Johane 17:6 - Bhibhiliya Nya Guage

⁶ “Nyi tiviside lina lago ga vathu nya litigo u nyi ningidego. Va diri vago, aholu u nyi ningide. Avo va vegedzide milayo yago.

Johane 17:6 Iomraidhean Croise

Dzindzimo 119:11

Nyi ngu vegisa monyoni gwangu mahungu yago, gasi nyi si gu ghoheli.

Dzindzimo 22:22

Nyi na huwelela lina lago ga vandriyangu; nyi na embelela wudhumo vbakari nya tshangano;

Ekisodha 9:16

Aholu nyi gu digide u vbanya, khu gufela gukheni u wone tshivba yangu, ni gukheni lina langu li tidwe tigoni gwatshavbo.

Mavingu 2:10

Kholu guti gu na bela monyoni gwago, ni wugengeli wu na tsakisa hefemulo wago.

Mavingu 23:23

Renga lisine, u nga li rengisi; renga guti, sihevbulo ni mapimo.

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 12:28

Baba, dhumisa lina lago!” Khavbo avbo, li dita lito khu Ndzadzini, khilo: “Gale na nyi li dhumiside, gambe nyi nga na gu li dhumisa.”

Johane 15:19

Nari pwani mwa gu lumba litigo, ilo na li mi gola, kha nga li golago vathu vaye; aholu, la gu mi nyenya, kholu kha mu lumbi litigo, ni gu eni nyi mi hathideni vbakari gwaye.

Johane 15:3

Enu mu agideni khu kotani nya magana nyi mi hevbudzidego.

Johane 15:7

Mwa gu khala ni eni, ni gu landrisani magana yangu, satshavbo iso mu na lombago mu na ningwa.

Johane 17:12

Na nyi ngari navo mafuni nyi di gu va sayisa khu lina lago. Nyi sayiside vatshavbo u nga nyi ningago, mwalo ni moyo a nga dzimelago, vbavbandze ga wule gu nga vbwetega a dzimele, gasi gu tadzisega Milowo.

Johane 17:14

Nyi va hevbudzide mahungu yago, aholu va nya litigo va ngu va zondra kholu avo kha va lumbi litigo, kha nga eni neni nyi si lumbigo litigo.

Johane 17:16

Avo kha va lumbi litigo, kha nga eni neni nyi si lumbigo litigo.

Johane 17:2

kholu u mu ningide tshivba nya gufumele sivangwa satshavbo, gasi a ninge guvbanya nya gupindruge vatshavbo vale u nga mu ningago.

Johane 17:24

“Baba, nya guvbweta gukheni vale u nyi ningidego va manege navo avbo nyi na gu manegago eni, gasi vafela gu wona gidhumo gyangu, gidhumo gile u nyi ningidego, kholu uwe u nyi gode na li si gu vangwi litigo.

Johane 17:26

Nyi va tiviside lina lago; nyi ngu nga gu va tivisa gambe, gasi lihaladzo u nyi golago khilo li khale gwawe, eni neni nyi khale gwawe.”

Johane 17:7

Olu va ngu dziti gukhavo satshavbo u nyi ningidego sa guta khiyo gwago,

Johane 18:9

Esi si giregide gasi gutadzisega magana a nga ganela, khuye: “Vale u nyi ningidego kha nya dzimedza ni moyo.”

Johane 6:37

Vatshavbo ava Babe a nyi ningago va nata gwangu; eni kha nyi dzi kodzi gu nyenya ni moyo nya ava vatago gwangu.

Johane 6:39

Gugola ga uye a nyi rumedego khu gukhuye nyi si luzisi ni moyo nya vale a nyi ningidego, aholu nyi va wusa litshigu nya mahegiso.

Johane 8:51

Khu lisine, nyi ngu mi embelani, kheni: Uye a vegedzago magana yangu, gima kha na ngafa.”

Johane 8:52

Vajudha va di mu embela khavo. “Olu khavbo hi gu wonago khethu u na ni mandriki nya guhandruge. Abrahama fude, vaprofeti navo; nulo u gukhuwe: ‘Uye a vegedzago magana yangu gima kha na ngafa.’

Mithumo 13:48

Va nya mayigo, na va pwide magana yaya, va di nengela, va gu rungudza mahungu ya Pfhumu; vatshavbo va nga bani va emisedwe gu hakha guvbanya nya gupindruge, va di khodwa.

Varoma 11:2

Nungungulu kha tsukula vathu vaye a va hathidego gukhugela tshiguneneni. Ina kha mu si pimi esi milowo yi ganedego khu Eliya a ngaya dilela ga Nungungulu khu mahungu ya Israyeli, gani?

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

Vakolosi 3:16

Mahungu ya Kristo ma na vbahe ndrani gwanu ma gu andra khu guti gwatshavbo hevbudzanani, mu ningana wusingalagadzi khu gyanu. Embelelani dzindzimo ni sizimba na mu gu bonga Nungungulu khu monyo wanu watshavbo.

2 Thimoti 1:13

Phara khu gutiya ni gukhodwa ni lihaladzo u li manago ga Kristo Jesu, mahungu yaya nya yadi u ma pwidego ga eni, gasi ma khale giyeyedzo gwago.

Vahebheru 2:12

Uye a ngu ganela, khuye: “Oh, Nungungulu, nyi na pwadza lina lago ga vandriyangu, nyi na embelela wudhumo wago vbakari nya tshangano.”

Vahebheru 3:6

Aholu, Kristo tumbegide kha nga Gyanana gi rwadego thumo nya gusayise Nyumba ya Nungungulu. Ethu hi na khala nyumba yaye ha gu tiya ga esi hi si tumbago.

1 Pedro 1:1

Eni, Pedro, nyi gu mupostoli wa Jesu Kristo, nyi ngu lova eli lidangalila ga vathu va Nungungulu va vbanyago vbavbandze nya litigo lawe, mayigoni ga Pontu, Galatiya, Kapadhokiya, Aziya, Bhitiniya.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.

Gutuledwa 2:13

Nyi ngu miti mithumo yago ni avbo u vbanyago, khavbo gi guromo gikhalo nya wufumu wa Sathane. Ambari guralo, u ngu pala sigaradzo satshavbo, u namarela, khu gutiya, linani gwangu. Khwa nyenya gukhodwa ga eni. Ambari ga matshigu yale a nga songwago khayo mufakazi wangu nya gutumbege Antipa a nga bani a gu vbanya vbakari gwanu, avbo a vbanyago nuye Sathane.

Gutuledwa 3:10

Kha nga ulo u nga landrisago magana nya gutimisele gwangu, eni neni nyi na gu vhikela gikhati litigo latshavbo li na lingwago gasi gu wona khu mani a tiyidego mafuni.

Gutuledwa 3:8

Nyi ngu mati mavbanyelo yago. Nyi tude lidimba mbeli gwago, mwalo a li kodzago gu li sega. Nyi ngu dziti nya gukheni tshivba yago yi dugwanana, aholu u vegedzide magana yangu, khwa danga lina langu.