Jeremiya 9:22 - Bhibhiliya Nya Guage

²² Va embele, khuwe: Pfhumu Nungungulu a ngu ganela kharati, khuye: “Sirumbi nya vathu si na mbambamela kha nga gitoromu gi thedwago marembweni, si mbambamede kha nga dzinyandra nya mavbila ya muvbweri, nyamba kodzwa gu roledwa khu muthu.”

Jeremiya 9:22 Iomraidhean Croise

2 Dzipfhumu 20:13

Ezekhiya a di tsakiswa khu myango yile, a va yeyedza nyumba yaye yatshavbo iyo yi nga bani yiri ni thomba yaye, parata, ndralama, mafura nya gutole nayo nya gunungele, ni matshari yaye yatshavbo ni thomba yaye yatshavbo; gimwalo ni gimwegyo a ngamba va yeyedza, gya ndrangani gwaye ni gya mufumo waye watshavbo.

2 Dzipfhumu 20:15

Isaya a di mu wudzisa, khuye: “Ginani va gi wonidego ndrangani gwago nya wufumu?” Ezekhiya a di mu hakha, khuye: “Satshavbo si guromo ndrangani gwangu nya wufumu va si wone; gimwalo na gimwegyo vbakari nya thomba yangu nyi ngamba va yeyedza.”

2 Dzipfhumu 9:37

Girumbi gya Jezabheli, gi na khala kha nga gitoromu mahangeni ya Jezireyeli; avbo gu na gumba ganedwa gambe gupwani: “Oyu khu Jezabheli.”

Joba 5:13

A gu mola va nya gugengela khu mano yawe, a phalalegisa makungo ya va nya guvivbedwa khu monyo khu guvbiredza.

Dzindzimo 49:7

Muthu kha dzi kodzi gu dzegisa ndriyaye, ambari gu livba tengo waye ga Nungungulu;

Dzindzimo 83:10

U nga va mbembisa dhoropani ga Eni-Dhori; sirumbi sawe si hinidego mafuni.

Mavingu 18:11

Lidhoropa nya likhokhola la muthu nya gufume khu thomba yaye, uye a gu alakanya khuye libhiyo li mu vhikelago.

Mavingu 23:4

U nga dzi garadzi khu gu vbweta gu ghanya, mapimo yago, ma nga dzi vegiseli ngudzu umomo.

Isaya 5:25

Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Jeremiya 16:4

“Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 25:33

Khu matshigu yoyo, sirumbi nya vathu va na ningedwago khu Pfhumu Nungungulu guveni va songwa, si na mbambamela gukhugela mahegiso kala mahegiso nya litigo; mwalo a na gu va dzingago ni gu va lila, si na tadza mafu kha nga mavivi.

Jeremiya 6:21

Khu guralo, Pfhumu Nungungulu a ngu ganela kharati, khuye: “Wona nya gukhuwe nyi na thela giphili mbeli ga vathu vava; va na tshunganela gu thega vavelegi gumogo ni sanana sawe; vaakelane gumogo ni dzipari va nafa.”

Jeremiya 7:33

Sirumbi sa vathu vava, si na rothedwa khu sinyoni sa damboni ni gu hodzwa khu sirengo sa mafuni; mwalo ni moyo a na si gusago.

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Habhakuka 1:11

Avo va na vbindra va ya mbeli nga phuvbo, va va gandra, va rwega vathu milandru, kholu nungungulu wawe, khu tshivba yawe.

Sofoniya 1:17

Nyi na pwisa wuvi vathu, avo va na gimbila khu gu phiphithela nga sikhumu, kholu va ghohede Pfhumu Nungungulu, novba wawe wu na vbalaga nga kudzudzwane ni sirumbi sawe si na khala nga ndzilo.

Dhewuteronome 8:17

Khu guralo, u nga ganeli khu monyoni gwago, khuwe: Dzithomba dzedzi dzatshavbo nyi dzi mane khu tshivba yangu ni thumo nya mandza yangu.