Vafarisi, gima kha mu na bela Mufumo wa Ndzadzini.

Marko 10:14

Jesu, na si wone, a di garadzega a va embela, khuye: “Digani sanana sita gwangu. Mu nga si himbedzeli, kholu Mufumo wa Nungungulu wa gu lumba iso.

Marko 16:16

Oyu a khodwago a bhapatiswa, a na vbanyiswa; gasi oyu a si khodwigo a na mbemba.

Marko 9:47

Ni liso lago la gu khala gikhunguvanyiso gwago li duse vbavbandze, i tshukwana gubela Mufumoni wa Ndzadzini uri ni liso limwedo guvbindra gu rinywa ni maho ya mavili phalani nya nilo

Luka 13:24

Uye a di va hakha, khuye: “Zamani gu bela khu mwanya yoyu nya wudugwana, kholu, nyi ngu mi embelani gukheni nya vangi va na zama gu bela khavbo, aholu kha va na dzi kodza.

Luka 13:3

Nyi ngu mi embelani, kheni: Khandridzo. Aholu mwa gumba vbindrugedza mavbanyelo mu na fisani nenu guralo.

Luka 13:5

Nyi ngu mi embelani, kheni: Khandridzo. Aholu mwa gumba vbindrugedza mavbanyelo yanu mu na fisa nenu guralo.”

Johane 1:13

sivangwa sesi kha sa velegwa khu tshivba nya novba mwendro, khu tumbunugo nya muthu, mwendro khu gu haladza nya muthu, aholu si velegidwe khu gugola ga Nungungulu.

Johane 3:3

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa nyaluphye, gima kha na wona Mufumo wa Nungungulu.”

Johane 3:4

Nikodhemo a di mu wudzisa, khuye: “Ina gu ngu kodzega kharini guvelegwa muthu a gumbidego? Ina a na dzi kodza gubela nyaluphye ndrani ga mayi waye, gasi guvelegwa nyaluphye, gani?”

Mithumo 2:38

Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Varoma 14:17

Kholu Mufumo wa Nungungulu, khandri mahungu nya guhodze ni gusela, aholu, mahungu nya gululame, nya gurule ni gunengela gutago khu Liphuvbo nya Guage.

Varoma 8:2

Kholu nayo nya Liphuvbo nya guvbanye li ningago guvbanya khu gu hi tshanganisa ni Jesu Kristo wu nyi tshude ga nayo nya gighoho ni ga tshivba nya gufe.

1 Vakorinto 15:50

Khu maganelelo yaya, vandriyangu, nya guvbweta gu mi embela kheni, muthu nya mafu kha dzi kodzi uye wurumba waye, gu hakha thomba nya Mufumo wa Nungungulu. Egi gi gu ni lufa kha gi yeli gu hakha thomba nya guvbanye nya gupindruge.

1 Vakorinto 2:12

Ethu kha ha hakha liphuvbo la mafuni momu, aholu hi hakhide Liphuvbo li tago khu ga Nungungulu. Khavbo avbo, ethu hi ngu dzi kodza guti wuhigo watshavbo hi ningidwego khu Nungungulu.

1 Vakorinto 6:11

Vbakari gwanu vomo va nga bani vari ni mavbanyelo yoyo. Olu mu handzidwe, mu agiswa, mu gu girwa vathu nya gululame linani ga Pfhumu Jesu Kristo, khu tshivba nya Liphuvbo la Nungungulu wathu.

Vagalatiya 6:15

Kholu gu hana ni gumba hana wugwera, kha si phasi gilo; aholu, egi gi phasago basi khu gu vbindrugedza mavbanyelo, hi khala vathu vaphya.

Vaefeso 5:26

Uye giride esi khu gufela gu li handza a li agisela khu mati ni magana yaye, a li ningela ga Nungungulu.

1 Pedro 1:2

Enu mu hathidwe khu guhaladza gwa Nungungulu Babe, mu giridwe vathu va Nungungulu khu tshivba nya Liphuvbo laye, gasi mu yingela Jesu Kristo ni gu mitegedzedwa khu Novba waye. Wuhigo ni gurula gu na tadzisedwe avbo gwanu.

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.

1 Johane 2:29

Kha nga mu dzitigo gukhenu Kristo lulamide gima kha gira gilo nya guvivbe, dzitini gambe gukhenu oyu a girago esi nya gululame, velegidwe khuye.

1 Johane 5:1

Muthu watshavbo a khodwago gukhuye Jesu khuye Kristo, gyanana gya Nungungulu. Muthu watshavbo a haladzago babe a nga velega gyanana, a ngu haladza gambe ni gyanana gya Babe yoyo.