Johane 2:25 - Bhibhiliya Nya Guage

²⁵ Kha nga vbweta gu embedzedwa mavbanyelo ya moyo ni moyo, kholu uye mune a di gu yiti myonyo yawe.

Johane 2:25 Iomraidhean Croise

1 Dzipfhumu 8:39

uwe va yingise khu ndzadzini yoyo, wulangani u khadego avbo, ninga moyo ni moyo maningano khu dzindzila dzaye dzatshavbo, nidzo u na wonago khidzo monyoni gwaye, kholu khuwe basi u wonago myonyo yatshavbo ya sanana sa vathu.

Isaya 11:3

A na nengela khu guthava Pfhumu Nungungulu; kha na lamula gukhedza khu khovbe nya muthu, mwendro gu kona gukhedza khu gu pwa ndzeve;

Matewu 9:4

Aholu Jesu, na wonide maalakanyo yawe, a di va wudzisa, khuye: “Khu ginani mu khalago ni maalakanyo nya guvivbe kharato?

Johane 1:42

A di mu dzega aya naye ga Jesu. Jesu, na khuside maho a mu khedza, a di mu embela, khuye: “Uwe khuwe Simoni, mwamana wa Johane, u na ranwa pwani khuwe Khefasi” gutshamusago pwani: Giwindri.

Johane 1:47

Jesu, na wonide Natanayeli na gu hidzimela, a di khuye: “Oyu khuye a gu wa na Israyeli nya guvbelele, gwaye wu mwalo wukanganyisi.”

Johane 13:11

Uye a di gu muti gwadi uye a nga bani a gu vbweta gu mu ningela pima kholu a nga ganelago, khuye: “Khandri mwatshavbo mu agidego.”

Johane 6:61

Na dzitide Jesu nya gukhuye vapizane va ngu kanakana myonyoni gwawe, a di khuye: “Esi sa gu mi khunguvanyisa, gani?

Johane 6:64

Aholu, vbakari gwanu vomo va si khodwigo.” Khu lisine, Jesu a di gu vati, gukhugela guhegulani, khu vevbini vale va nga bani va si khodwi, ni gu, khu wevbini wule a nga vbweta gu mu ningela.

Dhewuteronome 31:21

Khu guralo, gikhati va na gu namaredwago khu mabango nya gutale, ndzimo yeyi yi na khala kha nga fakazi mbeli gwawe; kholu iyo gima kha yi na divadwa maganani ga situgulwana sawe. Kholu Eni nyi ngu mati maalakanyo ya myonyoni gwawe va girago muhuno, nyi si gu va vbohisi ga litigo nyi va sambanyedego gu va ninga.