Johane 1:34 - Bhibhiliya Nya Guage

³⁴ Nyi si wone khu maho yangu; nyi ngu fakaza nya gukheni uye Mwamana wa Nungungulu.”

Johane 1:34 Iomraidhean Croise

Dzindzimo 2:7

Nyi na huwelela nyi tivisa thetho wa Pfhumu Nungungulu. Uye a di nyi embela, khuye: Uwe u Gyanana gyangu, muhuno nyi gu velegide.

Matewu 11:27

Satshavbo nyi ningidwe khu Babe wangu. Mwalo a mu tigo Mwamana vbavbandze ga Babe ekha, gambe mwalo a mu tigo Babe vbavbandze ga Mwanaye ekha ni wule Mwamana a dzinago gu mu tulela.

Matewu 16:16

Simoni Pedro a di khusa lito a gu phindrula, khuye: “Uwe khuwe Kristo, Mwamana wa Nungungulu a vbanyago.”

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Matewu 26:63

Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

Matewu 27:40

“Ah! Nga tshiga, na! Uwe u dzi kodzago gu khungumula Nyumba ya Nungungulu, u yi vbahedza khu matshigu mararu! Nga dzi vbanyisa, u tshiga khu vbagihambanotunu vbovbo, wa gu bani uri gyanana gya Nungungulu!”

Matewu 27:43

Tumbide Nungungulu; a na vbulugiswe khuye a gu bani a mu gola, kholu ganede, khuye: ‘Eni nyi gyanana gya Nungungulu!’ ”

Matewu 27:54

Muthangeli nya gikwata nya lizana masotshwa, gumogo navo a nga bani a gu ghadha navo Jesu, na va wonide girevareva gile, gumogo niso si nga bani si dugelela, va di tala khu hwanga, va ganela, khavo: “Khu lisine oyu a diri Gyanana gya Nungungulu!”

Matewu 3:17

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Matewu 4:3

Khavbo avbo, mulingi a di ta, khuye: “Wa gu bani uri Mwamana wa Nungungulu, ruma siwindri sesi si vbindrugedze si khala guhodza.”

Matewu 4:6

a di mu embela, khuye: Wa gu bani uri Mwamana wa Nungungulu, nga dzi digeledza khavba, kholu gu lovidwe, pwani: “Nungungulu a na ruma dzingilozi dzaye dzi gu hakhe, gasi u si bayiswi migondro khu siwindri.”

Matewu 8:29

Avo va di gulumela, khavo: “Ginani hi nga gu ghohela, Mwamana wa Nungungulu? U tede guta hi tshanisela ginani, na gi si gu vbohi gikhati gyakone?”

Marko 1:1

Guphela nya Mahungu nya Yadi ya Jesu Kristo, Mwamana wa Nungungulu,

Marko 1:11

Khu Ndzadzini li di pwala lito, li nga, khilo: “Uwe u Mwamana wangu nya gigodwa ngudzu, monyo wangu wu ngu tangadziswa khuwe.”

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Luka 3:22

Liphuvbo nya Guage li di tshiga lita mbaka vbatshani gwaye kha nga lituva. Li dita lito khu Ndzadzini li nga, khilo: “Uwe u Mwamana wangu nya gigodwa ngudzu; u nengedzisago monyo wangu.”

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 1:49

Natanayeli a di mu hakha, khuye: “Rabi! Uwe u Mwamana wa Nungungulu; u Pfhumu ya na Israyeli.”

Johane 10:30

Eni ni Babe hi moyo basi.”

Johane 10:36

Eni, Nungungulu a nyi hathide a nyi rumela mafuni. Khu ginani mu nyi wugelago khenu nyi na ni mapepetela kholu nyi nga ganela kheni nyi Mwamana wa Nungungulu?

Johane 11:27

Marta a di hakha, khuye: “Ina, Pfhumu! Nyi ngu khodwa gukheni uwe khuwe Kristo, Mwamana wa Nungungulu, wule a nga pwani a nata mafuni.”

Johane 19:7

Vajudha va di mu hakha, khavo: “Ethu hi na ni nayo. Khu guruma nya nayo yoyu, a ngu yela gufa, kholu a dzi giride Mwamana wa Nungungulu!”

Johane 20:28

Tomasi a di khuye: “Pfhumu yangu, Nungungulu wangu!”

Johane 20:31

Esi si lovidwe gasi mu khodwe gukhenu Jesu khu Kristo, Mwamana wa Nungungulu; gasi khu gu khodwa, mu mane guvbanya linani gwaye.

Johane 6:69

Ethu hi ngu khodwa, gumogo ni gu dziti gukhethu uwe khuwe Gihathwa gya Nungungulu.”

Varoma 1:4

Khu tshivba nya Liphuvbo nya Guage, Jesu Kristo Pfhumu yathu wonegisidwe gupwani Mwamana wa Nungungulu nya Tshivba Yatshavbo, khu guwuga gwaye khu ga vafudego

2 Vakorinto 1:19

Kholu Mwamana wa Nungungulu, Jesu Kristo, hi nga mi tivisani, Silivhano, Thimoti, ni eni kha khala “Ina ni ahihi,” aholu gikhati gyatshavbo a di khala “Ina.”

Vahebheru 7:3

Kha tidwi babe waye ni mayi waye, ambari vakokwe vaye, kha gu tidwi gilo khu mahungu nya guvelegwe gwaye ni gufa gwaye. Uye a di khala nga Mwamana wa Nungungulu, a gu simama gu khala muphasi nya mhamba kala gupindruga.

1 Johane 2:23

Kholu oyu a ganedzago Mwamana, uyoyo ganedzide ni Babe; oyu a hakhago Mwamana, a na ni Babe gambe.

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.

1 Johane 4:9

Khidzo kharato Nungungulu a nga yeyedza lihaladzo laye ga ethu. Nungungulu a di rumela Mwamana waye wa Moyo tigoni, gasi ethu hi mane guvbanya khu kotani yaye.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.

2 Johane 1:9

Oyu a si emigo ndrani nya gihevbudzo gya Kristo, mwalo Nungungulu. Aholu, oyu a emago gihevbudzoni momo gya Kristo, khuye a gu ni Babe ni Mwamana.

Gutuledwa 2:18

Lovela ngilozi nya libandla la Tiyatira, khuwe: “Mwamana wa Nungungulu, oyu a gu ni maho nya gungangamele nga nilo, ni migondro yaye nya gukhwatshi sugu nya gukhedzige, wari, khuye: