Johane 18:12 - Bhibhiliya Nya Guage

¹² Khavbo avbo, masotshwa ni vathangeli vawe, gumogo ni dzindruna nya Vajudha, va di mola Jesu, va mu hunga.

Johane 18:12 Iomraidhean Croise

Genesi 22:9

Na va vbohide wulanga wule va nga leletedwago khu Nungungulu, Abrahama a di gira giluvelo, a gu handzega avbo dzikhuni, a hunga mwanaye Isaki, a mu handzega vbadzikhunitunu vbatshani nya giluvelo.

Genesi 40:3

a di rumela gukhuye va modwe va ya khothedwa nyumbani ga muthangeli nya dzighadhi, wulanga wa wumowo a nga bani a khothedwe avbo Josefa.

Dzindzimo 118:27

Pfhumu khuye Nungungulu a hi ningago wenengedzo; mburiselani buzo khu matamu, kala dzikhonani nya giluvelo.

Matewu 26:57

Avo va nga mola Jesu, va di mu dzega va gu hongola naye ndrangani ga Khayifasi, Muphasi nya Khongolo, iyo va nga bani va tshanganide vahevbudzi nya nayo ni madhota.

Matewu 27:2

Va di mu hunga va gu hongola naye vaya mu ningela ga mwamangulu Pilato.

Matewu 27:27

Khavbo avbo, masotshwa ya mwamangulu Pilato ma di dzega Jesu ma gu hongola naye nyumbani nya wufumu, avbo ma ngaya tshanganago yatshavbo, ma mu randrela.

Marko 14:53

Va di dzega Jesu va gu hongola naye ga khongolo nya vaphasi nya mhamba; avbo va diya tshangana vatshavbo vakhongolo nya vaphasi nya mhamba, madhota ni vahevbudzi nya Nayo.

Marko 15:1

Na gu ngari dzimindru, vakhongolo nya vaphasi nya mhamba va di gira tshangano ni madhota ni vahevbudzi nya Nayo, ni Huwo yatshavbo, va hunga Jesu va hongola naye ga Pilato.

Luka 22:54

Khu vbale, va di dzega Jesu va gu hongola naye ndrangani ga khongolo nya muphasi nya mhamba. Pedro a di gu landra khu hwindzo.

Johane 18:3

Judha a di vbelegedza tsawa nya masotshwa ni dzindruna dzi nga rumedwago khu vaphasi nya vakhongolo ni Vafarisi, vari ni myenge ni matshari.

Mithumo 10:1

Sezareya a di gu vbanya mwama moyo nya gupwani khu Korineliyo, a diri muthangeli nya gikwata nya lizana masotshwa, ma nga bani ma gu ranwa pwani “Vaitaliya.”

Mithumo 21:31

Mwandra wu di gu dongisela gu songa Pawulo gikhati muthangeli nya masotshwa nya Varoma a hakhidego mwango nya gupwani Jerusalema yi wugide pfilupfilu.

Mithumo 21:37

Na va guvbweta gu mu bedza likhokholani, Pawulo a di wudzisa muthangeli, khuye: “U ngu nyi dzumedzisa nyi gu embela likana limwedo basi, gani?”

Mithumo 23:10

Guganedzisana gu di engedzelana khu tshivba. Ndruna, khu gu thava gu khiyo Pawulo a nga vbadzuledwa khavo, yi di ruma vanyakasane gu tshiga vaya dusa Pawulo vbakari gwawe, va mu bedza libhiyoni.

Valamuli 16:21

Khavbo avbo, va di bela Vafilisitiya va ta mu mola, va mu polela maho, va mu dzega va relela naye Gaza, vaya mu hunga khu makhetshe mavili nya sugu, a tshindra sivbila pasoni.