Johane 11:5 - Bhibhiliya Nya Guage

⁵ Jesu a di gu gola Marta, ni ndriyaye Mariya, ni Lazaro.

Johane 11:5 Iomraidhean Croise

Luka 10:38

Na va gu hongola, Jesu a di bela ni vapizane vaye talalani nya gukari. Nyamayi moyo nya gupwani khu Marta, a di mu hakha ndrangani gwaye.

Luka 10:40

Aholu Marta, a nga bani a gu gamwa khu mithumo ya mingi, a diya ga Jesu aya, khuye: “Pfhumu, khu theli kota kholu ndriyangu a nyi digedzago mithumo yatshavbo, gani? Nga mu embela ata nyi phasa.”

Luka 10:41

Pfhumu a di mu hakha, khuye: “Marta, Marta, wa gu garadzega ni gu dzi hita khu silo nya singi,

Johane 11:1

A di gu dwala mwama moyo nya gupwani khu Lazaro, givelegwa gya Bhetaniya, litigo la Mariya ni ndriyaye Marta.

Johane 11:3

Vandriyaye va di rumela mwango ga Jesu, khavo: “Pfhumu, wule u mu golago, a ngu dwala.”

Johane 11:36

Vajudha va di khayo: “Nga wonani idzo a nga bani a gu gola khidzo Lazaro!”

Johane 11:6

Na hakhide mwango yoyo, a di khala gambe matshigu mavili avbo a nga bani a romo.

Johane 11:8

Vapizane va di khavo: “Muhevbudzi, nugunugu Vajudha va nga vbweta gu gu pfara khu siwindri, u nga gu vbweta gu bwelela gambe iyo, gani?”

Johane 16:27

kholu uye abune Babe a ngu mi gola, kholu mu nyi godego ni gukhodwa gukhenu nyi dzude khu ga Nungungulu.

Johane 17:26

Nyi va tiviside lina lago; nyi ngu nga gu va tivisa gambe, gasi lihaladzo u nyi golago khilo li khale gwawe, eni neni nyi khale gwawe.”