Johane 16:5 - Bhibhiliya Nya Guage

⁵ “Olu nyi ngu hongola ga wule a nyi rumedego. Mwalo ni moyo wanu a nyi wudzisago, khuye: Wa gu hongola hayi?

Johane 16:5 Iomraidhean Croise

Johane 13:3

Jesu, khu gu dziti gukhuye Babe a mu ningide tshivba yatshavbo, ni gukhuye dzude khu ga Nungungulu, gu vbwetega a bwelela ga Nungungulu,

Johane 13:36

Simoni Pedro a di mu wudzisa, khuye: “Wa guvbweta gu hongola hayi, Pfhumu?” Jesu a di mu hakha, khuye: “Iyo nyi vbwetago guya, khu dzi kodzi gu nyi landra nugunugu; u na nyi landra gwadi.”

Johane 14:28

Mu nyi pwide na nyi gu ganela, kheni: Nyi ngu hongola, aholu nyi na wuya gambe gwanu. Nari pwani mu ngu nyi gola, khu lisine na mu gu nengela kholu nyi hongolago ga Babe, kholu Babe khongolo gu nyi vbindra.

Johane 16:10

Va ghohide khu gumba pima esi si godwago khu Nungungulu, kholu eni nyi ngu hongola ga Babe, vathu kha va na nga nyi wona gambe;

Johane 16:16

“Nugunugu kha mu na nyi wona, khadukhadu mu nata nyi wona gambe.”

Johane 16:17

Khavbo avbo, vambe vapizane vaye va di khavo: “Ma gu tshamusela ginani magana yaya: ‘Nugunugu kha mu na nyi wona, khadukhadu mu nata nyi wona,’ nayo nya gukhayo: ‘Eni nyi ngu hongola ga Babe?’

Johane 16:28

Nyi dzude tigoni na nyi guta khu ga Babe; nyaluphye nyi ngu diga litigo nyi hongola ga Babe.”

Johane 17:13

Olu nyi nguta iyo gwago; aholu nyi ngu ganela esi na nyi nga romo mafuni, gasi avo va mane navo gutsaka nya guvbelele nyi gu nago.

Johane 17:4

Nyi gu dhumiside mafuni, kholu nyi vbedzidego thumo u nga nyi rumelago.

Johane 6:62

Ahati mwa gu wona Mwamana wa Muthu na gu lita iyo a nga bani a romo, mu na khenu ginani?

Johane 7:33

Jesu a di khuye: “Nyi ngari nanu gikhati gidugwana, kholu nyi ngu vbweta gu hongola ga oyu a nyi rumedego.

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.

Vahebheru 12:2

Hi na simame gu khusa maho hi khedzisa Jesu, kholu, khuye guphela ni guhegisa nya gukhodwa gwathu. Uye gima kha vbela tshivba khu gu rwala gihambano. Aholu, khu gutsaka a nga tumbiswago, kha thela kota khu dzitshoni nya gufe vbagihambanotunu. Ni olu, khade khu nyamudye nya gikhalo nya wufumu wa Nungungulu.