Johane 12:16 - Bhibhiliya Nya Guage

¹⁶ Guhegulani, vapizane vaye kha va nga wuti tshamuselo nya satshavbo sesi, aholu gikhati Jesu a nga dhumiswago, va di dundruga gukhavo esi si lovidwe na si gu mu lumba, gumogo ni gu wona gukhavo khiso si nga tadzisega gwaye.

Johane 12:16 Iomraidhean Croise

Marko 16:19

Hwane nya gu bani na ganede navo, Pfhumu Jesu, a di khusedzedwa Ndzadzini, aya khala nyamudye ga Nungungulu.

Marko 9:32

Avo kha va nga pima tshamuselo yoyu, aholu va di khala hwanga gu mu wudzisa.

Luka 18:34

Gani olu, avo kha va nga si pima a gu vbweta gukhuye ginani. Maganelelo yale ma di si beli mapimoni gwawe, khu kharato, kha va nga bani va dziti a gu thula ginani.

Luka 24:25

Khavbo avbo, Jesu a di va embela, khuye: “Mapeminu, nya mihungo nya gulemele, mu si vbiredzeligo gu khodwa khu satshavbo si nga ganedwago khu vaprofeti!

Luka 24:45

Khu vbale, a di va tula mapimo, gasi va pime Milowo,

Luka 9:45

Aholu avo kha va nga dziti khavo a gu vbweta khuye ginani, kholu a diri sihalo gwawe. Ambari ulo kha va mu wudzisa, kholu va di gu mu thava.

Johane 12:23

Uye a di va hakha, khuye: “Gi vbohide gikhati nya gudhumiswe Mwamana wa Muthu.

Johane 14:26

Aholu, Muphasedzeli, a gu Liphuvbo nya Guage, lile Babe a na mi rumelago khu lina langu, li nata mi hevbudza silo satshavbo, ni guta mi dundrugisa satshavbo iso nyi nga mi hevbudzani.

Johane 16:4

Gasi olu nya gu mi embela esi, gufela gu gya gu vboha gikhati gyakone, mu dundruge gukhenu, nyi di mi embede; kha nya mi embelani gukhugela guhegulani, kholu nyi diri nanu.

Johane 17:5

Olu, Baba, nyi ninge gambe gidhumo gile nyi nga bani nyiri nagyo khu gale mahoni gwago, na li si gu vangwi litigo.

Johane 2:22

Khu kharato, gikhati a nga wugago khu ga vafudego, vapizane vaye va di dundruga iso a nga ganelago, va gu khodwa khu Milowo ni magana ya Jesu.

Johane 7:39

Jesu a di gu thula Liphuvbo, lile li nga bani li vbweta guhakhwa khu vale va khodwago gwaye; Liphuvbo li di si gu tshigi, kholu Jesu a disi gukhusedzwi wudhumoni gwaye.

Mithumo 2:33

Olu na khusedzidwe nyamudye ga Nungungulu hakhide Liphuvbo nya Guage a nga tumbiswago khu Babe, a li rumela. Khiso esi mu si wonago ni gu sipwa.

Mithumo 2:36

Nyumba yatshavbo ya Israyeli yi na khale na yi gu dziti khu lisine latshavbo nya gu khiyo Jesu yoyu mu nga mu khokhothela vbagihambanotunu, Nungungulu a mu dandrisile a khala Pfhumu ni Kristo.”

Mithumo 3:13

Nungungulu wa Abrahama, wa Isaki ni wa Jakobe, Nungungulu wa vababe vathu, rungudzide githumi gyaye Jesu, mu nga Mu ningelani enu, ni gu mu dangani mbeli ga Pilato; narigu uye a di guvbweta gu mi tshula, enu mu bomba.

Vahebheru 12:2

Hi na simame gu khusa maho hi khedzisa Jesu, kholu, khuye guphela ni guhegisa nya gukhodwa gwathu. Uye gima kha vbela tshivba khu gu rwala gihambano. Aholu, khu gutsaka a nga tumbiswago, kha thela kota khu dzitshoni nya gufe vbagihambanotunu. Ni olu, khade khu nyamudye nya gikhalo nya wufumu wa Nungungulu.

Vahebheru 8:1

Gilo nya gikhongolo ngudzu ga esi hi ganelago khu mahungu nya muphasi hi gu naye: Uye khuye Muphasi nya Khongolo a khadego ndzadzini khu nyamudye nya gikhalo nya wufumu wa Nungungulu nya Tshivba Yatshavbo.