Johane 15:16 - Bhibhiliya Nya Guage

¹⁶ Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Johane 15:16 Iomraidhean Croise

Johane 15:19

Nari pwani mwa gu lumba litigo, ilo na li mi gola, kha nga li golago vathu vaye; aholu, la gu mi nyenya, kholu kha mu lumbi litigo, ni gu eni nyi mi hathideni vbakari gwaye.

Vaefeso 2:10

Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

Luka 6:13

Na gugide, a di rana vapizane, gasi gu hatha, vbakari gwawe, likhumi na vavili, avo a nga va ranago vapostoli:

Vagalatiya 1:15

Aholu, Nungungulu, khu wuhigo waye, a nyi hathide na nyi ngari ndrani ga mayi wangu, a nyi ranela guta mu thumela. Gikhati a nga dzinago,

1 Johane 4:19

Gasi ethu, hi ngu haladza Nungungulu, kholu Uye khuye a nga phela khuye gu hi haladza.

Mithumo 22:14

Uye a di khuye: ‘Nungungulu wa vababe vathu a gu hathide gasi u fela guti gwadi guhaladza gwaye, u wona Wululamo waye ni gupwa lito li dugago khu kanani gwaye.

2 Thimoti 2:2

Esi u nga hevbulago gwangu vbakari nya dzifakazi nya dzingi, hevbudza vathu va tumbegidego va na gu kodzago gu hevbudza navo vambe.

Johane 13:18

“Kha nyi thuli enu mwatshavbo, nyi ngu vati avo nyi va hathidego, aholu nya gu ganela kharati gasi gutadzisega milowo, yi gu, khiyo: ‘Uye nyi hodzago naye mbiya mweyo a nyi wugede.’

Johane 6:70

Jesu a di va phindrula, khuye: “Ina khandreni nyi mi hathidego enu nya likhumi na vavili, gani? Ambari ulo, moyo wanu Sathane.”

1 Pedro 3:15

Aholu rungudzani Kristo kha nga Pfhumu myonyoni gwanu, khalani na mu dongide gasi gu ningani phindrulo ni wevbini a na gu mi wudzisago khu mahungu nya gitumbo nya gukhodwe mu gu nago.

Dzindzimo 71:18

Ambari olu nyi gumbidego na nyiri ni dzinvi, u nga nyi digi Nungungulu wangu; kala nyi huwelela tshivba yago ga melego yoyu, ni ga oyu wu nga gutago.

1 Johane 4:10

Lihaladzo kheli: Khandri ethu hi nga mu haladzago Nungungulu, uye khuye a nga hi haladzago, a hi rumela Mwamana waye, gasi, khavbo gwaye, hi ditshedzwa sighoho sathu.

Mavingu 11:30

Handro wa muthu nya gululame, simbo wu ningago womi, muthu a dwanelago mihefemulo, muthu nya guti.

Mithumo 1:24

Khavbo avbo, va di gira nombelo, khavo: “Pfhumu, Uwe utigo monyo nya muthu ni muthu, wonegisa ga ava vavili khu wevbini uye u mu hathidego,

Isaya 27:6

Ma nguta matshigu, avbo Jakobe a na bugago mikhamba, Israyeli a nyuga a thela wenge, a tadza tigoni gwatshavbo khu mihandro.

1 Pedro 3:2

Kholu va na wona mavbanyelo yanu nya yadi nya githawo.

Varoma 15:4

Kholu satshavbo si guromo omu nya Milowo nya Guage si lovedwe gu khala gihevbudzo gwathu, gasi hi mane gutumba khu kotani nya gutimisele hi gu manago umo nya Milowo nya Guage.

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

Matewu 21:22

Kholu satshavbo mu si lombago khu gukhodwa gwanu, umo nya nombelo, mu na ningwani.”

Dzindzimo 145:4

Mimela ni mimelana yi na embeledzelana mithumo yago, vatshavbo va na huwelela sigiro sago nya tshivba.

2 Thimoti 1:11

Khayo nyi nga emisedwa ayo gu khala muganeli ni mupostoli ni muhevbudzi.

1 Vakorinto 10:11

Satshavbo sesi si manegide gwawe gasi gu khala giwonegiso, gambe si lovidwe gasi si khale gitiviso ga ethu hi vbanyago ga matshigu yaya nya guhegise.

Varoma 9:21

Ina muwumbi mwalo ni fanelo nya gugire edzi a dzi golago khu libumba, gani? Ina kha dzi kodzi gu gira khilo sombo nya guthavisege, ni sombo nya nyalidede, gani?

Jakobe 3:18

Vale va vbahago gurula, va gu yala gurulani, va gu vbwera mihandro nya guvbanye nya gululame.

Vahebheru 11:4

Khu gukhodwa, Abheli ningede ga Nungungulu mhamba nya yadi nya guvbindre eyi ya Kayimi. Khu gukhodwa, zundzidwe khu Nungungulu kha nga muthu nya wadi, gu kala Nungungulu a hakha ningelo nya miphaso yaye. Khu gukhodwa gwaye, Abheli, ambari a fudego, a nga guganela.

Tito 1:5

Nyi gu tshide gidwane gya Kereta gasi u fela gu lulamisa esi si nga tshadego gu lulamiswa, ni gu vega vathangeli nya libandla madhoropani gwatshavbo. Alakanya sileletelo sangu:

Vakolosi 1:6

Mahungu nya Yadi mu ma hakhidego, ma ngu simama gu ninga mihandro nya yadi ni gu andra tigoni gwatshavbo kha nga edzi ma nga girago vbakari gwanu, gukhugela litshigu mu hakhidego mahungu nya wuwadi wa Nungungulu mu gu wuti khu lisine.

Varoma 1:5

Khu uye, hi hakhide wuhigo nya gukhale Vapostoli, gasi hi wuyisa vathu nya mahundzu yatshavbo va khodwa ga Nungungulu va dhumisa lina laye.

Mithumo 10:41

Nasiri ga vathu vatshavbo, aholu ga dzifakazi dzile Nungungulu a nga bani a dzi hathide khu gale, a gu ethu hi nga hodzago ni gu sela naye, hwane nya gu bani a wugide khu ga vafudego.

1 Thimoti 2:7

Khiso nyi nga emisedwa ga iso, gu khala muganeli ni mupostoli, ni muhevbudzi, gasi gu hevbudza va nya mayigo gukhodwa ni lisine. Nya gu ganela lisine, kha nyi ganeli malipha.

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.

Mikeya 5:7

Mitshaledwa ya Jakobe, yi na manega vbakari nya mafumbu nya mangi, kha nga hunguva yitago khu ga Pfhumu Nungungulu, kha nga mafesefese nya ndzadzi mwasini, kha yi na vega gitumbo gyaye ga muthu, ambari gu lirela sanana nya vathu.

Genesi 18:18

Olu Abrahama a na khalago nyapandre nya lihundzu nya likhongolo nya tshivba, khavbo gwaye ma na kategiswago mahundzu yatshavbo nya vathu va mafuni, gani?

Varoma 1:13

Vandriyangu, nya guvbweta gukheni mu dziti gukhenu dzinyondro dzingi nyi yedzide guta iyo gwanu, aholu nyi tandregiswa kala olu. Nya gu gola gukheni thumo wangu wu ninge mihandro vbakari gwanu nga eyi yi ningidwego ga vambe va nya mayigo.

Mithumo 1:8

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

Matewu 7:7

“Lombani, mu na ningwa; vbwetani, mu na si mana; khokhothani, mu na tuledwa.

Johane 15:5

“Eni nyi litshina, gasi enu mu matamo; uye a gu ni eni, eni naye, khuye a ningago mihandro nya yingi; kholu nyambana eni gimwalo mu na girago.