Johane 3:18 - Bhibhiliya Nya Guage

¹⁸ Uye a khodwago gwaye kha mbembi; aholu, uye a si khodwigo a na mbemba, kholu kha khodwa linani la Mwamana wa moyo wa Nungungulu.

Johane 3:18 Iomraidhean Croise

Marko 16:16

Oyu a khodwago a bhapatiswa, a na vbanyiswa; gasi oyu a si khodwigo a na mbemba.

Johane 1:12

Gasi vale vatshavbo va nga li hakhago, va khodwago ga ilo, li di va ninga fanelo nya gukhale sanana sa Nungungulu;

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 20:31

Esi si lovidwe gasi mu khodwe gukhenu Jesu khu Kristo, Mwamana wa Nungungulu; gasi khu gu khodwa, mu mane guvbanya linani gwaye.

Johane 3:16

“Kholu Nungungulu haladzide ngudzu litigo gu kala a ningela Mwanaye wa moyo, gasi ni wevbi a khodwago gwaye a si mbembi, aholu a mane guvbanya nya gupindruge.

Johane 3:36

Uye a khodwago ga Mwanaye a na ni guvbanya nya gupindruge. Gasi uye a si mu yingisigo kha na mana guvbanya, gambe a na tsayiswa khu likhulo la Nungungulu.

Johane 5:24

“Khu lisine, nyi ngu mi embelani, kheni: Oyu apwago magana yangu, a gu khodwa ga wule a nga nyi rumelago, a na mana guvbanya nya gupindruge. Khu kharato kha na mbemba, kholu dugide khu gufani, a gu bela guvbanyani.

Johane 6:40

Gugola ga Babe wangu khogu: Muthu watshavbo a wonago Mwamana, a gu khodwa gwaye, a na mana guvbanya nya gupindruge; gasi eni nyi na mu wusa litshigu nya mahegiso.”

Johane 6:47

Khu lisine, nyi ngu mi embelani: Uye a khodwago a na ni guvbanya nya gupindruge.

Varoma 5:1

Na hi wonidwe kharati, kha nga vathu nya gululame, khu kotani nya gukhodwe gwathu, ethu hi ngu vbanya khu gurula ni Nungungulu khu gwa Jesu Kristo, Pfhumu yathu.

Varoma 8:1

Aholu, olu wu mwalo gambe nandru ga vale va tshanganisidwego ni Jesu Kristo.

Varoma 8:34

Khu mani a na va ningago nandru? Khu Jesu Kristo, a gu uye a ngafago a wuga, a khadego khu nyamudye ga Nungungulu a lombelela khu ethu, gani?

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.

Vahebheru 2:3

Hi na vbulugisa guwani ethu, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, vata hi tivisa ethu gukhavo lisine.

Vahebheru 3:19

Khavbo avbo, hi ngu wona gukhethu, gumba khodwa gwawe khugo gu nga va tandregisa gu bela tigoni nya guhefemule va nga tumbiswago.

1 Johane 3:23

Esi a rumago khesi; nya gukhuye hi na khodwe linani ga Mwanaye Jesu Kristo, ni gu haladzana khu gyathu nga edzi Uye a nga hi rumago khidzo.

1 Johane 4:9

Khidzo kharato Nungungulu a nga yeyedza lihaladzo laye ga ethu. Nungungulu a di rumela Mwamana waye wa Moyo tigoni, gasi ethu hi mane guvbanya khu kotani yaye.

1 Johane 5:10

Oyu a khodwago ga Mwamana wa Nungungulu a na ni wufakazi wowu ndrani nya monyo waye. Aholu, oyu a si khodwigo ga Nungungulu, a ngu gira Nungungulu nga moyo nya malipha, kholu kha khodwi khu wufakazi wu nga girwa khu Nungungulu a girela Mwamana waye.

1 Johane 5:12

Oyu a gu na ni Mwamana a na ni guvbanya, oyu a gu mwalo Mwamana wa Nungungulu mwalo guvbanya.