Johane 2:10 - Bhibhiliya Nya Guage

¹⁰ khuye: “Vathu vatshavbo va gu phela khu gu dusa wadwa nya wadi, hwane nya gu vathu vatshavbo, na va sede gwadi, khavbo a va ningago wadwa nya huto. Gasi uwe u di vega wadwa nya wadi kala olu!”

Johane 2:10 Iomraidhean Croise

Genesi 43:34

Josefe a di ruma gukhuye va theledzedwe guhodza gu nga bani guromo mbeli gwaye; aholu Bhejami a di thedwa livbandre dzinyondro guvbindra vakwawe. Va di sela gumogo va nengela naye.

Dzindzimo 104:15

Mafu ma ngu ninga vbinyu yi tsakisago myonyoni nya vathu, mafura ma nyelugisago dzikhovbe, ni guhodza gu wusedzago tshivba.

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Matewu 24:49

gi gu phela gu vetelela vangana vaye, gi hodza, gi sela ni dzibewudzi.

Luka 12:45

Aholu githumi gile gya gu pimisa, kharati: ‘Pfhumu yangu a ngu hwela gu vboha’, gi gu phela gu vetelela sithumi, gi hodza, gi sela, gi leva,

Luka 16:25

Abrahama a di hakha, khuye: Mwanangu, dundruga nya gukhuwe u hakhide thomba yago u nga gu vbanya, gasi Lazaro a di mana basi sisaniseko. Olu uye a ngu tangadziswa, gasi uwe u ngu saniseka.

Mithumo 2:15

Vama vava kha va leva nga idzo mu pimisago khidzo: Kha nga mu wonago, gu ngari dzimindru, gikhati nya wuraru nya litshigu (9 wora nya dzimindru).

1 Vakorinto 11:21

kholu muthu ni muthu a gu tutumela gu hodza gilalelo gyaye a ngatago nagyo, gu manega gu vambe va khala ni ndzala, vambe va leva.

Vaefeso 5:18

Mu nga levi khu wadwa mu nga dwanisana, aholu khalani na mu tade khu Liphuvbo nya Guage.

1 Vatesalonika 5:7

Kholu, vale va lalago, va gu lala wutshigu, ni vale va levago, va gu leva wutshigu.

Gutuledwa 17:2

egi vafumeli va tigoni va nga bhayago nagyo, gi nga levisa vathu va tigoni khu wadwa nya wubhayi waye.”

Gutuledwa 17:6

Nyi di wona nyamayi wule na gu levide khu novba wa va nya gukatega ni novba wa dzifakazi dza Jesu; na nyi mu wone nyi di liwuga ngudzu.