Johane 16:7 - Bhibhiliya Nya Guage

⁷ Aholu, lisine kheli: I tshukwana nyi gu hongola, kholu, nyamba hongola, kha nata gwanu Muphasedzeli, gasi nya gu hongola, nyi naya mu rumela ate gwanu.

Johane 16:7 Iomraidhean Croise

Dzindzimo 68:18

Uwe u gwede gigomoni nya gulaphe, u dzegide sibotshwa nya singi; u hakhide miningelo ga vathu, ni ava va gu wugelago navo va reside miningelo yawe, Pfhumu Nungungulu a na vbanya vbakari gwawe.

Luka 24:49

Eni nyi na mi rumelani igyo nyi nga thembiswa khu Babe wangu. Aholu indra bani mu khala dhoropani kala mu gu hakha tshivba ya vbatshani.”

Luka 4:25

“Aholu nyi ngu mi embelani gambe, khu lisine, kheni: Matshiguni ya Eliya dzi diromo dzinoni nya dzingi tigoni ga Israyeli, gikhati yi nga segegago ndzadzi myaga miraru ni livbandre na moyo migima, yi manega, ndzala nya yikhongolo tigoni gwatshavbo.

Luka 9:27

“Nyi ngu mi embelani, khu lisine, kheni: Vbakari gwanu vomo va na gumba linga lufu, kala va wona Mufumo wa Nungungulu.”

Johane 14:26

Aholu, Muphasedzeli, a gu Liphuvbo nya Guage, lile Babe a na mi rumelago khu lina langu, li nata mi hevbudza silo satshavbo, ni guta mi dundrugisa satshavbo iso nyi nga mi hevbudzani.

Johane 14:28

Mu nyi pwide na nyi gu ganela, kheni: Nyi ngu hongola, aholu nyi na wuya gambe gwanu. Nari pwani mu ngu nyi gola, khu lisine na mu gu nengela kholu nyi hongolago ga Babe, kholu Babe khongolo gu nyi vbindra.

Johane 14:3

Nyi na wuya gambe nyita mi dzegani, gasi avbo nyi na bani nyi romo, mu manege nenu.

Johane 15:26

“Aholu, a guta Muphasedzeli, a gu Liphuvbo nya Lisine nyi na mi rumelago khu ga Babe wangu, a nata nyi fakazela.

Johane 16:8

Na vbohide a nata gira vathu va tigoni va tugule gukhavo va ghohide khu gumbati gukhavo gighoho gilo muni; ni gumba pima esi si godwago khu Nungungulu; ni gumbati ginani gulamula gwa Nungungulu.

Johane 7:39

Jesu a di gu thula Liphuvbo, lile li nga bani li vbweta guhakhwa khu vale va khodwago gwaye; Liphuvbo li di si gu tshigi, kholu Jesu a disi gukhusedzwi wudhumoni gwaye.

Mithumo 10:34

Khavbo avbo, Pedro a di khusa lito a ganela, khuye: “Nyi ngu wona khu lisine nya gukheni Nungungulu kha hatheli vathu,”

Mithumo 2:33

Olu na khusedzidwe nyamudye ga Nungungulu hakhide Liphuvbo nya Guage a nga tumbiswago khu Babe, a li rumela. Khiso esi mu si wonago ni gu sipwa.

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

2 Vakorinto 4:17

Kholu gusaniseka gwathu nya guvbevbuge nya gikhatinyana gwa gu hi dongisela guya bela wudhumoni nya wukhongolo nyamba vbela, wudhumo wu vbindrago gusaniseka gwatshavbo.