Johane 13:9 - Bhibhiliya Nya Guage

⁹ Simoni Pedro a di khuye: “Pfhumu, u nga nyi handzi migondro basi, aholu, ni mandza ni hungo gambe!”

Johane 13:9 Iomraidhean Croise

Dzindzimo 26:6

Nyi ngu hamba mandza yangu na nyi agide monyo, gasi nyi hidzimela vbagiluvelotunu gwago Pfhumu Nungungulu,

Dzindzimo 51:2

Nyi handze gighoho gyangu nyi agise ga giwono gyangu.

Dzindzimo 51:7

Nyi handze khu sasi, nyi na aga; nyi handze, nyi na aga ngudzu guvbindra hunguva.

Jeremiya 4:14

Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Matewu 27:24

Pilato, na wonide khuye kha gu phasi gilo gu ganedzisana navo, bwelo khavbo, na wonide khuye ligwaha li diya na li engedzelana, a di ranisa mati, a gu hamba mandza mahoni nya gidzemo gyatshavbo, na gukhuye: “Nyi mwalo nandru vbalufutunu nya muthu yoyu nya ndruda! Ahati enu vamune.”

Johane 13:10

Jesu a di mu hakha, khuye: “Wule a hambidego, guvbweta gu hamba migondro basi, kholu agide. Enu nenu mu agide, aholu, khandri enu mwatshavbo.”

Johane 13:8

Pedro a di engedza gambe, khuye: “Gima khu na nyi handza migondro!” Jesu a di mu hakha, khuye: “Nyamba gu handza khu lumbi tsawa wangu.”

Vahebheru 10:22

Hi na hidzimele ga Nungungulu khu monyo nya wadi ni gukhodwa nya gutiye, na hi agisidwe satshavbo si hi vivbisago monyo, sivili sathu na si handzidwe khu mati nya yadi.

1 Pedro 3:21

Mati yale a diri giyeyedzo nya gubhapatiswe, mu vbanyiswago khugo enu, muhuno. Gubhapatiswa gogu khandri gwa gu handza givili khu vbavbandze, aholu, gitumbiso gi girwago ga Nungungulu, gi duga khu monyoni wu agidego. Guvbanyiswa gogu gwa guta khu guwuga ga Jesu Kristo.