Johane 17:3 - Bhibhiliya Nya Guage

³ Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Johane 17:3 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 15:3

Israyeli khade gikhati nya gulaphe nari mwalo Nungungulu nya lisine, ni vaphasi nya mhamba nya gu mu hevbudze, gambe va diri mwalo Nayo.

Dzindzimo 9:10

Pfhumu Nungungulu, vatshavbo vatigo lina lago, va gu tumba uwe, kholu uwe gima khu digi avo va gu vbwetago.

Mavingu 8:35

Kholu uye a na nyi manago, a na mana guvbanya, a na mana makategwa ga Pfhumu Nungungulu.

Isaya 48:16

Hidzimelani avbo gwangu, mu tapwa esi: Gukhugela guhegulani, kha nya ganela khu gisihaledza; gukhugela avbo si nga giregago silo sesi, nyi diromo avbovbo. Gasi olu, Pfhumu Nungungulu a nyi rumide gumogo ni Liphuvbo laye.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Jeremiya 10:10

Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Marko 9:37

“Oyu a hakhago gyanana nya nga egi khu lina langu, kheni a nyi hakhago. Aholu, oyu a nyi hakhago, kha hakhi eni basi, a gu hakha ni wule a nga nyi rumelago.”

Luka 9:48

“Muthu watshavbo a na hakhago gyanana nya nga egi khu lina langu, kheni a nyi hakhago. Gasi uye a nyi hakhago, a gu hakha wule a nga nyi rumelago. Kholu wule a dzi sodzisago ngudzu vbakari gwanu, uyoyo khuye a gu khongolo.”

Johane 10:36

Eni, Nungungulu a nyi hathide a nyi rumela mafuni. Khu ginani mu nyi wugelago khenu nyi na ni mapepetela kholu nyi nga ganela kheni nyi Mwamana wa Nungungulu?

Johane 11:42

Nyi ngu dziti gukheni u ngu nyi yingisa gikhati gyatshavbo, aholu nyi di ganela esi khu kotani nya vathu va nyi randredego, gasi vatshavbo vakhodwe gukhavo khuwe u nyi rumedego.”

Johane 14:26

Aholu, Muphasedzeli, a gu Liphuvbo nya Guage, lile Babe a na mi rumelago khu lina langu, li nata mi hevbudza silo satshavbo, ni guta mi dundrugisa satshavbo iso nyi nga mi hevbudzani.

Johane 17:18

Kha nga uwe u nga nyi rumelago tigoni, eni neni nyi va rumede tigoni.

Johane 17:21

gasi vatshavbo va khale moyo basi; kha nga uwe, Baba u gomo gwangu, eni gwago, avo navo va na khale gwathu, gasi litigo li khodwe gukhilo khuwe u nyi rumedego.

Johane 17:23

Eni gwawe, uwe gwangu, gasi avo va pwanane nya guvbelele, gasi litigo li dziti gwadi gukhilo khuwe u nyi rumedego, ni gukhilo u va gode kha nga idzo u nyi godego khidzo.

Johane 17:25

Baba nya gululame, litigo kha la guti, aholu eni nyi gu tide, ava navo va dzitide nya gukhavo khuwe u nyi rumedego.

Johane 17:8

kholu, na nyi va embede mahungu u nyi ningidego, va di ma hakha, va gu khodwa nya gukhavo khu lisine nyi dzude khiyo gwago, ni gukhavo khuwe u nyi rumedego.

Johane 3:17

Kholu Nungungulu kha rumela Mwanaye mafuni gasi guta mbembisa litigo, aholu guta li vbanyisa.

Johane 3:34

Kholu wule a nga rumedwa khu Nungungulu a gu ganela mahungu ya Nungungulu, Nungungulu kha mu ningi Liphuvbo khu gu mu pimela.

Johane 5:44

Mu na khodwa kharini enu mu girelanago lidiwo khu gyanu, mu si thembigo wuzundzo wutago basi khu ga Nungungulu?

Johane 6:57

Kha nga Babe, a vbanyago, a nyi rumedego, a nyi vbanyisa khu tshivba yaye, a nuye oyu a nyi hodzago a na vbanya khu tshivba yangu.

Johane 7:29

Eni nyi ngu muti, kholu nya guta khiyo gwaye, ni gu gambe khuye a nyi rumedego.”

Johane 8:19

Khavbo avbo, va di mu wudzisa, khavo: “Womo hayi Babe wago?” Jesu a di va phindrula, khuye: “Ni eni kha mu nyiti, ni Babe wangu kha mu muti. Nari pwani mu di nyitide, na mu tide nuye Babe.”

1 Vakorinto 15:34

Digani mavbanyelo nya guvivbe, vbanyani khu ndruda kha nga edzi a dzinago khidzo Nungungulu! Kholu, vbakari gwanu vomo va si mutigo Nungungulu. Nya gu ganela esi khu gufela gu mi thela dzitshoni.

1 Vakorinto 8:4

Gasi khu mahungu nya guhodze dzinyama nya guphasedwe sithombe nya vanungungulu nya malipha, hi ngu dziti gukhethu sithombe nya vanungungulu nya malipha khandri vanungungulu tigoni. Kholu mwalo mumbe Nungungulu vbavbandze ga Nungungulu wamoyo basi.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

Vafilipi 3:10

Egi nyi gi vbwetago basi khu guti Kristo, nyipwa tshivba nya guwuge gwaye, nyi hengela naye gusanisekani, kala nyi gufa kha nga uye,

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

1 Vatesalonika 1:9

Khu guralo, vatshavbo va gu ganela khu mahakhelo mu nga hi hakhani khayo ni gu digani vanungungulu nya malipha, mu thumela Nungungulu nya guvbanye, nya lisine.

2 Vatesalonika 1:8

A nata khu vbakari nya nilo ata tsayisa vale va si khodwigo ga Nungungulu, ni ava va si hakhigo Mahungu nya Yadi ya Pfhumu yathu Jesu Kristo.

Vahebheru 3:1

Khu guralo, vandriyangu khu gukhodwa, enu mu ranidwego nenu khu Nungungulu, khusani maho mu khedza Jesu a rumedwego khu Nungungulu, guta khala Muphasi nya Khongolo nya mhamba nya gukhodwe hi gu sambanyago.

2 Pedro 1:2

Wuhigo ni gurula gu na engedzelane gu dandra ga enu, khu guti Nungungulu ni Jesu Pfhumu yathu.

2 Pedro 1:3

Tshivba ya Nungungulu yi ngu hi ninga satshavbo hi si vbwetago gasi hi vbanye khu mavbanyelo nya yadi nya gutsakise Nungungulu, khu guti wule a hi ranidego guta hengela wudhumo ni wuwadi waye.

2 Pedro 1:8

Khayo ayo mavbanyelo gu vbwetegago muri nawo. Mwa gu bani muri naso satshavbo sesi, mu na khala vathu nya gukhutale, mu na ninga mihandro nya yingi nya yadi khu kotani nya guti Pfhumu yathu Jesu Kristo.

1 Johane 1:2

(Kholu guvbanya gogu gu dzi wonegisidego, ethu hi gu wone. Khu guralo, ethu hi ngu ganela khugo, hi mi tivisani guvbanya nya gupindruge gu nga bani guri ni Babe, hi tuledwego gu guti).

1 Johane 1:3

Esi hi si wonego ni gu sipwa, khiso hi mi tivisago nenu, gasi enu nenu mu fela gu hengela gumogo ni ethu, kha nga ethu nethu hi hengelago ni Babe ni Mwanaye Jesu Kristo.

1 Johane 2:23

Kholu oyu a ganedzago Mwamana, uyoyo ganedzide ni Babe; oyu a hakhago Mwamana, a na ni Babe gambe.

1 Johane 4:6

Aholu, ethu ha gu lumba Nungungulu. Oyu a mutigo Nungungulu a ngu hi yingisa; oyu a si mutigo Nungungulu kha hi yingisi. Khidzo kharati hi gutigo guhambana nya Liphuvbo nya lisine ni liphuvbo nya malipha.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.