Johane 10:3 - Bhibhiliya Nya Guage

³ khuye a tuledwago lidimba khu ghadhi gasi a bele. Dzinvuta dzi nguti lito laye. Uye a gu dzi rana khu malina yawe gikhati a dzi dusago khu phandroni, gasi guya dzi havisa.

Johane 10:3 Iomraidhean Croise

Dzindzimo 80:1

Uwe muhavisi wa Israyeli, tula ndzeve, u yingisa, uwe u gimbidzisago va na Josefa kha nga tshambi wago; uwe u khadego vbagiluvelotunu, vbatshani nya dzikerubhimi, nonedza guwonegela gwago.

Ekisodha 33:17

Pfhumu Nungungulu a di hakha, khuye: “Nyi na gira esi u nyi lombago; kholu uwe u manide wuhigo mahoni gwangu, gambe nyi ngu guti khu lina.”

Mavingu 27:23

Dzi garadze khu gu vbweta guti makhalelo nya dzinvuta dzago sayisa gwadi mitshambi yago,

Gizimba 8:13

Mwama—Uwe u khalago mahangeni, dzipari dzago dzi dembide ndzeve gasi gupwa lito lago, eni neni nyi ngu gola gu lipwa

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Isaya 42:16

Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Johane 10:14

Eni nyi muhavisi nya wadi. Nyi ngu dziti dzinvuta dzangu; ni idzo dzi ngu nyiti.

Johane 10:16

Nyi ngari ni dzimbe dzinvuta dzi si lumbigo liphandro leli; idzo nidzo nyi ngu fanela gu dzi havisa; dzi napwa lito langu. Khu kharato li na manega liphandro limwedo ni muhavisi moyo basi.

Johane 10:4

Na dzi duside dzatshavbo, a gu thanga mbeli, gasi idzo dzi landra khu hwane, kholu dzi nguti lito laye.

Johane 10:9

Eni nyi mwanya; uye a belago khavbo gwangu a na vbanyiswa a na bela ni guduga; gambe a na mana mahawo.

Johane 6:37

Vatshavbo ava Babe a nyi ningago va nata gwangu; eni kha nyi dzi kodzi gu nyenya ni moyo nya ava vatago gwangu.

Johane 6:45

Vaprofeti va lovide gukhavo: ‘Vatshavbo va na hevbudzwa khu Nungungulu.’ Muthu watshavbo a pwidego ni guhevbudzwa khu Babe, a nguta gwangu.

Varoma 8:30

a va a nga bani a va hathide khu gale. Avo a nga va ranago a va giride vathu nya gululame, a va ninga wuhigo nya guhengele wudhumoni gwaye.

1 Vakorinto 16:9

kholu nya gu wona na yi vbohide nango nya guthume thumo nya khongolo wu ningago mihandro nya yadi, ambari nyi manago valala nya vangi.

Vafilipi 4:3

Nyi ngu gu lomba uwe pari yangu nya gutumbege, u va phasedzele. Kholu avo va dwanide gumogo ni eni thumoni nya gutivise Mahungu nya Yadi gumogo ni Klementi, ni vatshavbo nyi nga hengelago navo thumoni, malina yawe ma lovidwego libhukuni nya womi.

Vakolosi 4:3

lombelelani gambe khu ethu, gasi Nungungulu a hi tulela wulanga, hifela guganela khu sihalo wa Kristo, owu nyi hungidwego khuwo nga gibotshwa,

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”

1 Pedro 1:12

Gikhati vaprofeti va ganedego khu Mahungu nya Yadi, aya mu ma pwidego enu olu, Nungungulu tiviside gukhuye thumo wawe wu di si phasi avo, aholu wu di phasa enu. Vagimbidzisi nya Mahungu Yadi nya Ivhangeli va nga ganela khu tshivba nya Liphuvbo nya Guage, li nga rumedwa khu ndzadzini, khavo va mi embedego lisine leli. Silo nya gu, ambari dzingilozi dzi di gu gola nidzo gu siti.

1 Johane 4:6

Aholu, ethu ha gu lumba Nungungulu. Oyu a mutigo Nungungulu a ngu hi yingisa; oyu a si mutigo Nungungulu kha hi yingisi. Khidzo kharati hi gutigo guhambana nya Liphuvbo nya lisine ni liphuvbo nya malipha.

3 Johane 1:14

Nyi ngu tumba guta wonana nago nyamba hwela, khavbo hi na guta bhulago giwoni ni giwoni.

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.

Gutuledwa 3:20

Nyi womo vbalidimbatunu nyi khokhotha. Uye a na pwago lito langu a nyi tulela, nyi na bela nyumbani gwaye nyi hodza naye, uye nuye a hodza ni eni.

Gutuledwa 7:17

Kholu Nvutana yi guromo vbagikhalotunu nya wufumu khiyo yi va havisago, yi va yisa namboni nya mati nya womi. Nungungulu a na va bavbula marongo yawe yatshavbo.”