Johane 10:6 - Bhibhiliya Nya Guage

⁶ Jesu a di va embela mufananiso yoyu, aholu avo kha va nga wuti tshamuselo wakone.

Johane 10:6 Iomraidhean Croise

Dzindzimo 106:7

Vababe vathu gikhati va nga bani vari tigoni ga Egipito; kha va thela kota khu siliwugiso sago, kha va alakanya lihaladzo lago nya likhongolo, gambe va gu wugede vbafuvbi ni Yiphwa, a gu Yiphwa nya Gufuvile.

Dzindzimo 82:5

Sipumbu kha siti gilo, sa gu vbanya gidemani; giseketelo nya nayo ni gululama tigoni, gi ngu tsekatsekiswa.

Mavingu 28:5

Vathu nya guvivbedwe khu myonyo kha va siti iso nya gululame, aholu avo va vbwetago Pfhumu Nungungulu, va nguti silo satshavbo.

Isaya 56:11

Dzimbwa dzedzi makhondrobwa, kha dzi khuri; vahavisi nyamba pimisa gilo; muthu ni muthu a gu bwelela khu ndzila yaye, a dzi vbwetela iso si na gu mu ningago bhindzu.

Dhaniyeli 12:10

Va nya gutala va na handzwa va aga ni gu lingwa, aholu va nya guvivbedwa khu myonyo va na gira silo nya guvivbe, mwalo nya avo a na gu si pimago, aholu va nya guti, va na si pima.

Matewu 13:34

Jesu a di ganela satshavbo sesi khu sipimaniso vbakari nya gidzemo; gimwalo a nga ganela vbakari gwawe nyamba va embela khu sipimaniso.

Matewu 13:51

“Mu si mane satshavbo sesi nyi mi embedego, gani?” Va di hakha, khavo: “Ina.”

Marko 4:34

Vbakari nya vathu a di ganela khu sipimaniso, aholu, khu phuvbo a di tshamusela satshavbo vapizane vaye.

Johane 16:25

“Nyi mi embedeni esi khu sifananiso, aholu gi ngu vboha gikhati nyi na gumba mi embelani gambe khu sifananiso. Nyi na mi tivisani Babe wangu nyamba siha gilo.

Johane 16:29

Vapizane va di khavo: “Khupwi, olu wa ganela nyamba sihaledza; khu ganeli gambe khu sifananiso.

Johane 6:52

Vajudha va di ganedzisana, khavo: “A na dzi kodza kharini gu hi ninga givili gyaye hi hodza?”

Johane 6:60

Vangi nya vapizane vaye, na va pwide, va di khavo: “Ma ngu lemela magana yaya! Khu mani a na gu ma yingisago?”

Johane 7:36

A guvbweta khuye ginani khu magana yaya nya gukhuye: ‘Mu na nyi vbweta, aholu kha mu na nyi mana; ni gukhuye avbo nyiyago kha mu dzi kodzi guta?’ ”

Johane 8:27

Gasi avo kha va nga pimisa nya gukhavo a gu ganela isoso na gu thula Babe waye.

Johane 8:43

Khu ginani mu si ma tigo maganelelo yangu? Kholu mu si dzinigo gu hakha magana yangu!

1 Vakorinto 2:14

Oyu a tumbago wugengeli waye, kha dzumeli gu hakha mahungu a tiviswago khu Liphuvbo la Nungungulu, a gu mapwa kha nga silo nya wupumbu. Kha dzi kodzi gu si pima, kholu mwalo a si pimago a gumba wenengedzwa khu Liphuvbo.

2 Pedro 2:22

Iso si giregidego ga vathu vava gu yeyedza lisine nya esi si ganedwago nya gupwani: “Yimbwa ya gu bwelelela vbamagosetunu gwaye; khumba yi handzidwego ya gu bwelela yi ya puluwundra gambe maragani.”

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.