Johane 3:25 - Bhibhiliya Nya Guage

²⁵ Gu di manega gu ganedzisana khu kotani nya guagiswe vbakari nya vapizane va Johane ni Vajudha nya gukari.

Johane 3:25 Iomraidhean Croise

Matewu 3:11

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Marko 7:8

Mwa gu diga milayo ya Nungungulu mu gu landrisa tumbunugo nya vathu.”

Johane 2:6

Gu diromo avbo livbandre na moyo misungwa nya siwindri, va nga bani va gu hamba umo mandza Vajudha; moyo ni moyo a diri ni gipandre nya mipimo mivili mwendro miraru.

Vahebheru 6:2

sihevbulo si ganelago khu mahungu nya gubhapatiswe; guhandzega mandza vakristo; ni gu tivisa guwuga ga vafudego, ni gulamudwa nya guhegise.

Vahebheru 9:10

Miningelo ni dzimhamba dzodzo, a diri guhodza ni gusela ni yimbe mikhuwo nya gu dzi agise, yi nga bani yiri ni giphaso basi gikhati Nungungulu a nga bani a si gu vbindrugedzi silo satshavbo si gu khala siphya.

Vahebheru 9:23

Silo sesi si nga bani siri gupimedzela nya silo nya lisine sa ndzadzini si yede gu agiswa khu maagiselo yoyo; aholu, silo nya lisine sa ndzadzini wurumba waye, sa gu lomba gu agiswa khu dzimhamba nya lisine guvbindra edzi dza gale.

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.