Johane 15:7 - Bhibhiliya Nya Guage

⁷ Mwa gu khala ni eni, ni gu landrisani magana yangu, satshavbo iso mu na lombago mu na ningwa.

Johane 15:7 Iomraidhean Croise

1 Dzipfhumu 3:5

Nari Gibheyoni, Pfhumu Nungungulu a di dzi wonegisa ga Solomoni, khu ndroroni ni wutshigu; Nungungulu a mu embela, khuye: “Lomba igyo u gi vbwetago gasi nyi gu ninga.”

Joba 22:26

Khavbo u na manago gutsaka ga Uye nya Tshivba Yatshavbo, u bwelo khavbo u khusedza khovbe yago u khedza Nungungulu khu gitumbo.

Joba 23:12

Kha nya hambana ni sileletelo sa kanani gwaye, magana yaye nyi ma vegedzide ndrani nya monyo wangu.

Dzindzimo 119:11

Nyi ngu vegisa monyoni gwangu mahungu yago, gasi nyi si gu ghoheli.

Dzindzimo 37:4

Vega ga Pfhumu Nungungulu gutsaka gwago, uye a na gu ninga gugola nya monyo wago.

Mavingu 10:24

Muthu nya guvivbedwe khu monyo a na thegela ga igyo a gi thavago, aholu muthu nya gululame, Nungungulu a na mu ninga iso a si vbwetago.

Mavingu 4:4

uye a di nyi hevbudza, a nyi embela, khuye: Vegedza magana yangu monyoni gwago, u sayisa milayo yangu u na vbanya.

Isaya 58:8

Wa gu gira kharalo, mwenge wago wu na wenga kha nga Wuronga, silondra sago kha si na hwela guvbola, gululama gu na thanga mbeli gwago, u na vhikedwa khu wudhumo wa Pfhumu Nungungulu.

Jeremiya 15:16

Avbo nyi nga mana magana yago, ayo ma di khala guhodza gwangu; ayo ma di khala litsako ni gunengela nya monyo wangu, kholu nya gu ranwa khu lina lago, uwe Pfhumu Nungungulu nya Tshivba Yatshavbo.

Matewu 7:7

“Lombani, mu na ningwa; vbwetani, mu na si mana; khokhothani, mu na tuledwa.

Johane 14:13

Ni gevbini mu na lombago khu lina langu, nyi na mi girelani, gasi Babe afela gu dhumiswa khu Mwanaye.

Johane 15:16

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Johane 16:23

“Litshigu lolo gi mwalo mu na nyi wudzisago. Nyi ngu mi embelani, khu lisine, nya gukheni: Satshavbo iso mu na lombago ga Babe khu lina langu, uye a na mi ningani.

Johane 8:31

Jesu a di embela Vajudha vale va nga khodwa gwaye, khuye: “Mwa gu simama gu vegedza magana yangu, mu na khala vapizane vangu khu lisine,

Johane 8:37

Nyi ngu dziti nya gukheni mu melego wa Abrahama, aholu mwa guvbweta gu nyi songa, kholu magana yangu kha ma beli myonyoni gwanu.

Vagalatiya 4:2

Na gi ngari gidugwana, vomo vathu va vegwago gasi va gi wundza, khavo gambe va pharago silo saye satshavbo kala gi gu tshanganisa tanga yi vegisidwego khu babe waye.

Vagalatiya 5:16

Esi nyi vbwetago gu mi embela khesi: Dzi ningedzeleni mu gimbidziswa khu Liphuvbo la Nungungulu, mu nga dzi digi mu gu ndrindrwa khu gudogorela nya tumbunugo nya wuthu.

Dhewuteronome 6:6

Milayo yeyi nyi gu ningago muhuno, u na yi vegisa monyoni gwago;

Vakolosi 3:16

Mahungu ya Kristo ma na vbahe ndrani gwanu ma gu andra khu guti gwatshavbo hevbudzanani, mu ningana wusingalagadzi khu gyanu. Embelelani dzindzimo ni sizimba na mu gu bonga Nungungulu khu monyo wanu watshavbo.

1 Johane 2:14

Nyi mi lovede, enu vababe, kholu mu ngu mutini oyu a guromo gukhugela guhegulani. Nyi ngu mi lovelani enu madzaha, kholu mu na ni tshivba. Mahungu ya Nungungulu ma ngu vbanya gwanu, gambe mu mu pade Sathane.

1 Johane 2:27

Aholu gutodzwa mu gu hakhidego khu gwaye, kha gu vbwetegi muthu nya gu mi hevbudzeni; kholu gu ngu mu hevbudza silo satshavbo. Sihevbudzo saye khandri sa malipha, aholu khya lisine. Khu guralo, yingelani sihevbudzo a mi hevbudzidego, mu pharisa guhengela naye.

1 Johane 3:22

Ethu hi ngu hakha gwaye satshavbo esi hi lombago, kholu hi ngu yingisa milayo yaye, ni gu gira esi si mu tsakisago.

1 Johane 5:14

Ethu hi na ni gutiya mbeli ga Nungungulu, kholu, ha gu lomba gilo maningano ni gudzina gwaye, hi na ni lisine nya gukhethu a ngu hipwa.