Johane 3:2 - Bhibhiliya Nya Guage

² A di hongola ga Jesu ni vbakari nya wutshigu, aya, khuye: “Rabi, hi ngu dziti nya gukhethu u dzude khu ga Nungungulu kha nga Muhevbudzi, kholu mwalo a kodzago gu gira siliwugiso nya nga iso u girago, a gu bani ari mwalo tshivbani ya Nungungulu.”

Johane 3:2 Iomraidhean Croise

1 Dzipfhumu 17:24

Khavbo avbo, nyamayi a di ganela ga Eliya, khuye: “Olu nyi ngu dziti gukheni uwe u muthu wa Nungungulu, ni gukhuye; khya lisine magana ya Pfhumu Nungungulu ma dugelago khu kanani gwago.”

Isaya 51:7

Nyi yingiseni, enu mutigo gululama, enu vathu, myonyo yanu yi sayisago nayo wangu, mu nga thavi vale va mi poyilago, ambari guvbela tshivba va gu mi valani.

Jeremiya 38:16

Khu guralo, mufumeli Zedhekiya a di sambanya ga Jeremiya khu gisihaledza, khuye: “Nyi ngu sambanya khu Pfhumu Nungungulu a vbanyago, mugiri nya hefemulo wathu, gukheni kha nyi na nga gu songa, gambe kha nyi na gu ningela mandzani ga vama vava va vbwetago gu gu songa.”

Matewu 22:16

Va di rumela vapizane vawe, gumogo ni va na Herodhi, gasi guya mu wudzisa, khavo: “Muhevbudzi, hi ngu dziti nya gukhethu u muthu nya lisine, ni gukhethu u ngu hevbudza ndzila ya Nungungulu kha nga idzo li lombago khidzo lisine; khu thavi muthu, kholu khu khedzi giemo nya muthu.

Matewu 23:7

Va gu gola gu loswa khu githawo vathuni ni gu ranwa khu vathu, pwani Muhevbudzi!

Matewu 23:8

Gasi enu mu nga dzumelini gu ranwa Muhevbudzi khu muthu, kholu muhevbudzi wanu moyo basi; enu mwatshavbo mu vandruye.

Marko 12:14

Na va vbohide, va di khavo: “Muhevbudzi, hi ngu dziti nya gukhethu u muthu nya lisine, khu thavi muthu kholu khu khedzi giemo nya muthu, aholu wa gu hevbudza ndzila ya Nungungulu, kha nga idzo li lombago khidzo lisine. Hi na ni fanelo nya gulivbe khupho ga Sezari mwendro hi mwalo? Hi livba, mwendro hi nga livbi?”

Johane 1:38

Jesu, a di thendregedza a wona nya gukhuye va gu mu landra, a di khuye: “Mwa guvbweta ginani?” Va di hakha, khavo: “Rabi, (gutshamusago gupwani: Muhevbudzi) wa gu khala hayi?”

Johane 10:38

“Aholu, nya gu yi gira, ambari mu si khodwi gwangu, khodwani khu mithumo yangu, gasi mu dzitini ni gukhodwa gukhenu Babe a na ni eni, eni neni nyi na ni Babe.”

Johane 12:37

Ambari ulo a nga gira siliwugiso nya singi mahoni gwawe, gima kha va khodwa gwaye,

Johane 14:10

Ina khu khodwi nya gukhuwe eni nyi womo ga Babe, ni gukhuwe Babe womo gwangu, gani? Magana nyi mi embelago khandri yangu, aholu, Babe a guromo gumogo ni eni, khuye a girago mithumo yeyi.

Johane 15:24

Nari pwani kha nya nga gira siliwugiso nya sikhongolo vbakari gwawe, iso nya gu gima si si gu girwi khu mumbe muthu, na vari mwalo nandru; gasi avo, na va si wone, va di simama gu nyi zondra eni ni Babe wangu.

Johane 2:11

Khigyo egi giliwugiso nya guphele gya Jesu a giredego tigoni ga Khanani ga Galileya a gu wonegisa kharati gidhumo gyaye; vapizane va di khodwa gwaye.

Johane 20:16

Jesu a di mu rana, khuye: “Mariya!” Uye a di thendregedza a hakha khu Gihebheru, khuye: “Raboni!” Gutshamusago pwani: “Muhevbudzi.”

Johane 3:26

Va diya ga Johane vaya, khavo: “Rabi, wule u nga bani uri naye tshatugo ga Joridhani, wule u nga mu fakazelago, womo a bhapatisa, vathu vatshavbo va guya gwaye.”

Johane 4:31

Gasi vapizane va di gu mu gurumedza, khavo: “Hodza Rabi.”

Johane 5:36

Gasi eni nyi na ni wufakazi nya guvbindre wa Johane, kholu mithumo nyi ningidwego gu gira khu Babe, yi ngu fakaza gu khiyo Babe a nyi rumede.

Johane 6:2

Gidzemo nya gingi nya vathu gi di mu landra khu gu wona siliwugiso a nga bani a gu gira ga vadwali.

Johane 7:31

Vbakari nya gidzemo, nya vangi va di khodwa gwaye, va gu wudzisa, khavo: “Ina a guta Kristo a nata gira siwoniso nya sikhongolo nya guvbindre esi a giridego, gani?”

Johane 9:16

Na va pwide esi, vambe Vafarisi, va di khavo: “Muthu yoyu khati khu ga Nungungulu, kholu kha vegedzi Sabhadho.” Gasi vambe va di khavo: “A ngu dzi kodza kharini muthu nya gighohi gu gira siliwugiso nya nga esi?” Gu di manega guhambana vbakari gwawe.

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Mithumo 2:22

“Vama va na Israyeli, yingisani gwadi magana yaya. Jesu wa Nazareta dandrisidwe vbakari gwanu khu mithumo ya tshivba, ni siliwugiso, ni siwonegiso esi Nungungulu a giridego khu uye vbakari gwanu, kha nga mu dzitigo gwadi.

Vafilipi 1:14

Vandruye nya vangi khu gukhodwa va tiyide longo khu gu wona dzitshinga nyi hungidwego, va gu engedzela gitumbo gyawe ga Pfhumu, muhuno va ngu tivisa mahungu ya Nungungulu khu tshivba, nyamba thava gilo.

Valamuli 6:27

Khu guralo, Gidhiyoni a di dzega likhumi vama vbakari nya sithumi saye, a gira kha nga idzo a embedwego khidzo khu Pfhumu Nungungulu; aholu, khu gu thava ndranga ya babe waye, gumogo ni vathu va dhoropani, satshavbo a di si gira ni wutshigu.