Johane 19:11 - Bhibhiliya Nya Guage

¹¹ Jesu a di khuye: “U diri mwalo tshivba yoyo nari pwani khwa ningwa khu Babe wangu. Khu kharato, uye a nga nyi ningela mandzani gwago khuye a gu ni nandru nya wukhongolo.”

Johane 19:11 Iomraidhean Croise

1 Dzikoronika 29:11

Wugulu, tshivba, wuzundzo, gupala ni wufumu, sa gu lumba Uwe, kholu satshavbo si guromo ndzadzini ni mafuni, sa gu lumba Uwe; wufumu khwago Uwe Pfhumu Nungungulu, U khusegidego ngudzu, U fumago silo satshavbo.

Dzindzimo 39:9

Eni nya gu degula kha nyi tuli likana, kholu khuwe u giridego isoso.

Dzindzimo 62:11

Nungungulu a di ganela gumogo basi, eni nyi mupwa guvili, khuye: “Tshivba ya gu lumba uye,”

Gililo 3:37

Khu mani a gukhuye gi na girege gilo nya gukari, gi girega vbavbandze nya gurume ga Pfhumu, gani?

Dhaniyeli 4:17

Simbo u nga wu wonago, wu dandra wu mana tshivba, wu lapha kala damboni, wu nga wonwago tigoni gwatshavbo,

Dhaniyeli 4:25

Silo sesi satshavbo si dugelede ga mufumeli Nabhukodhonosori.

Dhaniyeli 4:32

Vatshavbo va vbanyago mafuni, khandri gilo mbeli gwaye. Uye a gu thuma iso a si golago, khu mabutho nya dzingilozi dza ndzadzini ni vathu va vbanyago mafuni. Mwalo a ndreyisago gyandza gyaye mwendro gu mu embela, khuye: “Ginani u girago?”

Dhaniyeli 5:21

A di duswa vbakari nya vathu, a ningwa monyo nya gufanane ni girengo, aya vbanya gumogo ni dziburu nya likhabi, a hodza mwasi nga dzimombe, a naganiswa givili gyaye khu hunguva ya damboni, kala a dziti nya gukhuye Nungungulu a Khusegidego ngudzu a na ni tshivba nya gufumele mifumo nya vathu ni gu emisa vbatshani gwawe uye a mu golago.

Matewu 26:65

Khavbo avbo, Muphasi nya Khongolo a di pferula dzingandzu dzaye, na gukhuye: “Hembulude Nungungulu! Wufakazi muni hi wu vbwetago gambe? Mu ngari gu mupwa ni guhembulula Nungungulu.

Matewu 27:2

Va di mu hunga va gu hongola naye vaya mu ningela ga mwamangulu Pilato.

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

Marko 14:44

Oyu a nga mu ningelago, a di va ningide giyeyedzo, khuye: “Wule nyi na mu bhejarigo, khuye. Mu moleni mu nga mu digi, indrani naye nyamba mu nyesedza.”

Luka 22:53

Matshigu yatshavbo nyi diri nanu Nyumbani ga Nungungulu, kha mwa nyi mola! Gasi egi khigyo gikhati gyanu, a gu mufumo nya gidema.”

Johane 18:13

Guhegula va di mu yisa ga Anasi, kholu a nga bani ari sade wa Khayifasi, khongolo nya vaphasi nya mhamba mwagani momo.

Johane 18:3

Judha a di vbelegedza tsawa nya masotshwa ni dzindruna dzi nga rumedwago khu vaphasi nya vakhongolo ni Vafarisi, vari ni myenge ni matshari.

Johane 19:10

Khu vbale Pilato a di khuye: “Khu nyi hakhi? Khu dziti gukhuwe nyi ngu dzi kodza gu gu tshula ni gu gu khokhothela, gani?”

Johane 3:27

Johane a di phindrula, khuye: “Mwalo a dzi kodzago gu hakha gilo a gu bani a sa ningwa khu Ndzadzini.

Johane 7:30

Khavbo avbo, va di vbweta gu mu mola, aholu mwalo a nga mu khuhago, kholu gikhati gyaye gi di si gu vbohi.

Johane 9:41

Jesu a di khuye: “Nari pwani mu sikhumu, mu diri mwalo nandru. Kha nga olu mu gukhenu mu ngu wona, nandru wanu wu na simamisa.”

Mithumo 2:23

Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.

Mithumo 3:13

Nungungulu wa Abrahama, wa Isaki ni wa Jakobe, Nungungulu wa vababe vathu, rungudzide githumi gyaye Jesu, mu nga Mu ningelani enu, ni gu mu dangani mbeli ga Pilato; narigu uye a di guvbweta gu mi tshula, enu mu bomba.

Mithumo 4:28

vafela gu gira esi u nga si dongisela khu gale khu tshivba ni guti gwago.

Varoma 11:36

Satshavbo sa guta khu ga Nungungulu; satshavbo sa gu tumbuluga tshivbani gwawe gasi gu thumela uye. A na rungudzwe Nungungulu kala gupindruga. Amen.

Varoma 13:1

Muthu ni muthu gu vbwetega a yingela vathangeli va vegidwego khu nayo, wu mwalo mufumo wu ngamba vegwa khu Nungungulu, kholu wufumu watshavbo wa guta khu ga Nungungulu.

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

Jakobe 4:17

Khu guralo, oyu a kodzago gu gira gwadi aholu a si giri, a ngu ghoha.