Johane 14:9 - Bhibhiliya Nya Guage

⁹ Jesu a di khuye: “Gale na nyiri nanu, gasi ni olu u si gu nyiti, Filipi? Uye a nyi wonago, a ngu wona Babe. Khu ginani u gukhuwe: ‘Hi yeyedze Babe?’

Johane 14:9 Iomraidhean Croise

Genesi 26:9

Abhimeleki a di rana Isaki a mu embela, khuye: “Khu lisine, oyu i mwangadzi wago. Khu ginani u nga tiyago u ganela, khuwe: I ndriyangu?” Isaki a di hakha, khuye: “Nyi ganede satshavbo soso khu gu thava gu songwa khu kotani gwaye.”

Dzindzimo 11:1

Eni nya gu thavela ga Pfhumu Nungungulu. Khu ginani mu nyi embelago, khenu: “Thavela sigomoni nga ginyoni?”

Jeremiya 2:23

U na ganela kharini gukhuwe: Eni kha nya dzi nyenyezisa; ambari gu khozela vanungungulu nya Vabhahali? Nga alakanya idzo u nyi ghohedego khidzo kovani, nga khedza iso u giridego; wa gu tutumatutuma gu fanana ni ngameriya nya mbiri yi vbwetago matune,

Marko 9:19

Jesu a di khuye: “Vathu nyamba khodwa! Nyi na khala nanu kala lini? Nyi na mi timisela kala lini? Mu reseni eno.”

Luka 12:56

Vapembinu, mu kodzago gu tshamusela siyeyedzo sa mafuni ni Ndzadzini, khu ginani mu hangwago khu gu tshamusela gikhati gegi?

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 10:30

Eni ni Babe hi moyo basi.”

Johane 12:45

Ni wevbini a nyi wonago, a ngu wona uye a nga nyi rumelago.

Johane 14:20

Litshigu lolo mu na dzitini nya gukhenu eni nyi womo ga Babe wangu, enu mu womo gwangu, gasi eni nyi womo gwanu.

Johane 14:7

Nari pwani mu di nyitide na mu mu tide Babe wangu: Gukhugela olu mu ngu muti, gambe mu mu wone.”

Johane 8:19

Khavbo avbo, va di mu wudzisa, khavo: “Womo hayi Babe wago?” Jesu a di va phindrula, khuye: “Ni eni kha mu nyiti, ni Babe wangu kha mu muti. Nari pwani mu di nyitide, na mu tide nuye Babe.”

1 Vakorinto 15:12

Ethu hi ngu tivisa gukhethu Kristo wugide khu ga va fudego, khu ginani vambe va gukhavo va nya gufa kha va wugi?

Vafilipi 2:6

Uye a gu Nungungulu khu tumbunugo waye gima kha dzina gu hengula wurendra waye nya gukhale idzosaye ni Nungungulu.

Vakolosi 1:15

Khuye giwonelo nya Nungungulu a si wonegigo; velegidwe khu Babe na li si gu vangwi litigo.

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.