Johane 15:8 - Bhibhiliya Nya Guage

⁸ Babe wangu a na dhumiswa mwa gu ninga mihandro nya yingi; khu kharato, mu na khala vapizane vangu.

Johane 15:8 Iomraidhean Croise

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Agewu 1:8

“Gwelani gigomo mu ya dzega misimbo mu ta vbahedza nyumba, yi na gu nyi nengedzisago, gasi nyi kodza gu dhumiswa umo.” A ngu ganela Pfhumu Nungungulu.

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

Matewu 5:44

Gasi eni nyi ngu mi embelani gukheni: Golani valala vanu; lombelelani khu vale va mi sanisago.

Matewu 9:8

Gidzemo, na gi wonide esi, gi di tala khu githawo, gi dhumisa Nungungulu a nga ningago vathu tshivba nya nga yile.

Luka 6:35

Gasi enu, golani valala vanu, girani esi si gu sadi; lombisani, na mu si lindreli gu livbwa. Mwa gu gira kharato, tshatshazelo yanu yi na bani yiri yikhongolo. Gambe, mu na bani muri sanana sa Wule a khusegidego ngudzu, kholu uye khwadi ambari ga vale va si gu vadi, va si mu bongigo.

Johane 13:35

Khavbo vathu va na dzitigo nya gukhavo mu vapizane vangu, mwa gu golanani khu gyanu.”

Johane 15:5

“Eni nyi litshina, gasi enu mu matamo; uye a gu ni eni, eni naye, khuye a ningago mihandro nya yingi; kholu nyambana eni gimwalo mu na girago.

Johane 8:31

Jesu a di embela Vajudha vale va nga khodwa gwaye, khuye: “Mwa gu simama gu vegedza magana yangu, mu na khala vapizane vangu khu lisine,

1 Vakorinto 10:31

Khu kharato, gani mwa gu hodza, gani mwa gu sela, ni gevbini gimbe gilo mu girago, satshavbo girelani gu rungudza Nungungulu.

1 Vakorinto 6:20

kholu a mi rengide khu tengo nya wungi. Khu kharalo, rungudzani Nungungulu milini gwanu ni hefemuloni gwanu.

Vafilipi 1:11

na mu tade khu mithumo nya gululame yi girwago gwanu khu Jesu Kristo, gasi a rungudzwe ni gu dhumiswa Nungungulu.

Tito 2:10

ambari gu va bela. Aholu, dzi na yeyedze gukhidzo dzi tumbegide ga satshavbo dzi girago, gasi gu rungudzwa sihevbudzo hi hakhidego khu ga Nungungulu, Muvbanyisi wathu.

Tito 2:5

va kodze gu dzi phara ni gurula, ni gu sayisa dzindranga dzawe, va yingela vama vawe, gasi vathu va si ganeli guvivba khu Mahungu ya Nungungulu.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

1 Pedro 4:11

Oyu a tivisago, a na tivise Mahungu ya Nungungulu. Oyu a thumago, a na thume khu tshivba a ningwago khu Nungungulu. Girani kharati gasi mithumoni yanu yatshavbo a rungudzwe Nungungulu khu ga Jesu Kristo, a gu na ni wudhumo ni tshivba kala gupindruga! Amen.