Johane 18:4 - Bhibhiliya Nya Guage

⁴ Jesu, khu gu siti satshavbo si nga vbweta gu mu dugelela, a di va khinga, aya va wudzisa, khuye: “Mwa guvbweta mani?”

Johane 18:4 Iomraidhean Croise

1 Dzipfhumu 18:10

Nyi ngu sambanya khu Pfhumu Nungungulu wago a vbanyago kheni, li mwalo litigo ambari mufumo omu mune wangu a ngamba rumela vathu gu gu vbweta, aholu va ta mu tivisa gukhavo kha va gu mana. Uye a di gurumedza mifumo ni mayigo, gu sambanya gukhavo uwe u mwalo iyo gwawe.

Nehemiya 6:11

Nyi di mu embela, kheni: “Ina muthu nya nga eni, a na kodza gututuma, gani? Gambe, khu mani nya nga eni, a kodzago gu bela wulanga nya guage a duga na guvbanya? Eni gima kha nyi na gira silo nya nga isoso!”

Dzindzimo 27:3

Ambari nyi fenengedzwa khu dzinyimbi, gima kha nyi na thava gilo; ambari valala vangu va gu nyi randrela, monyo wangu kha wu na thava gilo, nyi na simama nyi tumba.

Dzindzimo 3:6

Kha nyi thavi talo nya vathu va nyi randredego khu maphuvbo yatshavbo.

Mavingu 28:1

Sighohi sa gu thava ambari sa gumba tutumiswa khu muthu, aholu, avo va lulamidego va gu tiya nga nghala.

Matewu 16:21

Gukhugela litshigu lile, Jesu a di phela gu yeyedza vapizane vaye khuye na ni fanelo nya guhongole Jerusalema aya saniswa ngudzu khu madhota, ni vakhongolo nya vaphasi ni vahevbudzi nya Nayo, a songwa; aholu a na wuga khu litshigu nya wuraru!

Matewu 26:2

“Kha nga mu dzitigo, gu tshade matshigu mavili gasi gu hodzwa Phasika. Mwamana wa Muthu a na ningedwa gasi a khokhothedwa.”

Matewu 26:21

Na va gu hodza, a di khuye: “Khu lisine nyi ngu mi embelani, kheni: Moyo wanu a na nyi ningela.”

Matewu 26:31

Khavbo avbo, Jesu a di va embela, khuye: “Wutshigu wa muhuno mwatshavbo, mu na phalalega mu nyi diga nyenga kholu gu lovidwe, pwani: ‘Nyi na bayisa muhavisi, nyi kodza gu phalalegisa dzinvuta.’

Luka 24:44

Khavbo avbo, a di va embela, khuye: “Khayo aya magana nyi nga mi embelani na nyi ngari nanu, gikhati nyi nga, kheni: Womo fanelo nya gutadzisege satshavbo si nga lowago khu Mosi, khu Vaprofeti ni Dzindzimo, na si gu ganela khu eni.”

Johane 13:1

Wu si gu vbohi buzo nya Phasika, Jesu na gu dziti gukhuye gi vbohide gikhati gyaye nya guvbindre mafuni momu a bwelela ga Babe waye, uye, a nga golago vathu vaye va nga bani va romo tigoni, a di va gola khu monyo waye watshavbo.

Johane 13:11

Uye a di gu muti gwadi uye a nga bani a gu vbweta gu mu ningela pima kholu a nga ganelago, khuye: “Khandri mwatshavbo mu agidego.”

Johane 18:5

Avo va di mu hakha, khavo: “Jesu wa Nazareta.” Jesu a di phindrula, khuye: “Kheni kamwe.” Judha wule a nga mu ningela, a diri navo.

Johane 18:7

A di va wudzisa nyaluphye, khuye: “Mwa guvbwetani mani, gwadi?” Va di mu hakha, khavo: “Jesu wa Nazareta.”

Johane 19:28

Na wonide nya gukhuye satshavbo si vbede, ni guvbweta gukhuye yi tadzisege Milowo, Jesu a di khuye: “Nyi ngupwa lidora.”

Johane 6:64

Aholu, vbakari gwanu vomo va si khodwigo.” Khu lisine, Jesu a di gu vati, gukhugela guhegulani, khu vevbini vale va nga bani va si khodwi, ni gu, khu wevbini wule a nga vbweta gu mu ningela.

Mithumo 2:28

U nyi tulede guti dzindzila nya guvbanye. U na nyi tadzisa khu gutsaka nya guwone khovbe yago.’

1 Pedro 4:1

Kha nga ulo Kristo a nga saniseka givilini gwaye khu kotani gwathu, enu nenu gu vbwetega mu saniseka kha nga edzi a nga saniseka khidzo uye. Kholu, oyu a sanisekago givilini kha dzi digi a fumedwa khu gighoho.