Jeremiya 9:6 - Bhibhiliya Nya Guage

⁶ Va gu vbanya vbakari nya guvivbe; khu kotani nya isoso, kha va khathali khu Eni; a ngu ganela Pfhumu Nungungulu.

Jeremiya 9:6 Iomraidhean Croise

Mavingu 1:24

Kholu nyi mi ranide, aholu mwalo a nyi hakhidego, nyi thawuludzide mandza yangu, aholu mwalo a nga khathalago.

Mavingu 1:29

Kholu mu di bomba guti, mu si dzumeli guthava Pfhumu Nungungulu;

Isaya 1:25

Nyi na gu wugela nyi gu veta khu mandza yangu, nyi na gu agisa u vbelela, nyi gu guha kha nga gikete nya gupfhurele, gi nyiviligago khu nilo. Ndzilo mu gu nayo, nyi na yi dusa yatshavbo.

Isaya 1:3

Mombe yi ngu muti mune waye, buru niyo, yi ngu giti gighowolo gya mune waye; aholu Israyeli, kha nyiti, vathu vangu kha va pimi gilo.”

Isaya 4:4

Gikhati Pfhumu a na handzago manyala ya vanyamahegyane va Siyoni ni gu handza novba wu guromo vbakari ga Jerusalema, khu Liphuvbo nya gululame ni Liphuvbo nya agise.

Jeremiya 11:10

Va bwelelede ga sihevbulo nya guvivbe sa vababe vawe, va ngamba dzina gu yingisa magana yangu; va khozela vanungungulu nya malipha; nyumba ya Judha ni Israyeli va yeyiside gidzumeledzwano nyi giridego ni vababe vawe.

Jeremiya 11:19

Nyi di difanana ni nvuta nya gurule yi yiswago gusongwatunu; kholu eni nyi di si dziti gukheni va di gu nyi girela gikungo nya gu nyi songe, va ganela, khavo: “Hi na pile simbo yoyu na wu ngari ni mihandro yaye, hi na wu fuvise tigoni nya vathu va vbanyago, gasi gu si alakanywi gambe lina laye.”

Jeremiya 13:10

Vathu vava nya guvivbedwe khu monyo, va si dzumeligo gu yingisa magana yangu, va gimbilago khu dzindzila dzi godwago khu myonyo yawe, ni gu landrisela vanungungulu nya valombo, va va khozela ni gu va thumela, va noga mbeli gwawe, va na fanana ni libhandri leli li si phasigo gilo.

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 5:27

Dzinyumba dzawe dzi tade khu wukanganyisi, kha nga gikayela nya gutale khu sinyoni si modwego, khu kotani nya isoso va engedzelago gu khala sitetema.

Jeremiya 8:5

Gasi khu ginani vathu vava va Jerusalema va simamago gu banga mihungo va dzi ndreyisa? Va simama ndzilani nya guwegele va si dzumeli gu wuya gambe!

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Varoma 1:28

Kha nga avo va ngamba thela kota khu guti Nungungulu, Nungungulu nuye a di va diga va landra mapimo yawe nya guhandruge, gasi va gire iso nyamba yela.

1 Vakorinto 15:34

Digani mavbanyelo nya guvivbe, vbanyani khu ndruda kha nga edzi a dzinago khidzo Nungungulu! Kholu, vbakari gwanu vomo va si mutigo Nungungulu. Nya gu ganela esi khu gufela gu mi thela dzitshoni.

1 Samuweli 2:12

Sanana sa Eli, si diri sanana nya guvivbedwe khu monyo; si di si khathali khu Pfhumu Nungungulu;