Johane 18:1 - Bhibhiliya Nya Guage

¹ Na giride nombelo yoyu, Jesu a di duga ni vapizane a gu hongola khisikheyi nya gitsongwana gya Kedhroni, avbo li nga bani li romo lithembwe nya senge, umo a nga belago ni vapizane vaye.

Johane 18:1 Iomraidhean Croise

Genesi 2:15

Pfhumu Nungungulu a di vega muthu thembweni ga Edheni, gasi a li lima ni gu li sayisa.

Genesi 3:23

Khu magirelo yoyo, Pfhumu Nungungulu a di mu tutumisa thembweni ga Edheni. Muthu a di gurumedzwa guya lima mafu aya a nga wumbwago khayo.

2 Samuweli 15:23

Litigo latshavbo li di womba dzihuwa li lila, ni vathu vatshavbo navo gumogo ni mufumeli; va tshatuga tsongo wa Kedhroni, va thonona khu ndzila ya giwulani.

1 Dzipfhumu 15:13

Ambari ni mayi waye Mahaka, a mu duside wulangani waye nya wupfhumugadzi, kholu a di giride gifananiso gya Asitaroti. Asa a di khungumula gifananiso gyaye nya gunyenyeze, aya gi vbisa bambe nya tsongo wa Kedhroni.

1 Dzipfhumu 2:37

Kholu gani khu levbini litshigu u na gu khugago u gimbila u tshatuga gitsongwana gya Kedhroni, dziti nya gukhuwe khu lisine furi u nafa; ni novba wago wu na thegela hungoni gwago.

2 Dzipfhumu 23:12

Mufumeli a di khungumula gambe siluvelo si nga bani na siri vbatshani nya nyumba ya Akazi, si nga girwago khu vafumeli va Judha, a khungumula gambe ni siluvelo si nga girwago khu Manasi, umo nya makupakupa ya mavili nya Nyumba ya Pfhumu Nungungulu, a di si khungumula, kudzudzwane wakone, a wu vbaladza gitsongwanani gya Kedhroni.

2 Dzipfhumu 23:4

Mufumeli a di rumela muphasi nya khongolo nya mhamba Hilikiya ni vaphasi nya vadugwana ni vasayisi va vbanyangwatunu, gasi va dusa khu Nyumbani gwa Pfhumu Nungungulu, satshavbo sikalango si nga bani si giredwe Bhahali ni gifananiso nya simbo nya guvatwe, ni libutho latshavbo la ndzadzini; aya si vbisa vbavbandze ga Jerusalema, mahangeni ya Kedhroni, nguma wakone a wu yisa Bheteli.

2 Dzipfhumu 23:6

A di dusa gambe khu Nyumbani ga Pfhumu Nungungulu gifananiso nya simbo nya guvatwe, a gi yisa vbavbandze ga Jerusalema, kala gitsongwanani gya Kedhroni, aya gi vbisa bambe nya gitsongwana gya Kedhroni, nguma wakone a wu vbaladzela marowoni ya vathu va tigoni.

2 Dzikoronika 15:16

Mufumeli Asa, a di dusa mayi waye Mahaka, wulangani nya wupfhumugadzi, kholu uye nuye a di giride gifananiso gya Asitaroti, Asa a di mu khungumulela gifananiso gyaye, aya gi vbisa kovani wa Sedhroni.

2 Dzikoronika 29:16

Vaphasi nya mhamba va di bela Nyumbani ga Pfhumu Nungungulu, gasi gu gu agisa, va dusa vbavbandze nya laba nya Nyumba ya Pfhumu Nungungulu, sombo satshavbo nya gunyenyeze va nga si manago Nyumbani ga Pfhumu Nungungulu; Valevhi va di si dzega va duga naso vbavbandze, vaya si dzudzuga gitsongwanani gya Kedhroni.

2 Dzikoronika 30:14

Va di phela khu gu dusa siluvelo si nga bani si romo Jerusalema, va dusa gambe ni mikanvu yatshavbo nya guvbisedwe umo libani, vaya si dzudzuga kovani wa Kedhroni.

Nehemiya 2:15

Khu guralo, nyi di gwela ni wutshigu wowo nyiya gitsongwanani nyiya khedza libhiyo; nyi di bwelela nyi wuya nyita bela khu Mwanya wa phuvbo ga Kovatunu.

Jeremiya 31:40

Kova watshavbo wu dzudzugedwago sirumbi ni nguma, ni marembwe yatshavbo ni gitsongwana gya Kedhroni, kala matshanganoni nya Nyangwa nya Dzikavalu guya Khugadambo, gu na phasedwa Pfhumu Nungungulu. Gima kha wu na sasedwa mwendro gu khungumudwa kala gupindruga.

Levhi 2:6

U na si pilelela khu sipandre u thedzela mafura khu vbatshani; owu ningelo nya miphaso nya dzimbewu.

Matewu 26:30

Na va embidelede nombelo nya ndzimo, va di duga va gu hongola gigomoni nya Miolivha.

Matewu 26:36

Khavbo avbo, Jesu a di hongola navo wulanga nya gupwani Getsemani, avbo a nga embelago vapizane vaye, khuye: “Khalani avba, nyi nga guya vbale nya lombelela.”

Marko 14:26

Na va embide ndzimo, va di duga va gu hongola Gigomoni nya Miolivha.

Marko 14:32

Va di hongola wulanga wu ranwago pwani Getsemani, na va vbohide, Jesu a di embela vapizane vaye, khuye: “Khalani avba nyi ngu hongola nyi ya lombelela.”

Marko 14:42

Khugani hi hongole, a ngu vboha oyu a vbwetago gu nyi ningela.”

Johane 14:31

aholu, satshavbo sesi nya gufela gukheni litigo li dziti nya gukhilo nyi ngu gola Babe, ni gukhilo nyi ngu gira kha nga idzo Babe a nga nyi rumago khidzo. Khugani, hongoleni.”

Johane 18:26

Moyo nya sithumi sa khongolo nya vaphasi nya mhamba nya nongo wa wule a nga pidwa ndzeve khu Pedro, a di khuye: “Ina khandruwe nyi nga gu wona naye thembweni nya senge, gani?”

Mithumo 21:11

A di hidzimela avba gwathu, a dzega keka wa Pawulo a dzi hunga khuwo mawundru ni mawogo yaye, a ganela, khuye: “Liphuvbo nya Guage lari khilo, Vajudha, Jerusalema, va na mola mwama a gu mune keka yoyu, va mu hungelela kharati, va mu ningela ga va nya mayigo.”