Johane 1:16 - Bhibhiliya Nya Guage

¹⁶ Khu gutadzisega gwaye khu wuhigo, khavbo hi kodzago ethu hatshavbo, gu hakha nethu khavbo gwaye talo nya wuhigo watshavbo.

Johane 1:16 Iomraidhean Croise

Dzindzimo 84:7

Na va gu gimbila, tshivba yawe ya guya na yi gu engedzelana litshigu ni litshigu, kala va gu vboha mbeli ga Nungungulu, gigomoni gya Siyoni, va ta wona khovbe yago.

Zakariya 4:7

Uwe gigomo nya gulaphe, u ginani uwe mbeli ga Zorobhabheli? U na wonega kha nga lipani basi; kholu uye a na handzega giwindri nya guhegule na gu huwelela, khuye: Wuyani! Wuyani! Nungungulu a na kategise!

Matewu 13:12

Kholu uye a gu naso a na engedzedwa, a gu mana nya singi; gasi uye a gu mwalo gilo ambari iso a gu naso, a na dzegedwa.

Matewu 3:11

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Matewu 3:14

Aholu Johane a di bomba, khuye: “Eni kheni nyi gu ni fanelo nya gubhapatiswe khuwe, ni olu u tago gwangu!”

Luka 21:15

kholu eni mune nyi na mi ningani magana nya guti, ayo valala va na gumba dzi kodzago gu ma bomba.

Johane 3:34

Kholu wule a nga rumedwa khu Nungungulu a gu ganela mahungu ya Nungungulu, Nungungulu kha mu ningi Liphuvbo khu gu mu pimela.

Varoma 5:17

Kholu kha nga gufa gu ningidwego tshivba khu kotani nya gighoho gya muthu moyo basi; ngudzungudzu vale va hakhago wuhigo wowu ni gu mana makategwa nya gululame, va na vbanya ni gu fuma khu tshivba ya muthu moyo basi, uye Jesu Kristo.

Varoma 5:2

Khavbo ga Kristo, ethu nethu hi manide gukatega khu kotani nya gukhodwe gwathu. Khuwo wuhigo wowu hi vbanyago khuwo na hi tiyide ni gu dzi zundza khuwo, na hi gu lirela khu gunengela ni gitumbo gu wona wudhumo wa Nungungulu.

Varoma 5:20

Nayo wu tede guta engedzela gighoho. Aholu avbo gighoho gi nga dandra, wuhigo wa Nungungulu wu di engedzela gu dandra ngudzu.

Varoma 8:9

Gasi enu, mwa gu bani muri ni Liphuvbo la Nungungulu khu lisine, kha mu nga gu fumwa gambe khu gudogorela nya tumbunugo nya wuthu, aholu mwa gu fumwa khu Liphuvbo nya Guage. Muthu a gu mwalo Liphuvbo la Kristo, khandri wa Kristo.

Vaefeso 1:23

Ilo khilo givili gyaye; ilo khilo gutadzisega gwatshavbo gwa Kristo, a enedzago silo satshavbo ga vatshavbo.

Vaefeso 3:19

lihaladzo leli la Kristo, ambari ulo a gu mwalo muthu a dzi kodzago gu liti khu guvbelela, gasi enu mu mane gutala khu wufumu watshavbo wa Nungungulu.

Vakolosi 1:19

Nungungulu dzinide gu mu ninga gutadzisega gwatshavbo.

Vakolosi 2:3

wu sihidwego gwaye wufumu watshavbo nya dzithomba nya guti ni gupima.

1 Pedro 1:11

Va zamide gu vbweta guti gikhati muni, matelo muni; Liphuvbo la Kristo li nga bani liri gwawe li va tiviside gikhati gyogyo khu gu va embela sisaniso a nga hadza gu si mana Kristo, ni wudhumo wu nga vbweta gu manega khu hwane nya iso.

1 Pedro 1:2

Enu mu hathidwe khu guhaladza gwa Nungungulu Babe, mu giridwe vathu va Nungungulu khu tshivba nya Liphuvbo laye, gasi mu yingela Jesu Kristo ni gu mitegedzedwa khu Novba waye. Wuhigo ni gurula gu na tadzisedwe avbo gwanu.