Jeremiya 9:2 - Bhibhiliya Nya Guage

² Nari pwani ga Nungungulu nya gu mana wulanga giwulani, gasi, nyi kodza gu hambana ni vathu vangu nyi ya khala hwindzo navo, kholu avo vatshavbo sibhayi, gambe tsawa nya vakanganyisi!

Jeremiya 9:2 Iomraidhean Croise

Isaya 59:3

Kholu mandza yanu ma nyenyezisidwe khu novba, ni dzinyala dzanu dzi tade khu guvivba; khu maganani gwanu gu duga malipha, ni malimi yanu, ma gu ganela guvivba.

Jeremiya 12:1

Uwe Pfhumu Nungungulu u lulamide, kha nyi dzi kodzi gu ganedzisana nago; ambari ulo, nyi na ni mahungu nyi vbwetago gu gu wudzisa, kheni: Khu ginani va nya guvivbedwa khu monyo va andrago mithumoni gwawe? Khu ginani vatshavbo va girago guvivba, gikhati gyatshavbo va vbanyago na va tangade?

Jeremiya 12:6

Kholu ambari ni vandriyago gumogo ni ndranga ya babe wago, avo navo va gu logovedzide; avo kamwe va ngu gu lundra na va gu gira ligwaha nya likhongolo. Ambari va gu gu sengedzela khu silo nya gumbure u nga va tumbi.

Jeremiya 13:22

Avbo u na ganelago khu monyoni gwago, khuwe: “Khu ginani nyi taledwago khu sigaradzo satshavbo sesi?” Dziti gwadi gukhuwe, talo nya sighoho sago, khiso si giridego u fununguledwa dzitshalu dzago, ni sitshinandro sago si napwa wuvi nya wungi.

Jeremiya 23:10

Kholu litigo li tade khu wubhayi, gambe la gu lila khu kotani nya sighoho, wuhaviseloni gu bangide nyambana mwasi, sirengo kha si nga gu hodza gilo; vathu va gu tutumela gu gira silo nya guvivbe, va dzi gira dzindrena khu sighoho.

Jeremiya 4:22

Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Jeremiya 5:1

Dzundrulugelani dzindzilani gwatshavbo ga Jerusalema, mu khedzani mitendrelani mu ta nyi embela mwendro saye mu na mana muthu moyo basi a tsakelago gululama ni gu gira ugo a gu lisine. Khavbo avbo, eni nyi na tsetselela Jerusalema.

Jeremiya 5:11

Kholu nyumba ya Israyeli ni ya Judha dzi di nyi wugela, a ngu ganela Pfhumu Nungungulu.

Jeremiya 5:2

Ambari sawe va gu ganela, khavo: “Hi ngu sambanya khu lina la Pfhumu Nungungulu a vbanyago.” Va gu sambanya malipha.

Hoseya 4:2

Gu wonega basi guvalana, malipha, ni gusongana, wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.

Hoseya 5:7

Kha va tumbega ga Pfhumu Nungungulu; kholu va velegide sanana nya wubhayi. Olu Mibuzo yawe nya Gumege nya Ngima, yi na va mbembisa gumogo ni dzithomba dzawe.

Hoseya 6:7

Avo va pide gidzumeledzwano kha nga Adhamu, va si tumbegi avbo gwangu.

Hoseya 7:4

Vatshavbo sibhayi, va gu fanana ni gidhingiselo nya nilo, egi muvawuli nya mikati, a si dzi garadzigo khu gu endzedza, gukhugela avbo a sugago wuguvbi, kala avbo wu gugumugago.

Mikeya 6:12

Kholu sitetema si vbanyago vbakari gwanu si tade khu dzihanyi; ni vathu vawe va gu ganela malipha; ni malimi yawe khya wudambane.

Sofoniya 3:4

Vaprofeti vawe kha va phasi gilo, va mwalo githawo, vathu nya wundzundzwane; vaphasi vawe nya mhamba, va nyenyeziside wulanga nya miphaso, va wegedza nayo.

Malakiya 2:11

Va na Judha kha va tumbega gilo. Va giride manyala tigoni ga Israyeli ni Jerusalema; kholu va na Judha va nyenyeziside Wulanga nya guage wa Pfhumu Nungungulu, owu a wu golago, kholu a dzeganide ni vanyamayi va khozelago vambe vanungungulu va vbavbandze.

Malakiya 2:14

Gambe mu nga gu wudzisana, khenu: “Khu ginani?” Kholu Pfhumu khade fakazi vbakari gwago ni mwangadzi nya wudzaha wago, oyu uwe u ngamba tumbega gwaye, ambari a nga bani ari uye mubangaladzi wago ni nyamayi u hungidego naye gidzumeledzwano nya dzegano.

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.

Valamuli 2:10

Ni melana watshavbo wowu nuwo, wu diya dzi pata gumogo ni vababe vawe; aholu khu hwane gwawe wu di tumbuluga wumbe melana wu nga bani wu si muti Pfhumu Nungungulu, ambari ni thumo nya wadi a wu giredego va na Israyeli.