Johane 15:4 - Bhibhiliya Nya Guage

⁴ Khalani neni, eni neni nyi na khala nanu. Kha nga olu litamo li si kodzigo gu ninga mihandro longa, la gumba khugela vbatshinatunu nya miuvha, kharato nugo gu na girega gwanu, mwa gumba khala ni eni.

Johane 15:4 Iomraidhean Croise

Gizimba 8:5

Wuyelelo—Gasi khu mani oyu a gwelago giwulani na wugaredwe magatani ya gigodwa gyaye?

Hoseya 14:8

Enu va na Efrayimi: Kha nyi vbweti gambe gupwa gilo khu sifananiso sanu? Kheni kamwe nyi mu ningago phindrulo nyi bwelo khavbo nyi mu sayisa. Eni nya gu nyuga gu fanana ni simbo nya pinyu, mihandro yago, ya gu dugela avbo gwangu.

Matewu 12:33

“Kha nga mu dzitigo, simbo nya wadi wa gu velega mihandro nya yadi; gasi uye nyambasi wadi wa gu velega mihandro nyamba yadi. Khu kharato, simbo wa gu tidwa khu mihandro yaye.

Luka 8:15

Yile yi nga thegela wulimeni nya wadi khu vale nya gu, na va ma pwide, va ma hakha khu monyo nya wadi nya gululame, va ma vegedza nyamba rereka kala va gu thela mihandro.

Johane 14:20

Litshigu lolo mu na dzitini nya gukhenu eni nyi womo ga Babe wangu, enu mu womo gwangu, gasi eni nyi womo gwanu.

Johane 17:23

Eni gwawe, uwe gwangu, gasi avo va pwanane nya guvbelele, gasi litigo li dziti gwadi gukhilo khuwe u nyi rumedego, ni gukhilo u va gode kha nga idzo u nyi godego khidzo.

Johane 6:56

Uye a hodzago givili gyangu ni gusela novba wangu a na khala ni eni, eni nyi na khala naye.

Johane 8:31

Jesu a di embela Vajudha vale va nga khodwa gwaye, khuye: “Mwa gu simama gu vegedza magana yangu, mu na khala vapizane vangu khu lisine,

Mithumo 11:23

Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

2 Vakorinto 13:5

Nga dzi wudzisani mapimoni gwanu, mu wona mwendro mu ngari nago gukhodwa. Nga dzi khedzani wurumba wanu kha mu dziti gukhenu Jesu Kristo, womo vbakari gwanu, gani? Mwendro mwa gu dzipwa mwa sa hakhwani khu Nungungulu!

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vaefeso 3:17

Nyi ngu lomba gambe ga Nungungulu gukheni Kristo a na vbanye myonyoni gwanu khu gukhodwa, mu tiya gwadi, mu tsitsa mikhamba nya gutiye lihaladzoni.

Vafilipi 1:11

na mu tade khu mithumo nya gululame yi girwago gwanu khu Jesu Kristo, gasi a rungudzwe ni gu dhumiswa Nungungulu.

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.

Vakolosi 1:27

A va tulede gambe guti talo nya thomba nya sihalo yoyo a dongisedego vathu vatshavbo. Gikungo gya Nungungulu nyi gi thulago khu Kristo a vbanyago ndrani gwanu a gu uye gitumbo nya wudhumo wa Nungungulu.

Vakolosi 2:6

Kha nga olu mu hakhidego Pfhumu Jesu Kristo, gu vbwetega mu vbanya khu gupwanana naye,

1 Vatesalonika 3:5

Khidzo kharato, gu kala nyi ruma Thimoti khu guvbiredza, guta wona gukhodwa gwanu gwa gu gimbila kharini, mwendro saye mukanganyisi a mi lingideni, a ghohetela mihandro nya thumo wathu.

Vahebheru 10:39

Khu guralo, ethu kha hiri vathu nya gubwelele hwane hi ya gumbembani. Aholu, hi vale va khodwago gasi gu vbanyisa mihefemulo yawe.

1 Johane 2:6

Oyu a gukhuye a ngu khala naye, gu vbwetega a vbanya nga edzi a nga vbanyago khidzo Jesu Kristo.

2 Johane 1:9

Oyu a si emigo ndrani nya gihevbudzo gya Kristo, mwalo Nungungulu. Aholu, oyu a emago gihevbudzoni momo gya Kristo, khuye a gu ni Babe ni Mwamana.