Johane 1:12 - Bhibhiliya Nya Guage

¹² Gasi vale vatshavbo va nga li hakhago, va khodwago ga ilo, li di va ninga fanelo nya gukhale sanana sa Nungungulu;

Johane 1:12 Iomraidhean Croise

2 Samuweli 7:24

U emiside vathu vago va na Israyeli, gasi va khale vathu vago kala gupindruga, Gasi uwe Pfhumu u khade Nungungulu wawe.

Isaya 56:5

nyi na va ninga wulanga ni lina nyumbani ni mabhiyoni gwangu, eli li vbindrago gu mana sanana nya sikhwathana ni sagadzyana. Nyi na ninga moyo ni moyo nya avo lina nya gukala gupindruga, li na gumba fuva.

Jeremiya 3:19

Pfhumu Nungungulu a ngu ganela kharati, khuye: Eni nyi diri ni makungo nya gukheni nyi na gu sayisa kha nga idzo nyi sayisago khidzo sanana sangu, nyi gu ninga litigo nya ladi ngudzu, litigo nya gumbure ngudzu guvbindra mambe mayigo. Aholu eni nyi di pimisa, kheni: Mu na nyi rana khenu Baba, gima kha mu na ndreya gambe mu nyi diga.

Matewu 10:40

“Uye a mi hakhago, kheni a nyi hakhago; gasi uye a nyi hakhago a ngu hakha Wule a nga nyi rumelago.

Matewu 12:21

Va nya mayigo vatshavbo va na tumba lina laye!”

Matewu 18:5

Uye a hakhago gyanana nya nga egi, khu lina langu, kheni a nyi hakhago.

Johane 1:11

Li dita ga avo va nga bani vari vaye, aholu, avo kha va li hakha.

Johane 1:7

A dita kha nga fakazi, gasi gu fakazela Wenengedzo, gufela gu vatshavbo vakhodwe khu kotani yaye.

Johane 11:52

Nasiri gufela litigo nya Vajudha basi, aholu gufela gambe gutshanganisa sanana sa Nungungulu si phalalegidego.

Johane 2:23

Gikhati gile nya Phasika a nga bani a romo Jerusalema, vathu nya vangi va di khodwa khu lina laye khu kotani nya siliwugiso a nga bani a gu gira.

Johane 20:31

Esi si lovidwe gasi mu khodwe gukhenu Jesu khu Kristo, Mwamana wa Nungungulu; gasi khu gu khodwa, mu mane guvbanya linani gwaye.

Johane 3:18

Uye a khodwago gwaye kha mbembi; aholu, uye a si khodwigo a na mbemba, kholu kha khodwa linani la Mwamana wa moyo wa Nungungulu.

Mithumo 3:16

Khu gukhodwa linani ga Jesu, ilo lina lolo khilo kamwe li nga ningago tshivba mwama yoyu mu mu wonago, gambe mu mu tigo: Khidzo kamwe, gukhodwa linani ga Jesu gu ningide womi mwama yoyo mu mu wonago mwatshavbo.

Varoma 8:14

Vatshavbo vale va vbanyago kha nga idzo li rumago khidzo Liphuvbo nya Guage, sanana sa Nungungulu.

Varoma 8:16

Ilo Liphuvbo la limwedo la gu tshangana ni hefemulo wathu gasi li fakaza gukhilo hi sanana sa Nungungulu.

Varoma 8:19

Sivangwa satshavbo somo si khevisela, wutshigu ni mihani, na si gu lindrela gu wona litshigu Nungungulu a na gu dzi wonegisago ga sanana saye.

Vagalatiya 3:26

Khu gukhodwa enu mwatshavbo mu khade sanana sa Nungungulu, khu Kristo Jesu.

Vagalatiya 4:6

Khu gufela gu yeyedza gukhuye enu nenu mu sanana Saye, Nungungulu rumede Liphuvbo la Mwamana waye myonyoni gwathu, khilo li ranago ndrani gwathu, khilo: “Abba: Gutshamuselago gupwani Baba!”

Vakolosi 2:6

Kha nga olu mu hakhidego Pfhumu Jesu Kristo, gu vbwetega mu vbanya khu gupwanana naye,

2 Pedro 1:4

Khu guralo, uye a hi ningide siningwa nya sikhongolo nya lisima a nga hi tumbisago, gasi hifela gu vbulugiswa ga mapimo nya gupfhungumule ma fumago tigoni, hi kodza gu hengela tumbunugoni gwaye nya wunungungulu.

1 Johane 3:1

Wonani wukhongolo nya lihaladzo la Babe ga ethu, gu kala hi gu ranwa pwani hi sanana sa Nungungulu. Lisine kamwe, hi sanana sa Nungungulu. Litigo kha li hiti, kholu kha la muti Nungungulu.

1 Johane 3:10

Ogu khugo guhambana nya lisine nya sanana sa Nungungulu ni sanana sa Sathane. Oyu a si girigo esi nya gululame, ni gumba haladza ndriyaye, khandri gyanana gya Nungungulu.

1 Johane 3:2

Sigodwa sangu, ethu olu hi sanana sa Nungungulu, aholu, hi si gu dziti gukhethu hi na bani hiri ginani. Ethu ha guti esi nya gukhethu, gikhati Kristo a na dzi wonegisago, hi na fanana naye, kholu hi na mu wona wurumba waye, nga edzi a guromo khidzo.

1 Johane 3:23

Esi a rumago khesi; nya gukhuye hi na khodwe linani ga Mwanaye Jesu Kristo, ni gu haladzana khu gyathu nga edzi Uye a nga hi rumago khidzo.