Johane 2:2 - Bhibhiliya Nya Guage

² Jesu a di ranidwe nuye ni vapizane vaye mutshadhotunu.

Johane 2:2 Iomraidhean Croise

Matewu 12:19

Kha gi na dwanisa, ambari saye gu gulumela; mwalo a na gu pwago lito laye mudzindzilani.

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

Matewu 25:45

A na va hakha, khuye: ‘Khu lisine, nyi ngu mi embelani gukheni: Dzinyondro dzatshavbo mu nga bani mu si giri isoso ga moyo nya vandriyangu nya gusolege, kheni mu nga bani mu si nyi theli kota.’

Johane 2:12

Hwane nya esi, a di relela Kafarinawume ni mayi waye, ni vandriyaye, gumogo ni vapizane, iyo a ngaya khalago matshigwana.

Johane 2:17

Vapizane va di dundruga milowo yi gukhiyo: “Gukhathala nyi gu nago khu nyumba yago gu ngu nyi pwisa wuvi.”

Johane 2:22

Khu kharato, gikhati a nga wugago khu ga vafudego, vapizane vaye va di dundruga iso a nga ganelago, va gu khodwa khu Milowo ni magana ya Jesu.

Johane 2:3

Gu di kenelela wadwa. Mayi wa Jesu a di embela mwanaye, khuye: “Va mwalo wadwa.”

Johane 3:22

Hwane nya esi, Jesu gumogo ni vapizane, a diya tigoni ga Judheya, iyo a ngaya khala navo a gu bhapatisa.

Johane 4:2

Ambari a nga bani a siri Jesu abune a nga bani a gu bhapatisa, aholu vapizane vaye.

Johane 4:33

Vapizane va di wudzisana khu gyawe, khavo: “Nari mani a nga mu reselago guhodza?”

Johane 4:8

Vapizane vaye, va di hongode dhoropani vaya renga guhodza.

Johane 6:12

Na va khuride, a di ruma vapizane, khuye: “Rolelani sipandre si nga tshala, gasi gumba luzega gilo.”

Johane 6:16

Na li hwide, vapizane va di relela siwoni,

Johane 6:60

Vangi nya vapizane vaye, na va pwide, va di khavo: “Ma ngu lemela magana yaya! Khu mani a na gu ma yingisago?”

Johane 6:66

Gukhugela avbovbo, vapizane nya vangi va di bwelela hwane va mu diga, va si gimbili gambe naye.

Johane 6:67

Khu kharato, Jesu a di wudzisa vale nya likhumi na vavili vapizane vaye, khuye: “Enu nenu mwa gu vbweta gu hongolani, gani?”

Johane 6:70

Jesu a di va phindrula, khuye: “Ina khandreni nyi mi hathidego enu nya likhumi na vavili, gani? Ambari ulo, moyo wanu Sathane.”

Johane 6:71

A di thula Judha mwamana wa Simoni Sikarioti, kholu khuye a nga bani a gu vbweta gu mu ningela, ambari a nga bani ari moyo nya vale nya likhumi na vavili.

Johane 6:8

Moyo nya mupizane waye nya gupwani khu Andreya, ndruye wa Simoni Pedro, a di mu embela, khuye:

Johane 7:3

Khu kharato, vandriyaye va di khavo: “Khuga khavba, indra Judheya, gasi vapizane vago va wone navo mithumo u yi girago,

Mithumo 11:26

na mu mane, a di mu dzega a gu hongola naye Antiyokiya. Va khade vatshavbo gipimo nya mwaga rumba, va hengela ni libandla, va gu hevbudza gidzemo nya gikhongolo. Khiyo Antiyokiya vapizane va Jesu va nga phela guranwa pwani Vakristo.

Mithumo 11:29

Vapizane va di pwanana gu rumela silo nya guphasedzele vandruye va nga bani va gu khala Judheya, muthu ni muthu a di ninga kha nga gu manela gwaye.

1 Vakorinto 10:31

Khu kharato, gani mwa gu hodza, gani mwa gu sela, ni gevbini gimbe gilo mu girago, satshavbo girelani gu rungudza Nungungulu.

1 Vakorinto 7:39

Nyamayi a dzegidwego hungidwe khu nayo na nga gu vbanya mwama waye. A gufa mwama waye, nyamayi tshulegide; a ngu dzi kodza gu dzegwa khu mwama a munago. Egi gi vbwetegago basi khu gu a dzegwe khu mwama nya mukhodwa, nayoni wa Pfhumu.

Vakolosi 3:17

Silo satshavbo mu na ganelago mwendro gu si thuma girani khu lina la Pfhumu yathu Jesu Kristo, mu bonga Nungungulu Babe khu uye.

Vahebheru 13:4

Lipango li na ningwe githawo khu vathu vatshavbo. Vama ni vagadzi vawe va na tumbane khu gyawe. Nungungulu a na lamula va nya gugira wuphuphulu ni vale va girago wubhayi.

Gutuledwa 3:20

Nyi womo vbalidimbatunu nyi khokhotha. Uye a na pwago lito langu a nyi tulela, nyi na bela nyumbani gwaye nyi hodza naye, uye nuye a hodza ni eni.