Johane 18:8 - Bhibhiliya Nya Guage

⁸ Jesu a di khuye: “Nyi mi embedeni gukheni, kheni. A gu bani ari eni mu nyi vbwetago, digani ava va hongole.”

Johane 18:8 Iomraidhean Croise

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Matewu 26:56

Aholu satshavbo sesi sa gu girega, gasi gu tadzisega Milowo ya vaprofeti.” Khavbo avbo, vapizane vatshavbo va di mu tshiya enga, va gu thava.

Johane 10:28

Nyi ngu dzi ninga guvbanya nya gupindruge, gima kha dzi na mbemba; mwalo a na gu nyi wandrelago.

Johane 13:1

Wu si gu vbohi buzo nya Phasika, Jesu na gu dziti gukhuye gi vbohide gikhati gyaye nya guvbindre mafuni momu a bwelela ga Babe waye, uye, a nga golago vathu vaye va nga bani va romo tigoni, a di va gola khu monyo waye watshavbo.

Johane 13:36

Simoni Pedro a di mu wudzisa, khuye: “Wa guvbweta gu hongola hayi, Pfhumu?” Jesu a di mu hakha, khuye: “Iyo nyi vbwetago guya, khu dzi kodzi gu nyi landra nugunugu; u na nyi landra gwadi.”

Johane 16:32

Dzitini nya gukhenu gi ngu vboha gikhati, khigyo egi kamwe, mu na guta phalalegiswago, muthu ni muthu a hongola gaya gwaye, mu nyi tshiya nyenga. Aholu khandreni nyenga, kholu Babe a na ni eni.

Johane 18:7

A di va wudzisa nyaluphye, khuye: “Mwa guvbwetani mani, gwadi?” Va di mu hakha, khavo: “Jesu wa Nazareta.”

Johane 18:9

Esi si giregide gasi gutadzisega magana a nga ganela, khuye: “Vale u nyi ningidego kha nya dzimedza ni moyo.”

1 Vakorinto 10:13

Sigaradzo mu si wonago khiso si pimedwego gu padwa khu muthu. Kholu Nungungulu tumbegide, kha na nga dzumedzisa gukhuye mu mane silingo nya guvbindre tshivba yanu. A gu mi rumela gilingo, a na mi tulela gambe dzindzila nya gu gi pale.

2 Vakorinto 12:9

Aholu, uye a di nyi hakha, khuye: “U na eneledwa khu wuhigo wangu, kholu tshivba yangu ya gu dzi yeyedza khu gu tadzisega, ga vale va gu mwalo tshivba.” Khu gu dzina gwangu nyi na seketela wudhumo wangu ngudzungudzu guvbungugani nya tshivba yangu, gasi tshivba ya Kristo yi dzi wonegisa khavbo gwangu.

Vaefeso 5:25

Enu vama haladzani vagadzi vanu kha nga idzo Kristo a haladzago khidzo libandla laye, kala a gu ningela womi waye khu gufela ilo.

1 Pedro 5:7

Vegani avbo gwaye sigaradzo sanu satshavbo, kholu uye a ngu mi khathalela.