Johane 20:9 - Bhibhiliya Nya Guage

⁹ Va di si gu yi pimisi gwadi milowo yile, yi gu, khiyo: “Uye a na wuga khu ga vafudego.”

Johane 20:9 Iomraidhean Croise

Dzindzimo 16:10

Kholu khu na diga guvbanya gwangu phalani nya vafi; khu na diga gihathwa gyago gifa.

Dzindzimo 22:15

Khanani gwangu gu bangide kha nga gindzengele nya libumba; lidimi langu li dandramede sihayani, uwe wa gu nyi rinya avbo nya kudzudzwane nya lufu.

Isaya 25:8

A na fuvisa gufa kala gupindruga; Mune Pfhumu Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu Pfhumu Nungungulu ganede kharato.

Isaya 26:19

Vafi vago va na bwelo khavbo va vbanya, si na duga khu marowoni sirumbi sa vathu vago, wugani mu ghiya, enu mwatshavbo mu ladego umo nya kudzudzwane nya mafu, kholu thondrwane yago uwe Pfhumu Nungungulu, ya gu fanana ni thondrwane nya guvbanyise mitongwe, kholu mafu ma na bwelo khavbo ma dusa vale va fudego.

Hoseya 13:14

Eni nyi na va dzegisa tshivbani nya liphala nya guete, nyi va tshudzisa lufuni. Gasi olu uwe lufu, yomo hayi mitungu yago? Uwe liphala nya vafi, gomo hayi gumbembisa gwago? Maho yangu gimwalo ni gimwegyo ma gi wonago nya gu dzi laye khigyo.

Matewu 22:29

Jesu a di va hakha, khuye: “Mu dzi pembide, khu gumbatini Milowo nya Guage ni tshivba ya Nungungulu.

Luka 24:26

Gasi Kristo a di si emeli gu saniseka, afela gu bela wudhumoni gwaye, gani?”

Luka 9:45

Aholu avo kha va nga dziti khavo a gu vbweta khuye ginani, kholu a diri sihalo gwawe. Ambari ulo kha va mu wudzisa, kholu va di gu mu thava.

Johane 2:22

Khu kharato, gikhati a nga wugago khu ga vafudego, vapizane vaye va di dundruga iso a nga ganelago, va gu khodwa khu Milowo ni magana ya Jesu.

Mithumo 17:3

A di va tshamusela khu gu va pimisela gwadi khuye Kristo a di fanela gu saniseka a wuga khu ga vafudego, a gu ganela, khuye: “Kristo khu Jesu oyu nyi mu tivisago gwanu.”

Mithumo 2:24

Aholu Nungungulu a mu wuside khu ga vafudego, a mu vbulugisa gusanisekani nya lufu, kholu a di si yedwi khu gu fumedwa khu tshivba nya lufu.

1 Vakorinto 15:4

Dzingidwe, a wuga khu litshigu nya wuraru, kha nga yi ganelago Milowo nya Guage.