Johane 1:6 - Bhibhiliya Nya Guage

⁶ A di dugelela muthu nya gukari a nga rumedwago khu Nungungulu, lina laye a diri Johane.

Johane 1:6 Iomraidhean Croise

Malakiya 3:1

Pfhumu Nungungulu nya Tshivba Yatshavbo a ngu ganela, khuye: “Wonani nyi ngu rumela ngilozi yangu gasi guta dongisela ndzila mbeli gwangu; Pfhumu mu mu dilelago a na bela khu guvbiredza nyumbani gwaye, ni ngilozi nya gidzumeledzwano hi yi virelago gu reswa, yi ngu vboha.”

Matewu 11:10

Khuye oyu a thudwago khu Milowo, gupwani: ‘Nyi na thangisa mbeli gwago mwango wangu, gasi guya gu dongisela ndzila yago.’

Matewu 21:25

Nga nyi embelani: Ina gubhapatisa ga Johane gwa guta khu evbi? Khu ga Nungungulu mwendro khu gwa vathu?” Aholu va di phela gu temarisana khu gyawe, khavo: “Ha gukhethu khu ga Nungungulu, a na, khuye: ‘Khu ginani mu ngamba khodwa gwaye?’

Luka 1:13

Aholu ngilozi yi di mu embela, khiyo: “Zakariya, u nga thavi, kholu nombelo wago wu yingisidwe. Mwangadzi wago, Elizabheta, a na velega gyanana nya gikhwathana u na gi thangisago lina la Johane.

Luka 1:76

Gasi uwe, gyananawe, u na ranwa pwani u muprofeti wa Nungungulu a khusegidego ngudzu, kholu u na thanga mbeli ga Pfhumu, gasi gu dongisela dzindzila dzaye.

Johane 1:33

Nyi di si muti, aholu, uye a nga nyi ruma gu bhapatisa khu mati khuye a nga nyi embela, khuye: ‘Uye uno mu wonago na gu tshigedwa khu Liphuvbo, lita khala gwaye, khuye a bhapatisago khu Liphuvbo nya Guage.’

Johane 3:28

Enu kamwe mu dzifakazi nya iso nyi ganedego, kheni: Khandreni Kristo; nyi di rumedwa basi gu thanga mbeli gwaye.

Mithumo 13:24

Na si gu vbohi Jesu, Johane a di ganela khu gu bhapatiswa nya guvbindrugedze ga vathu vatshavbo va na Israyeli.