Johane 15:6 - Bhibhiliya Nya Guage

⁶ Uye a si khaligo neni, a na vegwa phuvbo, a banga kha nga litamo; matamo nya nga ayoyo ma gu wungedzedwa ma gu vbiswa.

Johane 15:6 Iomraidhean Croise

2 Samuweli 23:7

aholu uye a na gu yi kuhago fanede nari ni gikete mwendro simbo nya litshari, khu kharato miba yi na vbisedwa muphelo.”

Joba 15:30

Uye gima kha na vbuluga lufuni; matamo yaye ma vbiswa khu nilo, a na mbembiswa khu phuvbo yi dugago khu kanani gwa Nungungulu.

Dzindzimo 80:15

Sayisa litshina leli u nga li yala khu mandza yago ya nyamudye, gibuga gegi u nga gi dandrisa.

Isaya 14:19

Aholu uwe wa gu dzudzugwa hwindzo ni lithowo lago, u fanana ni litamo nyamba phasa gilo, girumbi gyago gi na rinywa phalani nya siwindri, gi fenengedzwa khu sirumbi sa avo va nga songwa khu matshari, avo sirumbi sawe si relelago phalani, si pfareledwa khu siwindri.

Isaya 27:10

Kholu lidhoropa nya gutiye li khade marumbi, kha gu na khala gambe muthu umo, li vbindrugedzide li khala giwula, va na havisela umo dzimombe, dzi lala umo, dzi hodza matamo ma tshadego.

Ezekiyeli 17:9

Va embele, khuwe: Mune Pfhumu Nungungulu a ngu wudzisa kharati, khuye: “Ina uwo wu na andra, gani? Ina lighama kha la kula mikhamba yaye ni gu pila mihandro yaye, gasi wu bange, gani? Ni mahagane nya mathungedwa yaye ma na banga; khandri khu libogo nya tshivba ambari khu vathu nya vangi, va na wu kulago ni mikhamba yaye.

Matewu 13:41

Mwamana wa Muthu a na rumela dzingilozi dzaye dzi dusela Mufumoni gwaye satshavbo sikhunguvanyiso ni ava va girago guvivba,

Matewu 27:5

Khavbo avbo, Judha a di rinya singerengere sile ndrani nya Nyumba ya Nungungulu, a gu hongola aya tshwedza.

Matewu 3:10

Ambari ulo, gibhewula gi vegidwe mikhambani nya simbo; simbo watshavbo wu si ningigo mihandro wu na kokwa, wu gu rinywa niloni.

Matewu 7:19

Simbo watshavbo wu si velegigo mihandro nya yadi wu ngu kokwa wu rinywa niloni.

Johane 15:2

Ni levbini litamo li nyi lumbago, la gumba ninga mihandro, uye a na li pila; gasi lile li ningago mihandro, a ngu li thena, li fela gu ninga mihandro nya yingi.

Vahebheru 10:27

Hi na wuyedwa basi khu hwanga nya esi si nga gutago, hwanga nya gulamudwe ni nilo nyamba tshimega, wu na gu vbisago valala.

2 Pedro 2:20

Khu guralo, vale va nga muti Pfhumu ni Muvbanyisi wathu Jesu Kristo, va gu vbuluga ga sihena nya guvivbe nya litigo, khu hwane va gu wuya va modwa gambe khu silo sesi, va guta nyenyeza ngudzu guvbindra guhegulani.

1 Johane 2:19

Khu lisine, avo va dugide gwathu; kholu khandri va tsawa wathu. Nari pwani va diri va tsawa wathu, na va khade ni ethu. Aholu, avo va dugide, va gu yeyedza kharato lisine nya gupwani kha va lumbi tsawa wathu.

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”