Johane 3:13 - Bhibhiliya Nya Guage

¹³ Mwalo a litidego Ndzadzini, vbavbandze ga wule a nga tshigago khu Ndzadzini, a gu Mwamana wa Muthu.

Johane 3:13 Iomraidhean Croise

Mavingu 30:4

Khu mani a gwedego ndzadzini bwelo khavbo a wuya? Khu mani a kodzago gufumbaredza phuvbo khu mandza yaye? Khu mani a fumbelago mati mwendrani gwaye? Khu mani a emisidego dzikhona nya mahegiso nya litigo? Khuye mani lina laye, ni lina la mwanaye, mwendro sago u ngu liti?

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Matewu 8:20

Jesu a di mu hakha, khuye: “Migehe yi na ni mavbala yawe; sinyoni sa damboni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 13:3

Jesu, khu gu dziti gukhuye Babe a mu ningide tshivba yatshavbo, ni gukhuye dzude khu ga Nungungulu, gu vbwetega a bwelela ga Nungungulu,

Johane 17:5

Olu, Baba, nyi ninge gambe gidhumo gile nyi nga bani nyiri nagyo khu gale mahoni gwago, na li si gu vangwi litigo.

Johane 3:12

Olu mu si khodwigo nya gu ganela khu silo sa mafuni, mu na khodwa kharini nya gu ganela khu silo sa Ndzadzini?

Johane 3:31

Uye atago khu vbatshani khusegide vbatshani guvbindra vatshavbo; gasi uye a gu wa mafuni a gu lumba mafu, gambe a gu ganela khu silo sa mafuni. Oyu atago khu Ndzadzini,

Johane 6:33

kholu guhodza ga Nungungulu khu gule gutago khu Ndzadzini, khugo gu vbanyisago litigo.”

Johane 6:38

Kholu nyi tshigide khu Ndzadzini, gasi guta gira guhaladza ga wule a nyi rumedego; kha nya tela guta gira guhaladza gwangu.

Johane 6:42

Avo va di wudzisana, khavo: “Ina khandruye oyu Jesu, gyanana gya Josefe, oyu hi vatigo vavelegi vaye? Khu ginani a gukhuye: ‘Eni nyi tshigide khu Ndzadzini?’ ”

Johane 6:46

Mwalo a wonidego Babe vbavbandze ga wule atago khu ga Nungungulu; uye khuye a wonidego Babe.

Johane 6:51

Eni nyi guhodza nya guvbanye gu tshigidego khu Ndzadzini. Uye a gu hodzago a na vbanya kala gupindruga; guhodza nyi na ningelago khu givili gyangu, gasi guvbanyisa litigo.”

Johane 6:62

Ahati mwa gu wona Mwamana wa Muthu na gu lita iyo a nga bani a romo, mu na khenu ginani?

Johane 8:42

Jesu a va hakha, khuye: “Nari pwani Nungungulu Babe wanu, na mu nyi gola, kholu eni nya guta khu gu rumedwa khu Nungungulu. Kha nyata khu gudzina gwangu, aholu khuye a nyi rumedego.

Mithumo 2:34

Kholu Dhavhidhe gima kha gwela Ndzadzini gambe a ngu fakaza, khuye: ‘Pfhumu a di embela Pfhumu yangu, khuye: Khala khu nyamudye gwangu

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

Varoma 10:6

Gasi khu mahungu nya gutshanganiswe khu ndzila nya gukhodwe, Mosi lovide, kharati: “U nga ganeli khu monyoni gwago, khuwe: Khu mani a na litago a hongola Ndzadzini?” (Khu gupwani: Gasi guya rana Kristo a tshige mafuni).

1 Vakorinto 15:47

Oyu nya guhegule a diri muthu wa mafuni. Oyu nya wuvili khwa Ndzadzini.

Vaefeso 1:23

Ilo khilo givili gyaye; ilo khilo gutadzisega gwatshavbo gwa Kristo, a enedzago silo satshavbo ga vatshavbo.

Dhewuteronome 30:12

Gambe wu mwalo vbatshani ndzadzini, nya gukala u ganela, khuwe: Khu mani a na gwelago vbatshani yoyo ndzadzini, aya wu dzega a hi resela gasi hi kodze gu wu yingisa, ni gu wu landrisa?