Johane 1:14 - Bhibhiliya Nya Guage

¹⁴ Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 1:14 Iomraidhean Croise

Dzindzimo 2:7

Nyi na huwelela nyi tivisa thetho wa Pfhumu Nungungulu. Uye a di nyi embela, khuye: Uwe u Gyanana gyangu, muhuno nyi gu velegide.

Dzindzimo 45:2

Uwe khuwe nya gumbure ngudzu vbakari nya sanana nya vathu; wuhigo wu ngu duga khu kanani gwago; khu guralo, Nungungulu a ngu gu kategisa kala gupindruga.

Dzindzimo 85:9

Guvbanyisa gwaye gomo vbafuvbi ga vale va mu thavago gasi wudhumo wu vbaha tigoni gwathu.

Isaya 40:5

Vathu vatshavbo va na wona wudhumo wa Pfhumu Nungungulu, va na si pima gukhavo khu Pfhumu Nungungulu a ganedego isoso khu wurumba waye.”

Isaya 53:2

Kholu githumi gyangu gi di dandra mbeli ga Pfhumu Nungungulu kha nga litamo li thungago, mwendro kha nga khamba mafuni nya gihala; a diri mwalo giemo nya gutsakise mwendro wumburi.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Ezekiyeli 37:27

Nyumba yangu nya miphaso, yi na bani yiri navo; eni nyi na khala Nungungulu wawe, avo va na khala vathu vangu.

Matewu 1:16

Jakobe a velega Josefe, mwama wa Mariya, a gu uye a nga velega Jesu, a ranwago Kristo.

Luka 2:11

Muhuno olu, Dhoropani ga Dhavhidhe mu velegedwe Muvbanyisi wanu, a gu Kristo, Pfhumu.

Luka 2:7

a gu velega gyanana gyaye nya matiwula, a nga gi fenengedzelago myendra a gi ladzisa mugighowoloni, kholu kha va nga mana wulanga nyumbani nya vaendri.

Luka 9:32

Pedro ni vangana vaye va di wongomedwa khu ligovbe. Aholu, na va khendzugide, va di wona gungangamela ga Jesu ni madhota yale ya mavili ma nga bani mari naye.

Johane 1:1

Guhegulani li diromo Lito. Lito li diri ni Nungungulu; gambe Lito li diri Nungungulu.

Johane 11:40

Jesu a di khuye: “Kha nya gu embela nya gukheni wa gu khodwa u na wona gidhumo gya Nungungulu, gani?”

Johane 14:6

Jesu a di khuye: “Eni kheni ndzila, ni lisine, ni guvbanya. Mwalo a vbohago ga Babe nyamba yiswa kheni.

Johane 14:9

Jesu a di khuye: “Gale na nyiri nanu, gasi ni olu u si gu nyiti, Filipi? Uye a nyi wonago, a ngu wona Babe. Khu ginani u gukhuwe: ‘Hi yeyedze Babe?’

Johane 17:22

Nyi va ningide gidhumo gile u nga nyi ningago, gasi va khale moyo kha nga ethu hi gu moyo.

Johane 17:24

“Baba, nya guvbweta gukheni vale u nyi ningidego va manege navo avbo nyi na gu manegago eni, gasi vafela gu wona gidhumo gyangu, gidhumo gile u nyi ningidego, kholu uwe u nyi gode na li si gu vangwi litigo.

Johane 18:37

Pilato a di khuye: “Gasi kamwe u Mufumeli?” Jesu, khuye: “Nya nga ulo u ganelago! Eni nyi Mufumeli! Nyi velegedwe isoso; khiso nyi si tedego mafuni, gasi guta ninga wufakazi nya lisine. Uye a gu wa lisine a ngupwa lito langu.”

Johane 2:11

Khigyo egi giliwugiso nya guphele gya Jesu a giredego tigoni ga Khanani ga Galileya a gu wonegisa kharati gidhumo gyaye; vapizane va di khodwa gwaye.

Johane 3:16

“Kholu Nungungulu haladzide ngudzu litigo gu kala a ningela Mwanaye wa moyo, gasi ni wevbi a khodwago gwaye a si mbembi, aholu a mane guvbanya nya gupindruge.

Johane 3:18

Uye a khodwago gwaye kha mbembi; aholu, uye a si khodwigo a na mbemba, kholu kha khodwa linani la Mwamana wa moyo wa Nungungulu.

Johane 6:51

Eni nyi guhodza nya guvbanye gu tshigidego khu Ndzadzini. Uye a gu hodzago a na vbanya kala gupindruga; guhodza nyi na ningelago khu givili gyangu, gasi guvbanyisa litigo.”

Johane 8:32

mu natini lisine, gambe ilo lisine li na mi gira vathu nya gutshulege.”

Mithumo 13:33

Nungungulu tadziside ga ethu, sanana, gitumbiso a nga gira ga vababe vathu, khu gu wusa Jesu. Kha nga gu lovidwego umo nya Dzindzimo, gupwani: ‘Uwe u Mwamana wangu nyi gu velegidego muhuno.’

Varoma 8:3

Nungungulu kodzide gu gira iso Nayo wu nga si tandrega khu gu vbungudwa tshivba khu tumbunugo nya wuthu. Uye konide gighoho ndrani nya tumbunugo nya muthu, khu gu hi rumela Mwanaye, a dzudego khu tumbunugo nya idzosaye ni tumbunugo nya muthu nya gighohi. Kharato Nungungulu pade gighoho.

Varoma 9:5

Khavo sivelegwa sa vababe nya libandla; Kristo, khu tumbunugo nya wuthu, a gu lumba lihundzu lawe, uye a guromo vbatshani nya silo satshavbo, a gu Nungungulu nya gurungudzwe kala gupindruga. Amen!

1 Vakorinto 15:47

Oyu nya guhegule a diri muthu wa mafuni. Oyu nya wuvili khwa Ndzadzini.

2 Vakorinto 12:9

Aholu, uye a di nyi hakha, khuye: “U na eneledwa khu wuhigo wangu, kholu tshivba yangu ya gu dzi yeyedza khu gu tadzisega, ga vale va gu mwalo tshivba.” Khu gu dzina gwangu nyi na seketela wudhumo wangu ngudzungudzu guvbungugani nya tshivba yangu, gasi tshivba ya Kristo yi dzi wonegisa khavbo gwangu.

Vagalatiya 4:4

Aholu, gutadzisegani nya matshigu, Nungungulu a di hi rumela Mwamana Waye a nga velegwa khu nyamayi, a velegedwa vbavbatshi nya Nayo nya Vajudha;

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

Vakolosi 1:19

Nungungulu dzinide gu mu ninga gutadzisega gwatshavbo.

Vakolosi 2:3

wu sihidwego gwaye wufumu watshavbo nya dzithomba nya guti ni gupima.

Vakolosi 2:9

Kholu talo watshavbo nya wudhumo wa Nungungulu wu manide givili khu guvbelela ga Kristo a dzi giridego muthu.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.

Vahebheru 1:5

Khu lisine, khu yevbini yimbe ngilozi Nungungulu a yi embedego, khuye: “Uwe u gyanana gyangu, muhuno nyi gu velegide?” Gambe ni gukhuye: “Eni nyi na khala Babe wago, uwe u na khala gyanana gyangu?”

Vahebheru 10:5

Khu guralo, gikhati a dzudego mafuni a di ganela, khuye: “Uwe khu vbweti dzimhamba ni miningelo nya sirengo, wulangani nya isoso, u nyi girede givili.

Vahebheru 2:11

Jesu a agisago vathu sighoho sawe, ni ava va agisidwego, vatshavbo Babe khuye wa moyo. Khidzo kharato, Jesu a si khaligo dzitshoni gu va rana khuye vandriyaye.

Vahebheru 5:5

Ambari nuye Kristo, kha dzi gira abune Muphasi nya khongolo nya mhamba. Khu Nungungulu a nga mu rana a mu ninga wuzundzo wowo, gikhati a nga khuye: “Uwe u Gyanana gyangu, muhuno nyi gu velegide.”

1 Johane 4:14

Ethu hi si wone, gambe hi ngu tivisa ga vambe gukhethu Babe rumede Mwamana waye, gasi guta khala Muvbanyisi nya litigo.

1 Johane 4:9

Khidzo kharato Nungungulu a nga yeyedza lihaladzo laye ga ethu. Nungungulu a di rumela Mwamana waye wa Moyo tigoni, gasi ethu hi mane guvbanya khu kotani yaye.

2 Johane 1:7

Vakanganyisi nya vangi va phalalegide tigoni gwatshavbo, avo va gu hevbudza gukhavo Jesu Kristo gima kha nga dzi gira muthu. Oyu a ganelago kharato, mukanganyisi, nala wa Kristo.

Gutuledwa 19:13

A di ambade mwendra nya gunegwe novbani. Lina laye, khuye: “Lito la Nungungulu.”

Gutuledwa 21:3

Khavbo avbo, nyi di pwa lito nya tshivba na li guta khu gikhalotunu nya wufumu, khilo: “Wonani Nyumba ya Nungungulu vbakari nya vathu. Nungungulu a na vbanya vbakari nya vathu, avo va na khala vathu vaye, uye vbakari gwawe, a na bani ari Nungungulu wawe.