Johane 16:2 - Bhibhiliya Nya Guage

² Vajudha va na mi tutumisani umo nya dzinyumba nya nombelo. Gi ngu vboha gikhati nya gu vatshavbo vale va na mi songago va na pimisa gukhavo va gu rungudza ni gu thumela Nungungulu.

Johane 16:2 Iomraidhean Croise

Isaya 65:5

Vathu vava va ganelago, khavo: Khuga avbovbo u guromo! U nga hidzimeli avba gwangu, kholu eni nyi agide ngudzu guvbindra uwe; vathu vava, wutshi thonvuni gwangu! Va gu fanana ni nilo wu dzurago litshigu latshavbo.

Isaya 66:5

Yingisani magana ya Pfhumu Nungungulu enu mu mu thavago, enu mu ndrendremelago mbeli nya magana yaye. Vandriyanu va na mi nyenya va mi tutumisa, muya hwindzo khu kotani nya lihaladzo lanu khu lina langu, va ganela, khavo: “Pfhumu Nungungulu a na yeyedze wudhumo waye, gasi hi kodze gu wona gutsaka gwanu, vathu vovo va na thedwa dzitshoni.”

Dhaniyeli 11:33

Vbakari gwawe, vale vatigo, va na hevbudza nya vangi, aholu khu gikhati nya gukari, va na sasedwa khu matshari ni nilo, va yiswa wugumbitunu, ni gu wandredwa silo sawe.

Matewu 10:28

Mu nga thavi avo va songago givili, na va si kodzi gu songa hefemulo. Thavani, uye a dzi kodzago gu rinya givili ni hefemulo phalani nya nilo.

Matewu 24:9

Khavbo avbo, va na mi yisa gusaniswani, va na mi songa; mu na zondrwa khu mayigo yatshavbo, khu kotani nya lina langu.

Luka 6:22

“Mu kategide mwa gu vengwa khu vathu, va mi tutumisa, vbakari gwawe va mi vala ni gu nyenya lina lanu khwatshi li di nyenyeza, khu kotani ya Mwamana wa Muthu.

Johane 12:42

Ambari ni vathangeli nya Vajudha va di gu khodwa ga Jesu; aholu, va di gira khu gisihaledza, khu hwanga nya Vafarisi, gasi va si tutumiswi nyumbani nya nombelo.

Johane 16:25

“Nyi mi embedeni esi khu sifananiso, aholu gi ngu vboha gikhati nyi na gumba mi embelani gambe khu sifananiso. Nyi na mi tivisani Babe wangu nyamba siha gilo.

Johane 16:32

Dzitini nya gukhenu gi ngu vboha gikhati, khigyo egi kamwe, mu na guta phalalegiswago, muthu ni muthu a hongola gaya gwaye, mu nyi tshiya nyenga. Aholu khandreni nyenga, kholu Babe a na ni eni.

Johane 4:21

Jesu a di mu embela, khuye: “Khodwa gwangu, nyamayi. Gi ngu vboha gikhati mu no khozelago Babe wangu nasiri gigomoni momu, mwendro saye Jerusalema.

Johane 4:23

Aholu, gi na vboha gikhati, kha nga gi vbohidego, avbo vakhozeli nya lisine va na khozelago Babe khu Liphuvbo ni lisine, kholu khavo vakhozeli va vbwetwago khu Babe.

Johane 9:22

Vavelegi vaye va di ganela kharati khu gu thava vakhongolo nya Vajudha, kholu vakhongolo nya Vajudha va di hungide gikungo nya gukhavo: “Uye a na ganelago gukhuye Jesu khuye Kristo, a na tutumiswe nyumbani nya nombelo.”

Johane 9:34

Va di mu hakha, khavo: “Uwe muthu u velegidwe wurumba wago mu gighohoni. Olu wa guvbweta gu hi hevbudza?” Khavbo avbo, va di mu tutumisa.

Mithumo 5:33

Na va pwide esi, va di dzi hodzedzela khu wuvi, va gu hunga makungo nya gu va songe.

Mithumo 7:56

Sitefane a ganela, khuye: “Nyi ngu wona ndzadzi na yi tulegide ni Mwamana wa Muthu na emide nyamudye ga Nungungulu.”

1 Vakorinto 4:13

va gu hi tsorodzela, ethu ha gu va hakha khu gwadi. Ni olu, ethu ha gu wonwa kha nga ndzilo nya litigo, kha nga vathu nya gunyenyeze guvbindra vathu vatshavbo.

Vafilipi 3:6

nyi di phara Nayo khu tshivba ni tshivba, nyi gu sanisa Libandla la Kristo. Nyi di gu vbanya nyambana gihoso nayoni.

Gutuledwa 6:9

Gikhati yi nga namula gifungo nya livbandre, nyi di wona vbavbatshi nya giluvelo mihefemulo ya vale va nga songwago khu kotani nya gutivise mahungu ya Nungungulu ni gu ma fakaza khu mavbanyelo yawe.

Valamuli 6:30

Khavbo avbo, vama va dhoropani mule va di embela Jowasi, khavo: “Dusa mwanago vbavbandze. Uye fanede gu songwa, kholu khungumude giluvelo gya Bhahali, bwelo khavbo a fanya lidingo nya guage li nga bani li khala vbafuvbi gwaye.”