Johane 2:16 - Bhibhiliya Nya Guage

¹⁶ A di embela varengisi nya matuva, khuye: “Dusani satshavbo sesi avba. Mu nga dzegini nyumba ya Babe wangu mu yi gira nyumba nya wugwewo wanu.”

Johane 2:16 Iomraidhean Croise

Jeremiya 7:11

Gasi nyumbani momu, li khozedwago umo lina langu, mahoni gwanu mwa gu li wona nari liphala nya gusihale umo dzimbafa, gani? Khalani na mu gu dziti nya gukhenu eni nyi si wone isoso, a ngu ganela Pfhumu Nungungulu.

Matewu 21:12

Jesu a di bela Nyumbani ga Nungungulu a tutumisa vatshavbo va nga bani varomo mule va rengisa, navo va nga bani va renga, a gu reda vbavbatshi dzimeza dza va nya dzituruku nidzo nya varengisi nya matuva, a gu va embela, khuye:

Matewu 21:13

“Gu lovidwe, pwani: ‘Nyumba yangu yi na ranwa, pwani nyumba nya nombelo.’ Gasi enu mu yi vbindrugedzide mu yi gira liphala nya dzimbafa.”

Matewu 22:5

Aholu avo kha va nga thela kota. Mumbe a di ya petoni gwaye, mumbe a di ya thumisa wugwewo waye.

Marko 11:17

A di va hevbudza, khuye: Kha ga lowa gupwani: “Nyumba yangu yi na ranwa khu mayigo yatshavbo gupwani nyumba nya milombelo, gani? Gasi enu mu yi giride liphala nya dzimbafa.”

Luka 2:49

Khavbo avbo, Jesu a di khuye: “Mu di nyi vbwetela ginani? Kha mu dziti nya gukhenu fanelo yangu khu gu khala nyumbani ga Babe wangu, gani?”

Johane 10:29

Babe wangu, a gu uye a nga nyi ningago dzinvuta dzedzi, khongolo guvbindra vatshavbo; mwalo a dzi kodzago gu mu wandrela.

Johane 2:15

A di dzega dzingodzi a luga gisephu, a gu va tutumisa khigyo vatshavbo Nyumbani ya Nungungulu, ni dzinvuta dzawe ni dzimombe. A di vbaladza dzitsapawu dza va nya wugwewo wawe, a gu thesela dzimeza dzakone.

Johane 20:17

Jesu a di mu embela, khuye: “U nga nyi hungateli, kholu nyi si gu liti ga Babe wangu. Aholu, uwe indra embela vandriyangu khuwe nyi ngu hadza gu lita ga Babe wangu, a gu Babe wanu nenu; ga Nungungulu wangu, a gu Nungungulu wanu nenu.”

Johane 5:17

Aholu, Jesu a di khuye: “Babe wangu a gu thuma gikhati gyatshavbo, eni neni nyi ngu thuma.”

Johane 8:49

Jesu a di va phindrula, khuye: “Nyi mwalo liphuvbo nya guvivbe, aholu nya gu rungudza Babe wangu; gasi enu mwa gu nyi nyenya.

1 Thimoti 6:5

ni guganedzana nya mahala, vathu nyambana mapimo, va guromo hwindzo ni lisine. Avo va gu dzega gukhodwa va gu gira wugwewo.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.