Johane 15:11 - Bhibhiliya Nya Guage

¹¹ “Nya gu mi embela esi, gasi litsako langu li khale gwanu, ni gunengela gwanu gu tadzisege.

Johane 15:11 Iomraidhean Croise

Varoma 15:13

Uye Nungungulu a gu gibuga nya gitumbo a na mi ninge gunengela, ni gurula khu gukhodwa, gasi gitumbo gyanu gi engedzelana gu dandra khu tshivba nya Liphuvbo nya Guage.

Johane 17:13

Olu nyi nguta iyo gwago; aholu nyi ngu ganela esi na nyi nga romo mafuni, gasi avo va mane navo gutsaka nya guvbelele nyi gu nago.

Johane 16:24

Gima mu si gu lombi gilo khu lina langu. Lombani, mu na ningwa, gasi gutsaka gwanu gu tadzisege.

1 Johane 1:4

Hi ngu mi lovelani silo sesi gasi gutsaka gwanu gu tadzisega.

1 Pedro 1:8

Enu mu ngu mu haladza, ambari mu ngamba mu wona; mu ngu khodwa gwaye, ambari mu si mu wonigo olu. Khu guralo, enu mu ngu nengela khu gutsaka nya gukhongolo ngudzu, ni wudhumo wu tandrwago gu ganedwa khu magana.

2 Johane 1:12

Nyi na ni silo nya singi nyi vbwetago gu mi embela, aholu, kha nyi dzini guya khu gu lova khu lidangalila, kholu nyi nata iyo gwanu nyita mi holela, nyi nata ganela nanu eni, wurumba wangu, gasi li fela gu tadzisega litsako lathu.

Johane 16:33

Nya gu mi embelani esi, gasi mu tshale ni gurula gwangu; mu na mana sigaradzo tigoni, aholu nyi tumbeni, kholu eni nyi pade litigo.”

2 Vakorinto 1:24

Khandri ha gu vbweta gu fumela gukhodwa gwanu: Ha gu vbweta gu mi phasa gutsakani gwanu, kholu mu tiyide gukhodwani.

1 Vatesalonika 5:16

Vbanyani khu gutsaka gikhati gyatshavbo.

Luka 15:32

Aholu hi na ni fanelo nya gugire buzo, hi tsaka, kholu ndriyago a di fude, olu a ngu vbanya; a di dzimede, olu manegide.’ ”

Luka 15:9

Na yi mane, a ngu rana dzipari ni vaakelane, a va embela, khuye: ‘Nyi phaseni gu tsaka, kholu nyi yi mane phera yangu yi nga bani yi dzimede.’

Vafilipi 1:25

Olu nyi khodwago khu esi, nyi ngu tumba gukheni nyi na khala nanu mwatshavbo nyi fela gu mi phasa gudandra khu gunengela nya gukhodwe.

Vaefeso 5:18

Mu nga levi khu wadwa mu nga dwanisana, aholu khalani na mu tade khu Liphuvbo nya Guage.

Johane 3:29

Buzoni nya dzegano mudzegi khuye a gu ni mwangadzi gasi phelegedzi ya mudzegi, a gu iyo yi mu bangaladzago ni gu mu yingisa, ya gupwa lito la mudzegi ya gu tsaka ngudzu. Khilo eli litsako langu nya guvbelele.

Luka 15:5

Na yi mane, a ngu yi vbagara na tsakide;

Luka 15:23

Resani gimombyana nya gunone muta gi songa, hi hodza, hi nengela,

Jeremiya 32:41

Eni nyi na nengela khavo, nyi na va kategisa ni gu va ninga wulanga wu tiyidego tigoni momu, khu monyo wangu watshavbo ni hefemulo wangu watshavbo.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Sofoniya 3:17

Pfhumu Nungungulu wago, womo vbakari gwago, kha nga muvbanyisi nya tshivba; Uye a ngu nengela khu gutsaka khu kotani gwago, khu lihaladzo laye, a na gu wusedza u khala muphya, khu kotani yago, uye a na hana ni guwomba mikulungwane nya litsako.

Jeremiya 33:9

“Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Isaya 62:4

Gima khu na ranwa gambe “Oyu a digidwego,” ambari litigo lago gu gu ranwa gupwani “Marumbi;” aholu, va na gu ranwa pwani “Gigodwa gyangu;” ni litigo lago, li na ranwa gupwani “Pfhumugadzi;” kholu Pfhumu Nungungulu a gu gode ngudzu; a na dzegana ni litigo lago.