Johane 10:10 - Bhibhiliya Nya Guage

¹⁰ Mbafa kha yi teli gimbe gilo, ya gu tela gu taba, guta songa ni guta phanga. Eni nyi dzude, gasi dzinvuta dzangu dzi mane guvbanya; dzi gu mane khu gutala.

Johane 10:10 Iomraidhean Croise

Isaya 56:11

Dzimbwa dzedzi makhondrobwa, kha dzi khuri; vahavisi nyamba pimisa gilo; muthu ni muthu a gu bwelela khu ndzila yaye, a dzi vbwetela iso si na gu mu ningago bhindzu.

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Matewu 18:10

Dzi woneleni, mu nga nyenyini sanana sesi, ne gimwegyo, kholu nyi ngu mi embelani, kheni: Dzingilozi dzawe khu Ndzadzini gikhati gyatshavbo dza gu wona khovbe ya Babe wangu a guromo Ndzadzini.

Matewu 18:11

Kholu Mwamana wa Muthu a tede guta vbanyisa iso si nga bani si dzimede.

Matewu 20:28

Kholu Mwamana wa Muthu nuye kha tela guta thumedwa, aholu guta thumela ni gu ningela womi waye gasi gu dzegisa va nya gutala.”

Matewu 21:13

“Gu lovidwe, pwani: ‘Nyumba yangu yi na ranwa, pwani nyumba nya nombelo.’ Gasi enu mu yi vbindrugedzide mu yi gira liphala nya dzimbafa.”

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Marko 11:17

A di va hevbudza, khuye: Kha ga lowa gupwani: “Nyumba yangu yi na ranwa khu mayigo yatshavbo gupwani nyumba nya milombelo, gani? Gasi enu mu yi giride liphala nya dzimbafa.”

Luka 19:10

Kholu Mwamana wa Muthu tede guta vbweta ni gu vbanyisa avo va nga bani va dzimede.”

Johane 10:1

Jesu a di engedza gambe, khuye: “Khu lisine, nyi ngu mi embelani kheni, wule a si beligo khu mwanya, aholu a gu bela khu gihogo phandroni nya dzinvuta, mbafa, gighevenga.

Johane 10:11

“Eni nyi muhavisi nya wadi. Muhavisi nya wadi a ngu ningela womi khu gufela dzinvuta dzaye.

Johane 12:47

Uye apwago magana yangu, a si ma vegisi, khandreni nyi na mu lamulago, kholu kha nya tela guta lamula litigo, aholu guta li vbanyisa.

Johane 12:6

Khandri a di ganela kharati khu gu thela kota khu sisiwana, aholu, khu kotani nya wuvafa waye, kholu, a diri uye muphari nya gikhwama, a di gutala guba iso si nga bani si gu thedwa umo.

Johane 3:17

Kholu Nungungulu kha rumela Mwanaye mafuni gasi guta mbembisa litigo, aholu guta li vbanyisa.

Johane 5:40

Aholu enu kha mu dzini guta gwangu, gasi muta mana guvbanya.

Johane 6:33

kholu guhodza ga Nungungulu khu gule gutago khu Ndzadzini, khugo gu vbanyisago litigo.”

Johane 6:51

Eni nyi guhodza nya guvbanye gu tshigidego khu Ndzadzini. Uye a gu hodzago a na vbanya kala gupindruga; guhodza nyi na ningelago khu givili gyangu, gasi guvbanyisa litigo.”

Varoma 2:21

Uwe u hevbudzago vakwanu, khu ginani u si dzi hevbudzi uwe mune? Uwe u hevbudzago khuwe kha gu vbwetegi guba, khu ginani uwe u bago?

1 Thimoti 1:15

Magana ma tumbegidego, gu na ni fanelo nya guhakhwe ma dzumedwa khu gukhodwa; Kristo Jesu dzude mafuni guta vbanyisa sighohi, eni kheni gighohi gyakone nya guphele.

Vahebheru 6:17

Nungungulu a di vbweta gu tiyisa gukhuye gikungo gyaye gima kha gi na vbindrugedza ga vale va nga fanela gu hakha gitumbiso gyaye, khu guralo, a di tiyisa gitumbiso khu gusambanya.

Vahebheru 7:25

Khu guralo, uye a ngu dzi kodza gu vbanyisa, olu ni gikhati gyatshavbo, vale va hidzimelago ga Nungungulu khu uye, kholu a ngu vbanya kala gupindruga gasi gu lombelela khu avo ga Nungungulu.

2 Pedro 1:11

Khu kharato, mu na ni fanelo yatshavbo nya gubele mufumoni nyamba vbela, wa Pfhumu ni Muvbanyisi wathu Jesu Kristo.