Johane 10:7 - Bhibhiliya Nya Guage

⁷ Jesu a di engedza gambe, khuye: “Khu lisine, nyi ngu mi embelani, kheni: Eni nyi mwanya dzi belago khavbo dzinvuta.

Johane 10:7 Iomraidhean Croise

Dzindzimo 100:3

Dzitini gukhenu Pfhumu khuye Nungungulu; Khuye a nga hi gira, ethu ha gu lumba uye; hi vathu vaye ni tshambi waye.

Dzindzimo 79:13

Gasi ethu hi gu vathu vago, dzinvuta nya tshambi wago ethu ni livelego lathu hi na gu dhumisa, hi embelela hi gu bonga kala gupindruga.

Dzindzimo 95:7

Kholu Uye khuye Nungungulu wathu ethu hi vathu vaye, hi dzinvuta nya tshambi waye; muhuno mwa gupwa lito laye,

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Ezekiyeli 34:31

Khu guralo, enu dzinvuta dzangu, dzinvuta nya wuhaviselo wangu; enu mu vathu, aholu eni kheni Nungungulu wanu,” a ngu ganela Mune Pfhumu Nungungulu.

Ezekiyeli 36:38

Kha nga tshambi wu agisedwego, kha nga tshambi wa Jerusalema matshiguni nya mibuzo. Kharato nugo madhoropa nya marumbi, ma na tala khu mapango nya vathu. Avo va na dziti gukhavo eni kheni Pfhumu Nungungulu.”

Johane 10:1

Jesu a di engedza gambe, khuye: “Khu lisine, nyi ngu mi embelani kheni, wule a si beligo khu mwanya, aholu a gu bela khu gihogo phandroni nya dzinvuta, mbafa, gighevenga.

Johane 10:9

Eni nyi mwanya; uye a belago khavbo gwangu a na vbanyiswa a na bela ni guduga; gambe a na mana mahawo.

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Vaefeso 2:18

Khu ga Kristo, ethu hatshavbo hi tshanganisidwe khu Liphuvbo la limwedo, hi gu tuledwa kharati ndzila nya guvbohe ga Babe.