Johane 15:1 - Bhibhiliya Nya Guage

¹ Jesu a di khuye: “Eni nyi litshina nya lisine nya miuvha, Babe wangu khu mulimi wakone.

Johane 15:1 Iomraidhean Croise

Gizimba 7:12

Hongole hi vindruge hiya mahangeni hi ya wona mwendro dzimbewu dzi rumbugide dzi phela guvelega ni gu wona gambe mwendro maromana ma ngu pandra wenge. Nyi naya gu ninga iyoyo lihaladzo langu.

Isaya 4:2

Khu litshigu lile, lithungedwa la Pfhumu Nungungulu li na tala khu wumburi ni wuzundzo; mihandro nya mafu, yi na bani yiri matshandza ga va na Israyeli va na vbulugago.

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Jeremiya 12:10

Vahavisi nya vangi va ghohetede lithembwe langu ni gu gandredzela thomba yangu; va dzegide gipandre gi nga bani gi nyi tsakisa, va gi gira giwula.

Jeremiya 2:21

Eni kamwe nyi gu hathide kha nga simbo nya wadi nya vhinya nyi gu yala kha nga mbewu nya wuzundzo; khu ginani olu u nga dzi vbindrugedza u khala simbo nya limbe lifumbu nyamba phasa gilo?

Ezekiyeli 19:10

Mayi waye a diri kha nga uvha wu yadwego vbafuvbi ni mati; wu thelago matamo nya mangi, ni gu ninga mihandro nya yingi, kholu gu diri ni mati nya mangi.

Hoseya 10:1

Israyeli a diri lithembwe nya gunone nya miuvha, li nga bani li ninga mihandro. Avbo gu nga andra mihandro yaye, a di andrisa gambe ni sihuru saye nya miphaso, avbo litigo laye li nga bani li gu engedzelana gunona, khu guralo, va di gira sithombe nya wumburi.

Zakariya 3:8

Olu, upwa gwadi, uwe Josuwa, muphasi nya khongolo nya mhamba, uwe gumogo ni vangana vago va khalago mbeli gwago, kholu enu mu giwoniso nya guvbanyiswe gu natago; Eni nyi na resa githumi gyangu nya gupwani Lithungedwa.

Matewu 15:13

Uye a di va hakha, khuye: “Simbo watshavbo wu ngamba yadwa khu Babe wangu a guromo Ndzadzini wu na sigudwa.

Matewu 20:1

“Kholu Mufumo wa Ndzadzini wu ngu fanana ni mune ndranga a nga vindrugelago gu gimbila a vbweta vathu nya guta lime thembweni gwaye nya miuvha.

Matewu 21:33

“Yingisani gimbe gipimaniso: Babe moyo nya ndranga a di lima lithembwe, a yala miuvha, a gu bhiya, a gira gitshindro nya dziuvha ni gikoli nya gughadhe khavbo. Na vbedzide, a di li tshiyedza valimi a gu endra a hongola hwindzo.

Marko 12:1

Khu hwane, Jesu a di phela gu ganela vbakari gwawe khu sipimaniso, khuye: “Muthu nya gukari a di yala lithembwe nya miuvha, a li bhiya, a gira gikhwathi, a vbaha gitezi, na vbedzide, a di tshiyedza valimi, a endra a gu hongola hwindzo.

Luka 13:6

A di va embela gambe gipimaniso gegi: “Muthu moyo a diri ni nguyu a nga yalago thembweni gwaye. Adiya khedza khuye mwendro a naya mana maguyu, aholu kha ya mana gilo.

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

Johane 1:9

Lito li diri wenengedzo nya lisine, wu ngatago mafuni gasi guta wenengedza muthu watshavbo.

Johane 15:2

Ni levbini litamo li nyi lumbago, la gumba ninga mihandro, uye a na li pila; gasi lile li ningago mihandro, a ngu li thena, li fela gu ninga mihandro nya yingi.

Johane 6:32

Jesu a di va hakha, khuye: “Khu lisine, nyi ngu mi embelani, kheni: Khandri Mosi a nga mi ningani guhodza gutago khu Ndzadzini; Babe wangu khuye a mi ningago guhodza nya lisine gutago khu Ndzadzini,

Johane 6:55

Kholu givili gyangu, guhodza nya lisine; ni novba wangu, gusela nya lisine.

Varoma 11:17

Mambe matamo makokeledwe. Aholu, uwe u na bani uri kha nga ngure nya likhabi, u tshomegidwe matamoni momo, u tshanganiswa kharato ni mikhamba, gasi u lisedzedwa mahwe nya ngure nya mbewu nya yadi.

1 Vakorinto 3:9

Kholu ethu hi sithumi hi thumago gumogo ni Nungungulu, gasi enu mu lithembwe la Nungungulu, mu nyumba a vbahago Nungungulu.

1 Johane 2:8

Aholu nayo nya wuphya nyi mi lovelago, kholu lisine laye la gu dzi yeyedza ga Kristo, ni ga enu nenu. Kholu, gidema gi ngu vbindra, guwonegela nya lisine gu ngu wenengedza.