Jeremiya 9:8 - Bhibhiliya Nya Guage

⁸ Malimi yawe sighalala si songago, khu kanani gwawe gu duga basi magana nya guvivbe; muthu ni muthu a gu dzi gira muthu nya gurule ga muthu kwawe, aholu khu monyoni gwaye a gu mu riyela milaphwi.

Jeremiya 9:8 Iomraidhean Croise

2 Samuweli 3:27

Avbo Abhineri a nga bwelelago aya Hebroni, Jowabhi a di mu rana khu phuvbo, gukhwatshi a gu vbweta gu ya bhula venga, a di mu paya vbagirumbutunu avbo vbale afa, a dzi phodzela kharati ga novba wa ndriyaye Asayeli.

Dzindzimo 12:2

Muthu ni muthu, a gu liphela muthu kwawe khu magana nya gusengedzele ni gupemba.

Dzindzimo 12:3

Pfhumu Nungungulu, pila sihofu nya malipha, sa avo va ganelago khu matshandza,

Dzindzimo 120:3

Uwe lidimi nya mukanganyisi, u na wuyedwa khu ginani, tshatshazelo muni u na wu manago?

Dzindzimo 28:3

U nga nyi tsayisi gumogo ni sighohi, ni vale va thumisago wughevenga; khu likana va gu ganela khu gurula, aholu myonyoni gwawe va na ni makungo nya guvivbe.

Dzindzimo 35:20

Kholu avo gima kha va ganeli khu gurula; aholu va gu wugela va nya gurula mafuni, va luga mano nya gu va singedze guvivba.

Dzindzimo 55:21

Likana laye la gu kwiriga guvbindra mafura, aholu monyo waye wa gu pimisa gu gira nyimbi; magana yaye ma gu tshamba guvbindra wulombe; aholu matshari ma lodzidwego.

Dzindzimo 57:4

Nyi randredwe khu valala va fananago ni dzinghala, va vbweta gu nyi hodza; magwaha yawe kha nga matshari ni siholoma, malimi yawe gukhwatshi migala nya gulodzwe.

Dzindzimo 62:5

Hefemulo wangu wa gu khevisela Nungungulu basi, kholu gutumba gwangu gwa guta khavbo gwaye.

Dzindzimo 64:8

Va na tshunganiswa khu malimi yawe wurumba; vatshavbo va si wonago va na khiniga mihungo.

Mavingu 25:18

Muthu a fakazago malipha, a wugela muakelane waye, a gu fanana ni litshari, gighomba ni giholoma nya gulodzwe si songago.

Jeremiya 5:26

Kholu vbakari nya vathu vangu gu tade khu vathu nya guvivbedwe khu myonyo, va riyago milaphwi, kha nga wule a sotago sinyoni, va gu thawuludza dzikhoga va mola vathu.

Jeremiya 5:9

Pfhumu Nungungulu a ngu wudzisa kharati, khuye: “Ina nyi ngu dzi kodza gumba tsayisa silo sesi, gani?” Ina kha nyi yeli gu dzi phodzela ga litigo nya nga eli, gani?

Jeremiya 9:3

Va gu peta lidimi li fanana ni wulaho wu ghwimbidwego, gasi gu ganela malipha; va gu dzi tiyisa tigoni, aholu khandri khu lisine, kholu va gu tsakela guvivba, kha va khathali khu Eni; a ngu ganela Pfhumu Nungungulu.

Jeremiya 9:4

Moyo ni moyo a na dzi wonele ga pari yaye, gambe a nga tumbi valongo vaye; kholu valongo vatshavbo gi mwalo va girago, vbavbandze nya gu zame gu kanganyisa basi, ni dzipari dzatshavbo nidzo dza gu gira milembo basi.

Jeremiya 9:5

Maganani gwawe gu mwalo lisine, va gu kanganyisana khu gyawe, avo va di hevbudza lidimi lawe gu ganela malipha; va olovede gu gira guvivba, kha va kodzi gu dzi laya.

Mikeya 6:12

Kholu sitetema si vbanyago vbakari gwanu si tade khu dzihanyi; ni vathu vawe va gu ganela malipha; ni malimi yawe khya wudambane.