Johane 1:51 - Bhibhiliya Nya Guage

⁵¹ A di tadzisa, khuye: “Khu lisine, nyi ngu mi embelani, kheni: Mu na wona Ndzadzini na gu tudwe; dzingilozi dza Nungungulu na dzi gu lita ni gutshiga ga Mwamana wa Muthu.”

Johane 1:51 Iomraidhean Croise

Genesi 28:12

Khavbo avbo, Jakobe a di lora. A di wona gilito na gi tsitsidwe mafuni, tshokhatunu gakone na gu ghuma ndzadzini, avbo nya gilito gyogyo, gu di lita ni gu tshiga dzingilozi dza Nungungulu.

Ezekiyeli 1:1

Khu litshigu nya livbandre, nya ngima nya wu na, nya mwaga nya magumararu, eni nyi diri vbakari ga vale va vbagedwego, vbafuvbi ni tsongo wa Kebhari, gu di tulega ndzadzini, nyi di wona siwoniso khu ga Nungungulu.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Matewu 26:24

Khu lisine Mwamana wa Muthu, a na hongola, kha nga idzo yi ganelago khidzo Milowo, aholu libango khya wule a na gu mu ningelago. Dari tshukwana ga muthu yoyo, na sa velegwa!”

Matewu 3:16

Jesu na bhapatisidwe, a di duga khu matini. Avbovbo Ndzadzini gu di tulega, a wona Liphuvbo la Nungungulu na li gu relela kha nga lituva, li ta mbaka vbatshani gwaye.

Matewu 4:11

Khavbo avbo, Sathane a di mu diga a hongola; dzingilozi dzi dita dzita mu thumela.

Matewu 8:20

Jesu a di mu hakha, khuye: “Migehe yi na ni mavbala yawe; sinyoni sa damboni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

Matewu 9:6

Kha nga ulo, gasi gu enu mu dziti nya gukhenu Mwamana wa Muthu a na ni tshivba nya gutsetselele sighoho mafuni momu; a di embela gilima, khuye: Khuga u eme, dzega lithatho lago u hongola gaya.”

Marko 1:10

Na gu duga khu matini, Jesu a di wona ndzadzi na yi tulegide, Liphuvbo li di mbaka vbatshani Gwaye kha nga lituva.

Marko 14:62

Jesu a di khuye: “Kheni. Mu na wona Mwamana wa Muthu na khade nyamudye ga Nungungulu nya Tshivba Yatshavbo, na gu tshiga khu Ndzadzini vbakari nya mapfhi.”

Luka 2:13

Khu githugedza, gu di wonega gumogo ni ngilozi lidhuma nya mabutho ya Ndzadzini ma rungudza Nungungulu, khayo:

Luka 2:9

Va di tumbulugedwa khu ngilozi ya Pfhumu, va randredwa khu wenengedzo wa Pfhumu, va tala khu hwanga.

Luka 22:43

Khavbo avbo, yi dita ngilozi khu Ndzadzini, gasi guta mu tiyisa.

Luka 22:69

Aholu Mwamana wa Muthu, gukhugela olu, a na khala nyamudye ga Nungungulu.”

Luka 24:4

Na va nga gu liwuga esi, va di tumbulugedwa khu vama vavili na va ambade dzingandzu nya gungangamele.

Luka 3:21

Hwane nya gu vathu vatshavbo na va bhapatisidwe Jesu a diya bhapatiswa nuye. Na romo vbakari nya nombelo, ndzadzini gu di tulega;

Johane 1:50

Jesu a di khuye: “Kha nga u khodwego khu magana nyi gu embedego nya gukheni: Nyi gu wone mutsani nya nguyu, u na wona silo nya sikhongolo nya guvbindre esi.”

Johane 10:1

Jesu a di engedza gambe, khuye: “Khu lisine, nyi ngu mi embelani kheni, wule a si beligo khu mwanya, aholu a gu bela khu gihogo phandroni nya dzinvuta, mbafa, gighevenga.

Johane 10:7

Jesu a di engedza gambe, khuye: “Khu lisine, nyi ngu mi embelani, kheni: Eni nyi mwanya dzi belago khavbo dzinvuta.

Johane 13:16

Khu lisine, nyi ngu mi embelani, kheni: Githumi khandri gikhongolo guvbindra mune waye; kha nga girumwa nigyo, khandri gikhongolo guvbindra oyu gi nga rumwago khuye.

Johane 13:38

Jesu a di khuye: “Ina kamwe uwe u na ningela guvbanya gwago khu kotani yangu! Khu lisine, nyi ngu gu embela, kheni: Kha wu na emba khonge nu si nyi dangi nyondro tharu.

Johane 14:12

Khu lisine, nyi ngu mi embelani, kheni: Uye a khodwago gwangu, a na gira nuye mithumo nyi yi girago; a na gira mithumo ya yikhongolo guvbindra eyi, kholu eni nyi ngu hongola ga Babe wangu.

Johane 16:20

Khu lisine, nyi ngu mi embelani, kheni: Mu na lila ni gusaniseka, aholu litigo li na tsaka. Gani olu gusaniseka gwanu gu na vbindrugedza gu khala litsako.

Johane 16:23

“Litshigu lolo gi mwalo mu na nyi wudzisago. Nyi ngu mi embelani, khu lisine, nya gukheni: Satshavbo iso mu na lombago ga Babe khu lina langu, uye a na mi ningani.

Johane 21:18

Khu lisine, nyi ngu gu embela, kheni: Nu ngari gikhwathana u di dzi ambalela, u gu hongola umo u nga bani u guna. Gasi gikhati u na gumbago, u na thawuludza mawogo yago, va gu ambagisa, gasi va gu yisa umo u si gunigo.”

Johane 3:3

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa nyaluphye, gima kha na wona Mufumo wa Nungungulu.”

Johane 3:5

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa khu mati ni Liphuvbo, kha na dzi kodza gubela Mufumoni wa Ndzadzini.

Johane 5:19

Jesu a di khusa lito a gu ganela, khuye: “Khu lisine, nyi ngu mi embelani, kheni: Gimwalo gilo Mwamana a girago khu gu gi khugela, vbavbandze nya iso a si wonago ga Babe waye, kholu satshavbo si girwago khu Babe si ngu girwa niso khu Mwanaye.

Johane 5:27

A mu ningide tshivba nya gulamule, kholu a gu Mwamana wa Muthu.

Johane 6:26

Jesu a di va hakha, khuye: “Khu lisine, nyi ngu mi embelani, kheni: Enu mwa gu nyi vbweta, nasiri khu kotani nya siliwugiso mu nga si wonago, aholu khu kotani mu nga hodzago sibaba mu khura.

Johane 6:32

Jesu a di va hakha, khuye: “Khu lisine, nyi ngu mi embelani, kheni: Khandri Mosi a nga mi ningani guhodza gutago khu Ndzadzini; Babe wangu khuye a mi ningago guhodza nya lisine gutago khu Ndzadzini,

Johane 6:47

Khu lisine, nyi ngu mi embelani: Uye a khodwago a na ni guvbanya nya gupindruge.

Johane 6:53

Jesu a di khuye: “Khu lisine, nyi ngu mi embelani, gukheni: Mwa gumba hodzani givili gya Mwamana wa Muthu ni gumba sela novba waye, kha mu na mana guvbanya.

Johane 8:34

Jesu a di va hakha, khuye: “Khu lisine, nyi ngu mi embelani, kheni: Muthu watshavbo a ghohago, khumbi nya gighoho.

Johane 8:51

Khu lisine, nyi ngu mi embelani, kheni: Uye a vegedzago magana yangu, gima kha na ngafa.”

Johane 8:58

Jesu a di va hakha, khuye: “Khu lisine, nyi ngu mi embelani, kheni: Na si gu velegwi Abrahama, nyi diromo eni.”

Mithumo 10:11

a di wona Ndzadzini na gu tulegide, ni gilo nya gufanane ni mwendra nya khongolo na wu thawuludzidwe, na wu hungidwe khu dzitshokani dza dzina wu relela vbavbatshi.

Mithumo 7:56

Sitefane a ganela, khuye: “Nyi ngu wona ndzadzi na yi tulegide ni Mwamana wa Muthu na emide nyamudye ga Nungungulu.”

2 Vatesalonika 1:7

Gasi enu mu nga sanisekago gumogo ni ethu, a na hi ninga guhefemula gikhati a na gutago khu Ndzadzini Pfhumu Jesu Kristo, gumogo ni dzingilozi dzaye, na tade khu tshivba.

2 Vatesalonika 1:9

Avo va na mbembiswa va yiswa hwindzo, nyamba wona ni gupwa tshivba ni wudhumo wa Pfhumu.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Judha 1:14

Khu kotani yawe, Enoki nuye, gitugulwana nya livbandre na sivili ga Adhamu, profetide khu kotani yawe, khuye: “Wonani, Pfhumu a nguta gumogo ni mabutho nya mazanazana nya sihathwa saye, gasi,

Gutuledwa 19:11

Nyi di wona gambe ndzadzini na gu tulegide, gu wonega kavalu nya guage. Oyu a yi khiledego a gu ranwa pwani khuye nya “Gutumbege,” nya “Lisine,” kholu khu gululama a di fuma ni gu dwana nyimbi.

Gutuledwa 4:1

Hwane nya silo sesi, nyi di tula maho, nyi wona lidimba na li tudwe Ndzadzini: Lito nya guphele nyi nga lipwago na li ganela gwangu, kha nga pundru, li di, khilo: “Lita uta eno, gasi nyi gu yeyedze iso si na giregago hwane nya esi:”