Johane 15:12 - Bhibhiliya Nya Guage

¹² Nayo wangu khoyu: Haladzanani kha nga idzo nyi mi haladzidego khidzo.

Johane 15:12 Iomraidhean Croise

Malakiya 1:2

Pfhumu Nungungulu a ngu ganela, khuye: “Eni nyi mi gode gikhati gyatshavbo; aholu enu mwa gu ganela, khenu: U hi gode khu magolelo muni? Pfhumu Nungungulu a ngu hakha, khuye: Gasi Esawu khandri a diri ndruye wa Jakobe, gani? Aholu eni nyi di gola Jakobe,

Johane 13:34

Nayo wuphya nyi mi ningago, khoyu: Haladzanani, kha nga idzo nyi mi haladzidego khidzo, golanani nenu khu gyanu.

Johane 15:17

Khiso esi nyi mi rumago: Vbanyani khu lihaladzo.

Varoma 12:10

Golanani khu lihaladzo nya wundruye, mu palisana khu gu ningana githawo.

Vaefeso 5:2

Vbanyani khu lihaladzo, kha nga Kristo a nga hi haladzago a dzi ningela khu kotani yathu “a khala mhamba nya phaso nya mahema nya gunungele gwadi ga Nungungulu.”

1 Vatesalonika 3:12

Pfhumu a na engedzele ngudzu gu dandrisa lihaladzo lanu, li andra, mu haladzana moyo ni moyo, ni vathu vatshavbo. Lihaladzo lanu li na khale idzosaye ni eli hi gu nalo ethu khu enu.

1 Vatesalonika 4:9

Mahungu nya lihaladzo ga vandriyathu khu gukhodwa, kha gu vbwetegi gu ganela gambe khiso, kholu enu mu hevbudzidwe khu Nungungulu gu haladzanani.

2 Vatesalonika 1:3

I fanelo yathu gu dhumisa Nungungulu gikhati gyatshavbo khu enu, vandruye. Gu ngu yela gu gira kharalo kholu gukhodwa gwanu gu andride ni lihaladzo lanu li dandride, eli mu girelanago khu gyanu.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

1 Pedro 3:8

Gu vbwetega mwatshavbo mu hengela mapimo ni monyo moyo, mu golana khu gyanu khu lihaladzo nya wundruye, muri vathu nya gurule ni gu dzi sodzisa.

1 Pedro 4:8

Aholu ga silo satshavbo, haladzanani khu gyanu nyamba pfhadzedzela, kholu, lihaladzo li ngu dzi kodza gu tsetselela sighoho nya singi.

1 Johane 3:23

Esi a rumago khesi; nya gukhuye hi na khodwe linani ga Mwanaye Jesu Kristo, ni gu haladzana khu gyathu nga edzi Uye a nga hi rumago khidzo.

1 Johane 4:21

Oyu khuye Nayo hi nga ningwago: Oyu a haladzago Nungungulu, a na haladze gambe ni ndriyaye.

2 Johane 1:5

Olu, uwe Pfhumugadzi, nyi ngu gu lomba nasiri kha nga gu gu lovela khu gu hi golana khu gyathu, aholu nayo nya wuphya, khuwo wule hi wu hakhidego gukhugela guhegulani.